آریان خان کی رہائی کیلئے ضمانتی بانڈ پر جوہی چاؤلہ نے دستخط کئے


1
1 point

بالی ووڈ کے سپر اسٹار شاہ رخ خان کے بیٹے آریان خان کی منشیات کیس میں ضمانت منظور ہوگئی ہے اور انہیں ممبئی کی جیل سے رہا کر دیا گیا ہے۔ آریان کی ضمانت مشہور بھارتی اداکارہ اور کنگ خان کی قریبی دوست جوہی چاولہ نے دی اور انہوں نے ہی ایک لاکھ روپے کے ضمانتی بانڈ پر دستخط کیے۔

واضح رہے کہ نارکوٹکس کنٹرول بیورو (این سی بی) نے ممبئی سے گوا جانے والے جہاز پر 3 اکتوبر کو چھاپہ مار کر 23 سالہ آریان کو 19 دیگر ساتھیوں سمیت گرفتار کرلیا تھا۔ ان پر الزام تھا کہ وہ ساتھیوں سمیت مذکورہ کروز میں ڈرگ پارٹی کرنے کا ارادہ رکھتے تھے۔

Image Source: Gulf News

ہندوستان ٹائمز کے مطابق جوہی چاؤلہ ممبئی کی منشیات اور سائیکوٹرپک کی خصوصی عدالت میں جمعہ کے دن عدالت میں موجود تھیں اور انہوں نے ایک لاکھ بھارتی روپوں کے ضمانتی مچلکوں پر دستخط کیے اور اس طرح وہ آریان خان کی ضامن بنیں۔ رپورٹ میں یہ بھی بتایا گیا ہے کہ جوہی چاؤلہ نے عدالت کی طرف سے ضمانت کی شرائط کے بعد بانڈ پر دستخط کئے۔ اس سے قبل آریان خان کی ضمانت تین بار مسترد کی گئی اور بلآخر جوہی چاؤلہ کی شیورٹی دینے پر ضمانت کی منظوری ہوئی۔

آریان کی رہائی پر اداکارہ نے اپنے ردعمل کا اظہار کرتے ہوئے اس کو سب کے لئے ریلیف قرار دیا۔ انہوں نے میڈیا سے گفتگو کرتے ہوئے کہا کہ اب ہمارا بچہ گھر آجائے گا۔ انہوں نے کہا کہ مجھے خوشی اس بات پر ہے کہ یہ معاملہ اب ختم ہوگیا ہے اور آریان بہت جلد گھر آجائے گا۔ آریان خان کے وکیل ستیش مان شیندے کا کہنا ہے کہ جوہی چاولہ آریان کو بچپن سے جانتی ہیں کیونکہ وہ ان کے والد کے ساتھ پیشہ ورانہ طور پر وابستہ رہی ہیں۔

Image Source: Twitter

خیال رہے کہ ممبئی ہائی کورٹ نے آریان کی ضمانت 28 اکتوبر کو منظور کی تھی لیکن انہیں ابتدائی طور پر رہا نہیں کیا گیا البتہ کاغذی کارروائی میں تاخیر کے سبب انہیں مزید دو راتیں جیل میں گزارنی پڑیں۔ ضابطوں کے مطابق ان کی ضمانت کے کاغذات شام ساڑھے پانچ بجے تک جیل کے لیٹر بکس میں پہنچ جانے چاہیے تھے۔ البتہ جمعے کے روز کاغذات مقررہ وقت گزرنے کے بعد پہنچے تھے جس کے بعد آریان خان سمیت ان کے دو دوستوں کو جیل سے رہائی ملی۔ کنگ خان کے بیٹے نے تقریباً 22 دن جیل کی سلاخوں کے پیچھے گزارے۔

Image Source: File

علاوہ ازیں ، آریان خان کو جب این سی بی کی ٹیم نے ممبئی کے ساحل سے کروز شپ سے ممنوعہ ادویات اور نشہ آور اشیاء رکھنے کے الزام میں حراست میں لیا تھا تو مبینہ طور پر ان کے پاس سے منشیات کی برآمدگی ہوئی جس میں 13 گرام کوکین، 5 گرام ایم ڈی، 21 گرام چرس اور ایم ڈی ایم اے کی 22 گولیاں ضبط کی گئیں جس کی مالیت 1,33,000 روپے تھی جس پر ان کی گرفتاری عمل میں آئی تھی۔ گرفتاری کے بعد پوچھ گچھ کے دوران آریان خان اپنے جذبات پر قابو نہ رکھ سکے اور روپڑے۔ پوچھ گچھ کے دوران یہ انکشاف بھی ہوا کہ کنگ خان کے بیٹے تقریباً چار سال سے منشیات کے عادی ہیں۔این سی بی ذرائع نے یہ بھی انکشاف کیا کہ دبئی، برطانیہ اور دیگر ممالک میں رہتے ہوئے بھی وہ منشیات کا استعمال کرتے تھے۔

تاہم ، منشیات کیس میں رہائی کے بعد آریان خان جب باندہ میں واقع اپنے گھر ’منت‘ پہنچے تو وہاں شاہ رخ خان کے پرستار آریان کا استقبال کرنے کے لیے قطار میں موجود تھے۔ منت کے دروازے پر لوگوں نے ڈھول بجا کر اور پٹاخے پھوڑ کر ان کا استقبال کیا اور جشن منایا۔


Like it? Share with your friends!

1
1 point

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format