محبت سچی ایک ہی بار ہوتی ہے، اداکار شہروز سبزواری


0

معروف اداکار شہروز سبزواری اور ماڈل صدف کنول گزشتہ برس رشتہ ازدواج میں منسلک ہوئے، دونوں کی جانب سے سوشل میڈیا پر اس خبر خبر کا اعلان کیا گیا۔ دونوں فنکاروں کی شادی کی خبر کو لیکر سوشل میڈیا کئی ہفتوں تک چرچہ رہا تھا، ناقدین نے انہیں کافی تنقید کا نشانہ بنایا تھا اور افسوس یہ تنقید کا سلسلہ تاحال جاری ہے۔ اگرچے شہروز سبزواری کی یہ دوسری شادی ہے تاہم انہوں نے انکشاف کیا ہے کہ انہوں نے محبت صرف ایک ہی بار کی ہے۔

تفصیلات کے مطابق شادی کی خبر پر ابتداء میں ماڈل صدف کنول کو کڑی تنقید کا سامنا کرنا پڑا تھا، کسی نے انہیں گھر توڑنے والی قرار دیا، تو کسی نے دھوکہ بازی کے الزامات عائد کئے۔ تاہم اس موقع پر شہروز سبزواری کی جانب سے صدف کنول کا کھل کر دفاع کیا گیا، ان کے الفاظ تھے کہ محض اس لئے کے ہم نے ساتھ کام کیا، اس کا ہرگز یہ مطلب نہیں کہ ہم ایک دوسرے کے ساتھ ریلیشن شپ میں تھے یا وہ میرے اور سائرہ کے درمیان علیحدگی کی وجہ تھیں۔

Image Source: File

بعدازاں صدف کنول اور شہروز سبزواری کی جانب سے باقاعدہ شادی کے اعلان پر انہیں سوشل میڈیا پر کڑی تنقید کا سامنا کرنا پڑا تھا۔

حال ہی میں اداکار شہروز سبزوارینے اے آر وائی نیوز کے پروگرام “ہر لمحہ پرجوش” میں بطور مہمان شرکت کی تھی، جہاں دوران پروگرام وسیم بادامی کے ساتھ معصومانہ سوالات کے سیگمنٹ میں اداکار نے بتایا کہ سچی محبت زندگی میں ایک ہی بار ہوتی ہے، ان کے مطابق یہ زندگی کی ایک حقیقت ہے.

Image Source: Instagram

شہروز سبزواری کے کہنا تھا کہ آپ زندگی میں صرف ایک بار محبت کر سکتے ہیں، یہ ایک تلخ حقیقت ہے، ساتھ ہی انہوں نے انتہائی پراعتماد انداز میں کہا کہ سچی محبت ایک ہی بار ہوتی ہے۔

اداکار شہروز سبزواری کے اس بیان پر پروگرام کے میزبان وسیم بادامی جہاں بظاہر حیران ہوئے وہیں انہوں نے اداکار سے پوچھا کہ انہیں بھی سچی محبت ایک ہی بار ہوئی ہے، جس پر شہروز سبزواری نے مسکراتے ہوئے کہا یہ حقیقت ہے کہ انہیں محبت ایک ہی بار ہوئی ہے۔

واضح رہے اس سے قبل اداکار شہروز سبزواری اور اداکارہ صدف کنول نے مارننگ شو میں شرکت کی تھی، جہاں انہوں نے دوسری شادی وجہ بتاتے ہوئے بتایا تھا کہ وہ سائرہ یوسف سے طلاق کے بعد وہ غیر شادی شدہ نہیں رہنا چاہتے تھے۔

شہروز سبزواری کا کہنا تھا کہ میری شادی کرنے کی نیت تھی، اس لیے میں نے صدف کنول کو سب کچھ بتا دیا، میں زندگی کے جس دور سے گزر رہا تھا اس کے بعد اکیلا نہیں رہنا چاہتا تھا۔ میں بہت مذہبی ہوں، ہمارا مذہب جن باتوں کی اجازت نہیں دیتا، بطور انسان میں ان سے دور رہنے کی کوشش کرتا ہوں۔ ہم مجبور لوگ ہیں لیکن اگر ہم شادی کرلیں، تو چیزیں خوبصورت ہو جاتی ہیں۔

انہوں نے مزید کہا کہ اللہ اس کے لئے راستہ بنا دیتا ہے، جس سے وہ انسان نکاح کرنا چاہتا ہے، ان کے کیس میں بھی کچھ ایسا ہی ہوا ہے۔

دوسری جانب صدف کنول نے شہروز سبزواری کے حوالے سے بتایا کہ انہوں نے میری بہت رہنمائی کی، یہ اچھی شخصیت کے ساتھ ایک بہت اچھے انسان بھی ہیں، ان کے والدین نے بہت اچھی تربیت دی ہے۔ جبکہ میری ہمیشہ سے خواہش تھی کہ سادگی سے گھر میں ہی شادی کروں اور اتفاق سے ایسا ہی ہوا، ان کی ساس نے اس وقت مجھے اپنا لال جوڑا دیا تھا۔

یاد رہے کچھ عرصہ قبل اداکار شہروز سبزواری اور اداکارہ صدف کنول نے ایک نجی ٹی وی شو میں شرکت کی تھی، جس کی میزبانی اداکار آغا علی اور اداکارہ حنا الطاف کر رہیں تھیں۔ اس پروگرام میں شہروز سبزواری کی جانب سے بتایا گیا تھا کہ وہ اداکارہ صدف کنول کب اور کہاں ملے اور کیسے ان کی دوستی محبت میں تبدیل ہوئی


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format