پاکستان شوبز انڈسٹری کی خوبرو اداکارہ علیزے شاہ سوشل میڈیا پر اکثر متحرک نظر آتی ہیں۔ حال ہی میں اداکارہ نے ہیئر کٹنگ کا منفرد اسٹائل بنایا مگر سوشل میڈیا اسٹار ناصر خان جان نے ان پر الزام لگایا ہے کہ اداکارہ نے ان کے ہیئر اسٹائل کو کاپی کیا ہے۔
پاکستان شوبز انڈسٹری کی خوبرو اداکارہ علیزے شاہ کا نام کسی تعریف کا محتاج نہیں، ‘عشق تماشا‘، ‘عہد وفا’ ، ‘میرا دل میرا دشمن ‘ میں بہترین پرفارمنس پیش خوب داد سمیٹی اور بہترین اداکاری کرکے ناظرین کو محظوظ بھی کیا۔ علیزے شاہ مقبولیت کا انذازہ اس بات لگایا جاسکتا ہے کہ انسٹاگرام پر ان کو 36 لاکھ 93 ہزار سے زائد لوگوں نے فالو کیا ہوا ہے، اداکارہ خود بھی مداحوں کو اپنی مصروفیات سے آگاہ رکھتی ہیں۔
کچھ دن پہلے علیزے شاہ نے اپنے لمبے بال کٹواکر اچانک نیا ”ہیرکٹ “کروالیا اور بالوں کو کافی چھوٹا کروالیا۔ تاہم اداکارہ کے اس منفرد ہیئر اسٹائل پر سوشل میڈیا اسٹار ناصر خان جان میدان میں آگئے اور انہوں نے علیزے پر الزام لگایا کہ اداکارہ نے ان کے بالوں کو کاپی کیا ہے۔
انسٹا گرام پر شیئر کی گئی تصویر میں ناصر خان جان اور علیزے شاہ کا ہیئر اسٹائل ملتا جلتا لگ رہا ہے۔ناصر خان جان نے اپنے ٹوئٹ میں لکھا کہ علیزے شاہ نے میرا ہیئر اسٹائل کاپی کیا ہے۔ اُنہوں نے مزید لکھا کہ شوبز شخصیات کے لیے ایک دوسرے کو کاپی کرنا عام سی بات ہے۔ ناصر خان جان نےاپنے آپ کو ایک مشہور شخصیت بھی قرار دیا۔
دوسری طرف ، صارفین کی جانب سے اس تصویر پر دلچسپ تبصرے کئے جارہے ہیں۔
واضح رہے کہ پاکستان شوبز انڈسٹری کی خوبرو اداکارہ علیزے شاہ کا نام کسی تعریف کا محتاج نہیں، اداکارہ نے مختصر وقت میں ٹی وی ڈراموں میں عمدہ پرفارمنس دکھا کر اپنا ایک مقام بنا لیا ہے۔ تاہم سوشل میڈیا پر اپنی بےتکی حرکتوں اور عجیب و غریب تصاویر اور ویڈیوز اپ لوڈ کرنے پر تنقید کا نشانہ بنتی رہتی ہیں۔
اس کے بعد اداکارہ کی ایک نئی ویڈیو وائرل ہوئی جس میں وہ لیجنڈری گلوکار راحت فتح علی خان کا مقبول ترین گیت ’اورے پیا‘ گا رہی۔ اس ویڈیو کے بعد جہاں مداحوں نے ان کی سُریلی آواز کو سراہا وہیں ناقدین نے شدید تنقید کا نشانہ بھی بنایا۔ اور ایک صارف نے تو یہ تک لکھ دیا کہ یہ گانا سن کر راحت فتح علی خان مر نا گیا ہو۔ یاد رہے کہ علیزے شاہ نے پہلے اپنے مداحوں کے لئے انگریزی میں گانا گایا تھا، اس گانے کو بھی سوشل میڈیا صارفین نے پسند نہیں کیا تھا بلکہ اداکارہ کے گانے کا مذاق بنایا تھا۔
مزید پڑھیں: علیزے شاہ کے لباس پر تنقید کرنے والوں کو مومنہ مستحسن کا جواب
علاوہ ازیں ، ہم اسٹائل ایوارڈز شو کی تقریب میں علیزے شاہ کو مغربی انداز کے لباس پہننے پر بھی تبصروں کی زد میں رہی تھیں۔ جب اس ایوارڈ شو کی تقریب کی تصاویر منظر عام پر آئیں تو لوگوں کے ساتھ شوبز انڈسٹری کی شخصیات نے بھی اداکارہ کو پاکستانی ثقافت اور فیشن کے برعکس لباس پہننے پر تنقید کا نشانہ بنایا تھا۔
0 Comments