خاتون کے برگر میں سے گلی سڑی انسانی انگلی برآمد


0

کیا آپ نے کبھی ایسا سوچا ہے کہ آپ اپنا پسندیدہ برگر کھانے ریسٹورنٹ گئے ہوں مگر برگر کا پہلا لقمہ لیتے ہی اس میں سے انسانی انگلی نکل آئے تو آپ کی کیا حالت ہوگی ؟ ایسا سوچ کر ہی کراہیت محسوس ہونے لگتی ہے، لیکن ایسا حقیقت میں ہوا ہے۔ جنوبی امریکی کے ملک بولیویا میں ایک خاتون نے فاسٹ فوڈ ریسٹورنٹ سے برگر خریدا جس میں سے گلی سڑی انسانی انگلی برآمد ہوئی ۔

برطانوی میڈیا کے مطابق بولیویا کے شہر سانتا کروڈی لاسیئرا کی رہائشی خاتون اسٹیفنی بینتیز نے بتایا کہ انہوں نے ایک ریسٹورنٹ سے ہاٹ برگر خریدا اور جب ایک لقمہ لیا تو برگر میں بدبو محسوس ہوئی جب لقمے کو منہ سے نکال کر دیکھا تو اس میں گوشت کا ایک ایسا ٹکڑا موجود تھا جس سے بدبو آ رہی تھی۔ انہوں نے بتایا کہ جب باقی برگر کھول کر دیکھا تو اس میں گلی سڑی ایک انسانی انگلی موجود تھی اور لقمہ لینے سے اسی انگلی کا ایک حصہ کٹ کر ان کے منہ میں چلا گیا تھا۔

Image Source: Instagram

خاتون نے اس ہولناک واقعے کی اطلاع فوراً ریسٹورنٹ کے مینیجر کو دی جبکہ انہوں نے اپنی فیس بک پر بھی اس واقعے کے بارے میں پوسٹ کی جس میں لکھا کہ ’برگر کھاتے ہوئے میں نے انسانی انگلی بھی چبالی۔‘ 

Image Source: Facebook

انہوں نے اپنی پوسٹ میں برگر سے نکلنے والی انگلی کی تصویر اور ویڈیو بھی شیئر کی۔ اس ویڈیو میں انہیں برگر شاپ کے مینیجر سے گفتگو کرتے ہوئے دکھایا گیا ہے جو انہیں کہہ رہے ہیں کہ ’ مجھے بتائیے آپ کو کیا چاہیے وہ ہم آپ کو دے دیں گے۔’

یہ ویڈیو سوشل میڈیا پر وائرل ہوگئی جسے 60 ہزار سے زائد افراد نے دیکھا۔ تاہم، خاتون کی شکایت پر جب ریسٹورنٹ کی انتظامیہ نے کان نہیں دھرے تو انہوں نے پولیس کو اطلاع دی۔

Image Source: Facebook

پولیس کی طرف سے تحقیقات کے بعد بتایا گیا ہے کہ ریسٹورنٹ کے ایک ملازم کی کام کے دوران حادثے کے سبب شہادت کی انگلی کا کچھ حصہ کٹ گیا تھا جو غلطی سے کسی طرح اس برگر میں چلا گیا۔ برگر میں انسانی انگلی نکلنے کی یہ خبر جنگل کی آگ کی طرح پورے شہر میں پھیل گئی اور حکومت نے اس پر نوٹس لیتے ہوئے مذکورہ برانچ کو عارضی طور پر بند کر دیا اور کمپنی پر جرمانہ عائد کر دیا ہے۔

مزید پڑھیں: اسپین میں ماں کو قتل کرکے لاش کھانے والے مجرم کو قید کی سزا

خیال رہے کہ پچھلے سال قصور میں بھی زنگر برگر میں انسانی انگلی نکل آئی تھی۔ قصور کے علاقے نفیس کالونی کے ایک شہری نے زنگر برگر خریدا، کھانے کے دوران اسے منہ میں ہڈی محسوس ہوئی جو اس نے باہر نکالی تو وہ انسانی انگلی کے اگلا حصہ ناخن سمیت تھا۔ جس کو دیکھتے ہی شہری کی طبیعت خراب ہوگئی اور قے آنی شروع ہوگئی۔

مزید پڑھیں: آن لائن قربانی کے نام پر لوگوں کو پرانہ اور بدبودار گوشت بھیج دیا گیا

اس واقعے پر مقامی شہری کی طرف سے متعلقہ فوڈ پوائنٹ کے خلاف کاروائی کے لیے درخواست دی گئی۔ جبکہ سوشل میڈیا پر اس واقعے کی ویڈیو وائرل ہونے پر فوڈ اتھارٹی نے متعلقہ فوڈ پوائنٹ کا دورہ کرکے اہم شواہد قبضے میں لے لئے تھے۔

Story Courtesy: Gulf News


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format