بہو کا اپنی ساس پر بدترین تشدد، ویڈیو وائرل


0

کہتے ہیں کہ ساس بہو کا مسئلہ صدیوں سے چلا آرہا ہے اور آج تک قائم ہے۔ یہ مسئلہ نہ صرف برصغیر میں ہے بلکہ کافی حد تک مغربی ممالک میں بھی پایا جاتا ہے۔ پہلے تو یہ مسئلہ صرف لڑائی جھگڑوں تک محدود تھا لیکن اب ان لڑائیوں میں اس قدر شدت آگئی ہے کہ ساس اپنی بہو پر اور بہو اپنی ساس پر تشدد کرنے سے بھی باز نہیں رہتیں۔ ایسی ہی ایک بہو کی اپنی ساس پر بدترین تشدد کی ویڈیو وائرل ہو رہی جس میں اس نے اپنی بوڑھی ساس کے منہ پر تھپڑ مار دیا۔

وائرل ہونے والی اس ویڈیو میں خاتون بھارتی معلوم ہوتی ہیں جنہوں نے اپنی ہی ساس کو بیہمانہ تشدد کا نشانہ بنایا۔ مذکورہ ویڈیو میں دیکھا جاسکتا ہے کہ ساس بہو کسی بات پر جھگڑ رہی ہیں یکدم بہو غصے میں اٹھ کر ساس کے منہ پر تھپڑ مار دیتی ہے۔

Image Source: Screengrab

اس ویڈیو پر صارفین کی جانب سے غم وغصے کا اظہار کیا ہے۔ متعدد صارفین نے بہو کے اس اقدام پر استغفر اللہ لکھا جبکہ بعض کا کہنا ہے کہ اللہ ایسی بہوؤں کو ہدایت دے۔

Video Source: Instagram

اس سے قبل بھی بھارتی ریاست اترپردیش میں ساس پر بہو کے بدترین تشدد کی ویڈیو وائرل ہوئی تھی، جس میں ستر سالہ راج رانی جین پر بہو سنگیتا نے تھپڑوں اور گھونسوں کی بارش کی ،اینٹیں برسائیں اور پھر گلہ گھونٹنے کی بھی کوشش کی۔ متاثرہ خاتون کے مطابق بہو نے اچانک ہی بغیر کسی وجہ کے مارنا شروع کردیا۔شوہر نے بیوی کے برے رویئے کے بعد ماں پر تشدد کا شک ہونے پر گھر میں خفیہ سی سی ٹی وی کیمرہ نصب کیا تھا۔ شوہر کا کہنا تھا کہ سنگیتا کا اصل چہرہ سامنے لانے کے لیے کیمرہ لگایا۔ ویڈیو کو سوشل میڈیا پر اپ لوڈ کیا گیا جو وائرل ہوگئی، جس کے بعد پولیس نے سنگیتا کو گرفتار کرلیا۔ ماں پر ظلم کے بعد سندیپ کمار نے بیوی کو طلاق بھی دیدی تھی۔

مزید پڑھیں:کراچی میں بدبخت بیٹے کا والدہ پر ہولناک تشدد، ویڈیو وائرل

ساس اور بہو کے رشتے اور تعلقات کا انحصار ایک دوسرے سے برتاؤ پر منحصر ہوتا ہے۔ اگر دونوں ایک دوسرے کا مقام تسلیم کریں، عزت اور محبت سے پیش آئیں ، ایک دوسرے کی ضروریات اور احساس کا خیال رکھیں اور دکھ سکھ میں شریک رہیں تو یہ رشتہ مضبوط اور مثالی ہوجاتا ہے بلکہ کبھی کبھی یہ بھی دیکھا گیا ہے کہ یہ رشتہ خونی رشتہ پربھی سبقت لے جاتا ہے۔

گزشتہ دنوں بھارتی ریاست راجستھان کے شہر سیکار کی خاتون کملا دیوی نے اپنی بیوہ بہو سنیتا کو پڑھایا لکھا کر خود اس کی دوسری شادی کروائی تھی جس کے سوشل میڈیا پر خوب چرچے ہوئے تھے۔ کملا دیوی کے چھوٹے بیٹے شبہم کی شادی 25 مئی 2016 کو بہو سنیتا کے ساتھ ہوئی تھی تاہم شادی کے بعد ایم بی بی ایس کی تعلیم حاصل کرنے کے لیے بیٹا کرغزستان چلا گیا لیکن بدقسمتی سے 6 ماہ کے اندر برین اسٹروک کے باعث چل بسا۔ لہٰذا کملا دیوی خاتون نے بہو کا تنہا نہ چھوڑا بلکہ اپنی بہو کو تعلیم سے آراستہ کروایا جس کی وجہ سے سنیتا اسکول میں لیکچرار مقرر ہوئی جبکہ شادی کے 5 سال بعد اس کی دوبارہ شادی کرواکر اسے خوشی سے رخصت کردیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format