پاکستان کی جیت پر بھارت میں آتشبازی، گمبھیر اور سہواگ تلملا اٹھے


0

آئی سی سی مینز ٹی ٹوئنٹی ورلڈکپ کے سپر 12 مرحلے میں پاکستان کے ہاتھوں بھارت کو عبرتناک شکست کے بعد جہاں پاکستان میں جیت کا بھرپور جشن منایا گیا وہیں نئی دہلی سمیت بھارت کے بھی مختلف شہروں میں پاکستان کی جیت کا جشن منایا گیا۔ جس پر سابق بھارتی کھلاڑی وریندر سہواگ اور گوتم گمبھیر سیخ پا ہوگئے۔

تفصیلات کے مطابق گزشتہ دبئی کے دبئی اسپورٹس سٹی کرکٹ اسٹیڈیم میں کھیلے گئے میچ میں پاکستان نے بھارت کو یکطرفہ مقابلے کے بعد 10 وکٹوں سے تاریخ ساز شکست دے دی۔ جس کے بعد پاکستان کی ہر گلیوں کوچوں جیت کا والہانہ جشن منایا گیا، تاہم ایسے ہی کچھ مناظر بھارت میں بھی دیکھے گئے اور درالحکومت دہلی کے علاقے سیما پوری سمیت ملک کے مختلف حصوں میں پاکستان کی جیت پر آتشبازی اور پٹاخے پھوڑے گئے۔

Image Source: Twitter

بھارت میں پاکستان کی جیت پر مختلف شہروں میں آتشبازی اور پٹاخے پھوڑے جانے کی ویڈیو سوشل میڈیا پر خوب وائرل، جس پر ناصرف انتہاء پسند ہندوئوں نے بےقصور مسلمانوں پر زہر اگلا وہیں سابق بھارتی کرکٹر بھی سوشل میڈیا پر زہر اگلتے دِکھائی دیئے۔

سماجی رابطے کی ویب سائٹ ٹوئیٹر پر جاری کردہ پیغام میں سابق بھارتی اوپنر وریندر سہواگ نے لکھا کہ دیوالی پر پٹاخوں پر پابندی پے، لیکن حال ہی میں پاکستان کی فتح پر ملک کے کچھ حصوں میں پٹاخے پھوڑے گئے۔

وریندر سہواگ نے طنزیہ انداز میں مزید لکھا کہ اچھا یہ لوگ تو کرکٹ کا جشن منارہے ہوں گے، تو دیوالی پر پٹاخے پھوڑنے کا کیا نقصان ہے؟ یہ سب ڈھونگ کیوں؟ سارا گیان دیوالی پر ہی یاد آتا ہے۔

دوسری جانب ایک اور سابق بھارتی بلے باز اور بھارت کی حکمران جماعت بھارتیہ جنتا پارٹی کے رکن اسمبلی گوتم گمبھیر نے بھی جلتی پر تیل کا کام کیا اور لکھا جو لوگ پاکستان کی جیت پر پٹاخے پھوڑ رہے ہیں، وہ بھارتی نہیں ہوسکتے ہیں۔ ہم اپنے لڑکوں کے ساتھ کھڑے ہیں۔

یہی نہیں اس دوران پاکستان سے بدترین شکست سے دوچار اور غصے سے آگ بگولا بھارتی شائقین نے ایک بار پھر سے چھوٹی سوچ کی عکاسی کی اور بھارتی کرکٹ ٹیم کے فاسٹ بولر محمد شامی کو شکست کا ذمہ دار قرار دیتے ہوئے، انہیں غدار جیسے القابات سے پکارا گیا۔ کل سے ان کے خلاف سوشل میڈیا پر ایک سرگرم مہم جاری ہے۔

واضح رہے گزشتہ روز دبئی کے دبئی اسپورٹس سٹی کرکٹ اسٹیڈیم میں کھیلے گئے پاک بھارت میچ میں بھارت نے پہلی بیٹنگ کرتے ہوئے مقررہ 20 اوورز میں 7 وکٹوں کے نقصان پر 151 رنز بنائے، جبکہ جواب میں پاکستان نے 152 رنز کا ہدف بغیر کسی نقصان کے اٹھارویں اوور میں باآسانی کرلیا۔

مزید پڑھیں: بھارتی کھلاڑی میچ ہارنے کے بعد معافیاں مانگا کرتے تھے، شاہد آفریدی

پاکستان کی جانب سے وکٹ کیپر محمد رضوان نے شاندار بیٹنگ کرتے ہوئے 79 کی ناقابلِ شکست اننگز کھیلی جبکہ کپتان بابر اعظم نے 68 رنز کی ناٹ آؤٹ خوبصورت اننگز کھیلی۔ شاہین شاہ آفریدی نے بہترین بولنگ کرتے ہوئے کپتان ویرات کوہلی، روہت شرما اور کے ایل راہول کی اہم وکٹیں حاصل کیں۔ جس پر انہیں میچ کے بہترین کھلاڑی قرار دیا گیا۔

اس طرح پاکستانی ٹیم کے 27 سالہ کپتان بابر اعظم ورلڈ کپ ٹورنامنٹ میں بھارت کے خلاف زبردست اور شاندار جیت حاصل کرنے والے قومی کرکٹ ٹیم کے پہلے کپتان بن گئے۔

مزید پڑھیں: پاکستان کی شاندار فتح، ‘موقع موقع‘ کا راگ الاپنے والے بھارتیوں کو چپ لگ گئی

پاکستانی ٹیم کی اس تاریخی فتح پر دبئی اسٹیڈیم میں موجود  قومی کرکٹ ٹیم کے کپتان بابر اعظم کے والد فرط جذبات سے روپڑے۔ وہ پاکستان کی فتح اور اپنے بیٹے کی شاندار کارکردگی پر جذبات پر قابو نہ کرسکے۔

واضح رہے کہ ٹی ٹوئنٹی انٹرنیشنلز میں پاکستان پہلی بار 10 وکٹ سے میچ جیتا اور بھارتی ٹیم تاریخ میں پہلی بار 10 وکٹ سے کوئی ٹی ٹوئنٹی ہاری ہے۔ پاکستانی ٹیم نے عالمی کپ میں بھارت سے کامیابی کا جمود توڑ کر تاریخی فتح کو یادگار بنالیا جو عرصہ تک شائقین کو یاد رہے گی۔ پاکستان کا اگلا مقابلہ نیوزی لینڈ سے ہوگا۔ اس سے قبل نیوزی لینڈ کی ٹیم نے آخری وقت میں پاکستان کے ساتھ سیریز منسوخ کردی تھی۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format