اداکارہ زویا ناصر سوشل میڈیا ٹرولنگ کرنے والوں پر شدید برہم


0

سوشل میڈیا کے طفیل پچھلی دو دہائیوں میں وقت نے ایسا پلٹا کھایا کہ لوگ اب ٹوئٹر، انسٹاگرام اور فیس بک سے اپنے پسندیدہ شخصیات کی زندگی کے ہر پل کی خبر رکھ سکتے ہیں۔ مداح پہلے جن لوگوں کو صرف فلموں یا ایوارڈ شوز میں دیکھتے تھے، اب سوشل میڈیا کی بدولت ان سے براہ راست بات چیت کرسکتے ہیں بلکہ ان کی تصاویر وویڈیوز پر کھل کر تبصرے بھی کرتے ہیں۔

جہاں آجکل سوشل میڈیا کے ذریعے رابطہ رکھنا جتنا آسان ہوگیا ہے، اس کی پیچیدگیاں اتنی ہی بڑھ گئی ہیں کیونکہ دن بہ دن لوگوں میں اس بات کا احساس کم ہوتا جا رہا ہے کہ ان کے صرف ایک منفی تبصرے یا ایک مذاق سے دوسروں کی زندگیاں کتنی متاثر ہوتی ہیں۔

Image Source: Instagram

اس حوالے سے اداکارہ و یوٹیوبر زویا ناصر نے سوشل میڈیا کی ویب سائٹ انسٹاگرام کے ذریعے ان صارفین کو مخاطب کرتے ہوئے پیغام دیا ہے جو ہر وقت کسی نا کسی شخص پر تنقید کرتے دکھائی دیتے ہیں۔ اداکارہ کا کہنا ہے کہ سوشل میڈیا ٹرولز لوگوں کے کیرئیر، تعلقات اور ذہنی سکون برباد کر رہے ہیں۔

Image Source: Instagram

اداکارہ نے اپنی انسٹاگرام اسٹوری پر کسی بھی واقعے یا ٹرول کرنے والے شخص کا نام لیے بغیر سوشل میڈیا پر لوگوں کو ٹرولنگ کا نشانہ بنائے جانے کے معاملے پر بات کی۔ زویا ناصر نے اپنی پوسٹ میں لکھا کہ سوشل میڈیا ٹرولز لوگوں کے تعلقات، کیرئیر اور ذہنی صحت برباد کررہے ہیں، اگر ٹرولنگ کرنے والے صارفین کو ہر بار ٹرول کے بدلے منہ پر گھونسا مارا جائے تو ہی انٹرنیٹ سے ایسی زہریلی چیزوں کا خاتمہ ہوسکتا ہے۔

اداکارہ زویا ناصر کا مزید کہنا تھا کہ ٹرول کرنے والے دوسروں کا مذاق اڑا کر یا ان کی تذلیل کرکے کبھی اپنے عزائم میں کامیاب نہیں ہوسکتے۔ زویا نے ایسے افراد کو بزدل اور جاہل بھی قرار دیا۔ اگرچہ اداکارہ نے واضح طور پر نہیں لکھا کہ انہیں بھی حالیہ دنوں میں منگنی ختم ہونے پر ٹرولنگ کا نشانہ بنایا گیا تھا۔ لیکن ممکنہ طور پر لوگوں کی جانب سے ٹرولنگ کیے جانے کی وجہ سے ہی اداکارہ نے حالیہ اسٹوری شیئر کی ہے۔

Image Source: Instagram

خیال رہے کہ زویا ناصر پر گزشتہ ماہ اس وقت تنقید شروع ہوگئی تھی جب انہوں نے اسلام قبول کرنے والے جرمن یوٹیوبر کرسٹین بیٹزمین المعروف کرس بیٹزمین سے منگنی ختم کرنے کا اعلان کیا تھا۔ زویا ناصر نے گزشتہ ماہ 22 مئی کو اپنی انسٹاگرام پوسٹ میں تصدیق کی تھی کہ انہوں نے اپنے دیرینہ دوست جرمن یوٹیوبر سے منگنی ختم کرلی ہے ،اداکارہ نے دعویٰ کیا کہ ان کے منگیتر کا اچانک ان کے مذہب، عقائد، ملک اور ثقافت سے متعلق رویہ تبدیل ہوا، جس وجہ سے وہ ان سے راہیں جدا کرنے کے لیے مجبور ہوئیں۔ زویا ناصر نے منگنی ختم کرنے کا اعلان کرتے ہوئے مداحوں سے یہ اپیل بھی کی کہ ان کی ذاتی پرائیویسی اور دکھ کا خیال رکھ کر ان سے اور ان خاندان سے متعلق زیادہ باتیں نہ کی جائے تو اچھا ہے۔

جبکہ جرمن وی لاگر کا کہنا تھا کہ انہوں نے زویا ناصر کو خود چھوڑا ہے، منگنی ختم ہونے کے بعد کرسچین بیٹزمین کی جانب سے یوٹیوب چینل پر ایک ویڈیو شیئر کی گئی جس میں بھارتی صارف کے تبصرے کا جواب دیتے ہوئے زویا ناصر کے سابق منگیتر نے لکھا کہ زویا کو میں نے خود چھوڑا ہے لیکن یہ ایک مختلف کہانی ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format