اسرائیلی جارحیت سے 10 ہزار فلسطینی بے گھر، 132 شہید اور سینکڑوں زخمی

اسرائیل اور حماس کے مابین جاری لڑائی پانچویں روز میں داخل ہوگئی، اسرائیلی طیاروں نے ہفتے کی صبح ایک بار پھر سے غزہ کو اپنے بدترین فضائی حملوں کا نشانہ بنایا۔ جس کے جواب میں حماس کے مجاہدین کی جانب سے اسرائیل پر کئی راکٹ فائر کئے گئے۔ اس دوران امریکی اور عرب سفارتکاروں نے دونوں فریقین میں جاری لڑائی کو روکنے کی کوششیں شروع کردی ہیں۔

فلسطینی پیرا میڈیکلس کے مطابق گزشتہ رات سے غزہ پر جاری اسرائیلی فضائی حملوں میں تقریباً 12 افراد جاں بحق ہوگئے ہیں۔ اس دوران دہشت گرد اسرائیل فورسز کی جانب سے مہاجرین کیمپوں کو بھی نشانہ بنایا، جس میں خاتون سمیت 3 بچے جاں بحق ہوگئے۔

اس موقع اسرائیلی انتظامیہ کی جانب سے موقف اپنایا گیا ہے کہ انہوں نے غزہ میں موجود حماس کی ایک فوجی انٹیلیجنس سہولت اور راکٹ لانچنگ کے مقامات پر حملہ کرکے نشانہ بنایا ہے۔

اس موقع پر فلسطین کے وزیر مذہبی امور نے دعویٰ کیا کہ اسرائیلی فوج نے اپنی بمباری کے ذریعے ایک مسجد کو شہید کر دیا ہے، جبکہ فوجی ترجمان کے مطابق آرمی رپورٹس کا جائزہ لے رہی ہے۔

سرحد کے اس پار، جنوبی اسرائیلی کے بیشتر حصوں میں سائرن بجنے لگے، جس کے بعد رہائشی پناہ کے لئے محفوظ مقام پر بھاگتے دکھائی دیئے۔ جبکہ اسرائیلی راکٹوں نے بیرسببہ اور اشدود کے شہروں میں عمارتوں کو نشانہ بنایا تاہم ابھی زخمی ہونے کی کوئی اطلاع نہیں ہیں۔

حالیہ کشیدگی ختم ہونے کا کوئی نشان نہیں ہونے کے سبب ہلاکتوں کی تعداد میں روز اضافہ ہو رہا ہے۔ مظاہرین اور فلسطینی سیکورٹی فورسز کے مابین جھڑپوں کے دوران مقبوضہ مغربی کنارے میں جمعے کے روز 11 فلسطینیوں کی شہادت ہوئی۔

واضح رہے پیر سے لیکر اب تک غزہ میں کم از کم 132 افراد شہید ہوچکے ہیں۔ فلسطین پیرا میڈکس کے مطابق ہلاک ہونے والوں میں 32 بچے اور 21 خواتین شامل ہیں، جبکہ 950 افراد زخمی ہیں۔

اس سلسلے میں اسرائیلی حکام کی جانب سے دعویٰ کیا جا رہا ہے، حالیہ کشیدگی میں اس کے 8 افراد ہلاک ہوئے ہیں، جن میں سرحد پر گشت کرتے ہوئے ایک فوجی اور دو بچوں سمیت چھے شہری شامل ہیں۔

دوسری جانب اقوامی متحدہ کی سیکورٹی کونسل کی جانب سے فلسطین اسرائیل مسئلے پر اتوار کے روز اجلاس طلب کیا گیا ہے، جہاں اس معاملے پر بات کی جائے گی۔ جبکہ اس دوران امریکی صدر جو بائیڈن کے سفیر ہادی امر جوکہ نائب اسسٹنٹ سیکریٹری برائے اسرائیل اور فلسطینی امور ہیں، وہ جمعے کے روز روانہ ہوگئے ہیں۔

اس موقع پرناسرائیل میں امریکی سفارتخانے کا کہنا ہے کہ اس کا مقصد “ایک پائیدار پرسکون کی طرف کام کرنے کی ضرورت کو تقویت دینا ہے۔”

خیال رہے اسرائیل نے جمعے کے روز دن بھر حملے کئے اور متعدد معصوم اور نہتے شہریوں کو جاں بحق کر دیا۔ اسرائیل کی جانب سے مزید دعویٰ کیا گیا ہے کہ اس نے کئی کلو میٹر سرنگوں، لانچنگ سائٹس اور اسلحہ بنانے والے گوداموں کو تباہ کر دیا تھا۔

فلسطینی عوام جانب سے سائرن، ریڈیو، ٹی وی نشریاتی مداخلتوں اور سیل فون کے بیپوں پر سرخ انتباہات ایڈجسٹ کیا ہوا ہے، جوں ہی انہیں اس پر سگنلز موصول ہوتے ہیں، وہ فوری محفوظ پناہ گاہوں کی طرف بھاگتے ہیں۔

لیکن یہاں افسوس کے ساتھ کہنا پڑھتا ہے کہ فلسطین پر ہونے والے مظالم پر آج پوری عالمی برادری خاموش ہے، ایک جانب اسرائیل فورسز نے فلسطین کی سڑکوں کو خون نہلا دیا ہے، تو دُوسری جانب اسرائیل عوام کو فلسطینی شہریوں کی ہلاکت پر خوشیاں مناتے ہوئے دیکھا گیا، تاہم اس موقع پر وزیراعظم پاکستان عمران خان نے پوری دنیا کو ایک واضح پیغام دیا ہے کہ پاکستان فلسطینیوں کے ساتھ کھڑا ہے۔