بھارتی اداکارہ سنجنا گلرانی نے اسلام قبول کرلیا


0

بھارتی اداکارہ سنجنا گلرانی اسلام قبول کر کے دائرے اسلام میں داخل ہوگئی جبکہ انہوں نے اپنا مسلم نام ماہرہ اختیا رکھا ہے۔ تفصیلات کے مطابق بھارتی اداکارہ نے دو سال قبل اسلام قبول کیا مگر اس کو چھپائے رکھا۔

بھارتی میڈیا کی رپورٹ میں یہ انکشاف کیا گیا ہے کہ بنگلورو کی مشہور دینی درس گاہ دارالعلوم شاہ ولی اللہ کی جانب سے 2018 میں سنجنا گلرانی کو جاری کیا گیا قبول اسلام کا تصدیق نامہ ایک ایسے وقت میں سامنے آیا ہے جب اداکارہ سنجنا گلرانی کو منشیات کے معاملے میں گرفتار کیا گیا ہے۔

Image Source: Instagram

اس تصدیق نامہ کے مطابق ارچنا منوہر گلرانی بنت منوہرگلرانی عمر 31 سالہ نے بغیر کسی جبر واکراہ کے برضا و رغبت اللہ کے ایک ہونے اور حضرت محمد صلی اللہ علیہ و سلم کو آخری نبی ہونے کو مان کر کلمہ شہادت پڑھ کر دین اسلام قبول کیا ہے۔ قبول اسلام کے اس تصدیق نامہ پر بھارتی اداکارہ کے دستخط کے علاوہ دو گواہان بانام امتیاز اور اسلم پاشا کے پتے، دستخط اور فون نمبر بھی موجود ہیں۔

رپورٹ کے مطابق مدرسہ شاہ ولی اللہ کے مہتمم مولانا زین العابدین کے مطابق سنجنا گلرانی کی جانب سے تبدیل مذہب کے سلسلے میں کورٹ سے لائے گئے بیان حلفی کی بنیاد پر مدرسہ نے انہیں تصدیق نامہ جاری کیا ۔

واضح رہے کہ بھارتی میڈیا انڈسٹری کی اداکارہ سنجنا گلرانی کی دین اسلام میں شمولیت کوئی جذباتی فیصلے نہیں بلکہ انہوں نے دس سال تک اسلامی تعلیمات کو دیکھنے اور سننے کے بعد یہ فیصلہ کیا ہے۔
رپورٹ میں بھی یہ بتایا گیا ہے کہ ارچنا منوہر گلرانی عرف سنجنا نے اپنے کورٹ بیان حلفی میں کہا ہے کہ وہ گزشتہ 10 سالوں سے مذہب اسلام کے سلسلہ میں کئی باتیں سنتی اور دیکھتی ہوئی آرہی ہیں۔ پروپیگنڈہ سے ان میں اسلام کو جاننے کی تجسس پیدا ہوا، اس کے بعد انہوں نے اسلام کو جاننے کی کوشش کی۔ اسلام کے متعلق موجود مواد کا مطالعہ کیا، مذہب اسلام پر چلنے والوں سے تبادلہ خیال کیا۔ مذہب اسلام کے اصولوں سے وہ متاثر ہوئیں۔

دین اسلام کی تعلیمات کے بارے میں سنجنا گلرانی نے اپنے کورٹ بیان حلفی میں مزید کہا ہے کہ میرے خیال میں اسلام کے اصول سچے ہیں اور میں ان اصولوں پر یقین کرتی ہوں۔ میں مذہب اسلام سے محبت کرتی ہوں، جس پر چلنے اور عمل کرنے کی ضرورت ہے تاکہ زندگی کا مقصد حاصل ہوسکے۔

بھارتی اداکارہ کے مطابق وہ ان تمام باتوں کو دھیان میں رکھتے ہوئے، یکم اکتوبر 2018 کو اہلیت رکھنے والے افراد، خاندان کے افراد اور گواہوں کی موجودگی میں اسلام میں داخل ہوئی ہیں۔ ارچنا گلرانی نے یہ بات بھی کہی ہے کہ وہ کے کسی بھی دباؤ کے بغیر اپنی پسند سے اسلام میں داخل ہوئی ہیں اور مسلم نام ماہرہ اختیار کرتی ہیں۔

اس حوالے سے مدرسہ شاہ ولی اللہ کے مہتمم مولانا زین العابدین نے کہا ہے کہ قبول اسلام کیلئے جو بھی مدرسہ سے رجوع ہوتا ہے، کورٹ کا تصدیق نامہ جاری کیا جاتا ہے، قانون کے مطابق تبدیل مذہب کی کارروائی انجام دی جاتی ہے، یہ سلسلہ گزشتہ کئی سالوں سے مدرسہ شاہ ولی اللہ کے تحت جاری ہے ۔

بھارتی اداکارہ سنجنا گلرانی کے قبول اسلام کے بارے میں جب مدرسہ شاہ ولی اللہ کے مہتمم سے یہ سوال پوچھا گیا کہ یہ ایک فلمی اداکارہ ہیں، کیا اس بات سے آپ واقف تھے؟ اس سوال پر مولانا زین العابدین نے کہا کہ سنجنا گلرانی کے پس منظر سے وہ واقف نہیں تھے، اس موقع پر انہوں نے مزید کہا کہ سنجنا ہو یا کوئی اور خواہش مند جو بھی عدالت سے افیڈیوٹ پیش کرتا ہے، اس بنیاد پر اس شخص کو قبول اسلام کا تصدیق نامہ دیا جاتا ہے۔

خیال رہے کہ بھارتی فلم انڈسٹری کی مشہور اداکارہ نے متعدد فلموں میں کام کرتے ہوئے شہرت حاصل کی ہے جو  کم ہی اداکارؤں کو ملی لیکن ان دونوں وہ منشیات کے معاملے میں گرفتار ہیں جس کا سی سی بی نے پردہ فاش کیا ہے۔ بھارتی اداکارہ سنجنا گلرانی، کنڑا کی ایک اور اداکارہ راگنی دیودی سمیت چند دیگر ملزمان بھی ان دنوں عدالتی تحویل میں ہیں۔ بنگلورو کی سینٹرل کرائم برانچ پولیس اس ہائی پروفائل کیس کی جانچ کر رہی ہے۔ اس دوران سنجنا گلرانی کی 2018 میں اسلام قبول کرنے کی خبروں سے ریاست کی فلمی اور سیاسی حلقوں میں بحث چھڑ گئی ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format