عالمی وباء کورونا وائرس کے پھیلنے کے تقریباً ڈیڑھ سال بعد سعودی عرب نے 9 اگست سے ان غیر ملکیوں کو عمرے کی اجازت دینے کا اعلان کیا ہے، یہ اعلان ان لوگوں کے لئے ہے، جنھوں نے ویکسین کی مکمل خوراکیں لگوا لی ہو۔
سعودی عرب ، غیر ملکیوں کی عمر ہ درخواستوں کی وصولی جلد شروع کرے گا، سعودی وزارت حج کا کہنا ہے کہ عمرہ کرنے والوں کی گنجائش 60 ہزار یومیہ رکھی جائے گی اور ہر ماہ 20 لاکھ افراد عمرہ ادا کرسکیں گے۔
تفصیلات کے مطابق سعودی وزارت حج کی جانب سے عمرہ درخواستوں کی وصولی کا عمل شروع کر دیا گیا ہے، عمرہ پرمٹ ایپلی کیشن سے جاری ہوں گے۔ سعودی وزارت حج کا کہنا ہے کہ عمرہ کرنے والوں کی گنجائش 60 ہزار یومیہ رکھی جائے گی اور ہر ماہ 20 لاکھ افراد عمرہ ادا کرسکیں گے۔
اس سلسلے میں سعودی عرب نے ان غیر ملکیوں کو بھی عمرہ کی اجازت دینے کا اعلان کیا ہے، جہنوں نے ویکسین کی مکمل خوراکیں لگوائی ہیں۔ عازمین کو اپنی عمرہ درخواست کے ساتھ کووڈ 19 ویکسینیشن کا سرٹیفکیٹ لازمی منسلک کرنا ہوگا۔
مزید پڑھیں: پاکستانی علماء نے کورونا ویکسینیشن کی حمایت میں فتویٰ جاری کردیا
رپورٹ میں مزید کہا گیا ہے کہ جن ممالک کے مکمل ویکسین لگوائے ہوئے افراد کے سعودی عرب داخلے پر پابندی ہے، وہاں سے تعلق رکھنے والے زائرین کو سعودی عرب پہنچنے پر قرنطینہ بھی کرنا ہوگا۔
یعنی پاکستان سے تعلق رکھنے والے زائرین کو بھی ویکسین کی خوارکیں مکمل کرنے کے باوجود سعودی عرب پہنچنے پر قرنطینہ کرنا ہوگا۔
گزشتہ برس اکتوبر میں اندورنِ ملک سے تعلق رکھنے والے افراد کو عمرے کی اجازت دی گئی تھی۔ جبکہ کورونا وبا پھیلنے کے بعد رواں برس بھی صرف سعودی عرب سے تعلق رکھے والے افراد کو محدود پیمانے پر حج کی اجازت دی گئی تھی۔ کورونا وائرس کی وبا پھیلنے کے تقریباً ڈیڑھ سال بعد سعودی عرب نے غیر ملکیوں کو بھی عمرے کی اجازت دے دی ہے۔
مزید پڑھیں: آب زم زم نعمت خداوندی جس کے معجزات سائنس بھی ماننے پر مجبور
یاد رہے گزشتہ برس مدینہ منورہ سے منسلک ایک اہم خبر سامنے آئی تھی، جس میں عالمی ادارہ صحت (ڈبلیو ایچ او) نے مسلمانوں کی مقدس ترین سرزمین اور سعودی کے شہر مدینہ منورہ کو دنیا کے سب سے صحت افزاء شہر قرار دیا تھا۔ عالمی ادارہ صحت کی ٹیم نے دورے کے دوران اعتراف کیا تھا کہ مدینہ وہ شہر ہے، جس میں وہ تمام اسٹینڈرڈ ہیں، جو کسی بھی شہر کو ایک صحت مند شہر بناتا ہے۔
0 Comments