شاہ رخ خان دنیا کے چوتھے امیر ترین اداکار قرار دیدئیے گئے


0

بالی ووڈ میں جب بھی کسی رومانوی فلم کا ذکر ہوتا ہے تو ایک ہی نام ذہن میں آتا ہے اور وہ ہے ‘شاہ رخ خان’ کا، کنگ خان کی اداکاری کا مخصوص انداز ناظرین کی توجہ اپنی جانب مبذول لروانے کی بھرپور صلاحیت رکھتا ہے۔

اسی خصوصیت کے باعث شاہ رخ خان نے اپنے کیریئر میں کئی ہٹ، سپرہٹ اور بلاک بسٹر فلموں میں اداکاری کے جوہر دکھائے ،’کچھ کچھ ہوتا ہے‘، ’کبھی خوشی کبھی غم‘ اور ’چنئی ایکسپریس‘ جیسی کئی فلموں میں رومانوی ہیرو راہول کا کردار ادا کیا جب کہ ‘دل والے دلہنیا لے جائیں گے’ اور ‘چلتے چلتے’ میں انہوں نے ‘راج’ کا کردار ادا کیا جو ان کی پہچان بن گئے۔انہوں نے اب تک 80 سے زیادہ ہندی فلموں میں کام کیا ہے اور انہیں صرف ہیرو ہی نہیں بلکہ منفی کرداروں میں بھی پسند کیا گیا ہے۔

بات یہی ختم نہیں ہوتی کیونکہ کنگ خان اپنی ایکٹینگ کے ساتھ ساتھ اب اپنی آمدنی میں بھی دوسرے بالی ووڈ اداکاروں پر سبقت لے گئے ہیں اور ان کو دنیا کا چوتھا امیر ترین اداکار قرار دے دیا گیا ہے۔ ’ورلڈ آف اسٹیٹکس‘ کی جانب سے جاری کی گئی فہرست کے مطابق شاہ رُخ خان دنیا کے امیر ترین اداکاروں کی فہرست میں چوتھے نمبر پر آگئے ہیں۔

ویب سائٹ کے مطابق شاہ رُخ خان 770 ملین ڈالرز بھارتی روپے کے مطابق 6306 کروڑ کے اثاثوں کے مالک ہیں۔شاہ رُخ خان 770 ملین ڈالرز کے ساتھ چارٹ پر چوتھی پوزیشن حاصل کرنے پہلے ایسے بھارتی اداکار ہیں جنہوں نے ٹام کروز اور جیکی چین کو بھی پیچھے چھوڑ دیا ہے۔شاہ رُخ خان کے بعد ٹام کروز، جیکی چین، جارج کلونی اور رابرٹ ڈی نیرو جیسے نامور ستارے بالترتیب پانچویں، چھٹے، ساتویں اور آٹھویں پوزیشن پر ہیں جبکہ پہلی پوزیشن پر امریکی اداکار جیری سین فیلڈ، دوسری پر ٹیلر پیری اور تیسری پوزیشن پر ڈی ڈوین جانسن المعروف راک براجمان ہیں۔ واضح رہے کہ ان کی آمدنی کا ذریعہ اداکاری کے علاوہ ان کے پروڈکشن ہاؤس’ریڈ چلی انٹرٹینمنٹ‘ اور اسپورٹس ٹیم ’کولکتہ نائٹ رائیڈرز‘ سمیت کئی ایوارڈ شوز کی میزبانی اور اشتہارات ہیں۔یہاں یہ بتاتے چلیں کہ کنگ خان فلموں کے لیے 40 سے 50 کروڑ جب کہ اشتہارات کے لیے 22 کروڑ معاوضہ وصول کرتے ہیں۔

Image Source: File

یاد رہے کہ گزشتہ برس فوبز کی جانب سے جاری کی گئی دنیا کے امیر ترین اداکاروں کی فہرست میں شاہ رُخ خان 690 ملین ڈالرز کے مالک بتائے گئے تھے یعنی رواں برس ان کے اثاثوں میں 80 ملین ڈالرز کا اضافہ ہوا ہے۔مزید برآں، چند روز پہلے برطانیہ کے فلمی میگزین ایمپائر نے اب تک کے 50 بہترین بین الاقوامی اداکاروں کی فہرست مرتب کی ہے جس میں شاہ رخ خان بالی ووڈ کے واحد اداکار ہیں۔اس فہرست میں مارلن برینڈو، ٹام ہینکس اور کیٹ ونسلیٹ جیسے اداکار شامل ہیں۔

میگزین نے شاہ رخ خان کے دہائیوں پر مبنی کیریئر میں نامور کرداروں کا ذکر کیا ہے۔اس میں کچھ کچھ ہوتا ہے، دیوداس، سوادیس اور مائی نیم از خان میں ان کے کرداروں کو بہترین قرار دیا گیا ہے۔برطانوی میگزین کی فہرست میں شامل دیگر اداکاروں میں ایل پچینو، جواکن فینکس اور لیونارڈو ڈی کیپریو بھی ہیں۔

خیال رہے کہ بالی ووڈ فلم نگری کے بے تاج بادشاہ شاہ رخ خان کی شخصیت کی طرح ممبئی میں واقع ان کا عالیشان گھر ‘منت’ بھی لوگوں کی توجہ کا مرکز بنا رہتا ہے بلکہ پچھلے دنوں اس گھر کے باہر لگی نیم پلیٹ (نام کی تختی) بھی سوشل میڈیا صارفین کی دلچسپی کا باعث بنی جسکی وجہ یہ تھی کہ یہ چمچماتی نیم پلیٹ ہیروں سے تیار کی گئی ہے


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format