پنجشیر میں پاک فضائیہ کا طیارہ گرانے کا دعوی ‘جھوٹا’ نکلا


0

طالبان کی جانب سے پنجشیر میں پیش قدمی کے بعد کچھ ٹوئٹر اکاؤنٹس سے ایک جنگی طیارے کی تصاویر سوشل میڈیا پر شیئر کرکے یہ دعویٰ کیا جا رہا ہے کہ مزاحمتی جنگجوؤں نے افغانستان کی وادی پنجشیر میں پاک فضائیہ کا طیارہ مار گرایا ہے۔

ڈان نیوز کی خبر کے مطابق یہ تصویر اپریل 2018 میں امریکی طیارے کی ہے، امریکی ائیر فورس کا یہ طیارہ فنی خرابی کی وجہ سے گرا تھا۔

Image Source: Twitter

واضح رہے کہ مشہور مزاحمتی افغان رہنما احمد شاہ مسعود کے بیٹے احمد مسعود نے زمین بوس طیارے کی تصویر ٹوئٹ کرتے ہوئے تحریر کیا کہ ہمارے شیروں نے پاکستانی جنگی طیارہ مار گرایا۔ پھر اس ٹوئٹ کو ڈیلیٹ کردیا گیا لیکن اس ٹوئٹ اور اس کے اسکرین شاٹ کو طالبان مخالف دیگر گروپس نے بھی بڑی تعداد میں شیئر کیا۔ البتہ اس تصویر کو جب گوگل پر سرچ کیا گیا تو انکشاف ہوا کہ یہ تصویر تقریباً تین سال پرانی ہے۔

مزید یہ کہ اپریل 2018 میں ملٹری ڈاٹ کام نامی ویب سائٹ کی جانب سے یہ تصویر لگائی گئی تھی جس میں ساتھ یہ تحریر کیا گیا تھا کہ ایریزونا- کیلیفورنیا کی سرحد پر روزمرہ کی تربیتی پرواز کے دوران امریکی ایف-16 لڑاکا فیلکن طیارہ گر گیا۔

Image Source: Military.Com

جبکہ اسی تصویر کو ایران کی فار نیوز ایجنسی نے کریش لینڈنگ کے حوالے سے شائع آرٹیکل میں بھی استعمال کیا ہے۔

یہ تصویر اور وادی پنجشیر میں پاک فوج کی مداخلت کے حوالے سے دیگر جعلی اور بے بنیاد خبریں ایک ایسے موقع پر سامنے آئیں جب طالبان نے پیر کو ایک بیان میں کہا کہ انہوں نے طالبان مخالف عناصر کے آخری گڑھ وادی پنج شیر کا مکمل کنٹرول سنبھال لیا ہے۔

طالبان مخالف ان عناصر اور جنگجوؤں قیادت سابق افغان نائب صدر امراللہ صالح کے ساتھ ساتھ 80 اور 90 کی دہائی میں اس وادی میں مزاحمت کے لیے مشہور احمد شاہ مسعود کے بیٹے احمد مسعود کر رہے تھے۔

طالبان کی پنجشیر کی جانب پیش قدمی کے ساتھ بھارتی خبر رساں اداروں نے اپنی روایت برقرار رکھتے ہوئے پاکستان مخالف پروپیگنڈا شروع کردیا اور اس طرح کی غیرمصدقہ خبریں چلانے لگے کہ پنجشیر پر پاکستانی جنگی طیارے پرواز کررہے ہیں اور طالبان کی مدد کرتے ہوئے مزاحمتی فورسز پر بمباری کر رہے ہیں۔

بھارتی خبر رساں ایجنسیوں بشمول ‘زی ہندوستان’ اور ‘ریپبلک ٹی وی’ نے وہ فوٹیج فراہم کی جس میں انہوں نے دعویٰ کیا تھا کہ پاکستانی ڈرون پنجشیر میں طالبان مخالف جنگجوؤں پر حملہ کر رہے ہیں۔

تاہم بھارت کے اس دعوے کی قلعی اس وقت کھل گئی جب ویب سائٹ ‘بوم’ نے نشاندہی کی کہ یہ ویڈیو افغانستان میں تنازع کی نہیں بلکہ ایک ویڈیو گیم ‘آرما-3’ سے لی گئی ہے۔

Image Source: Boom

اس کے علاوہ ایک اور بھارتی نیوز چینل ٹائمز ناؤ نے ایک کلپ نشر کیا جس میں دعویٰ کیا گیا کہ ایک پاکستانی لڑاکا طیارہ پنجشیر کی فضاؤں میں پرواز کر رہے ہیں اور اسے افغانستان میں پاکستان کی مداخلت کا ثبوت بھی قرار دیا۔

البتہ ایک آزاد ویب سائٹ یو کے ڈیفنس جرنل کے مطابق بھارتی میڈیا جس ویڈیو کا حوالہ دے رہا ہے دراصل وہ برطانیہ کے علاقے ویلز میں امریکی ایف-15 جنگی طیارے کی دوران پرواز بنائی گئی تھی۔

خیال رہے کہ طالبان کی پیش قدمی سے قبل ہی ماہرین کا ماننا تھا کہ وادی پنجشیر میں جغرافیائی لحاظ سے فائدے کے باوجود طالبان مخالف اتحاد زیادہ دیر مزاحمت نہیں کرسکے گا۔

مزید پڑھیں: ملک چھوڑنے کی کوشش، دو افغان شہری ہوائی جہاز سے گر کر ہلاک

خیال رہے کہ گزشتہ دنوں امریکی فوج کی اسلام آباد آمد کے بعد ایک اور جعلی تصویر سوشل میڈیا پر وائرل ہوئی۔ فوٹو شاپ کی گئی تصویر میں دعویٰ کیا گیا ہے کہ امریکی فوجی “پناہ گاہ”میں ٹھہرے ہوئے ہیں۔

دریں اثناء ، امریکی فوجیوں نے 20 سالہ جنگ کے خاتمے کے بعد افغانستان چھوڑ دیا ہے جس نے طالبان کو 2001 سے زیادہ مضبوط بنا دیا ہے۔

Story Courtesy: Dawn


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
1
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format