بھارتی میڈیا ارشد ندیم کے خلاف پروپیگنڈا بند کرے،نیرج چوپڑا


0

بھارتی اتھلیٹ نیرج چوپڑا کی ٹوکیو اولمپکس 2021 میں جیولن (نیزہ) پھینکنے کے مقابلوں میں سونے کا تمغہ جیتنے کی وجہ سے مقبولیت میں تیزی سے اضافہ ہوا ہے۔ حال ہی میں ان کے دیئے گئے ایک انٹرویو کے بعد سے انڈین سوشل میڈیا پر یہ خبریں گردش کر رہی تھیں کہ اولمپکس ٹوکیو کے جیولن مقابلے کے فائنل میں ارشد ندیم نے نیرج چوپڑا کے جیولن کو خراب کرنے یا اسے چرانے کی کوشش کی تھی۔

تاہم اس حوالے سے سوشل میڈیا پر بھارتی اتھلیٹ نیرج چوپڑا کا بیان منظر عام پر آگیا ہے جس میں ان کا کہنا ہے کہ فائنل میں پاکستانی اتھلیٹ ارشد ندیم سے جیولن لے کر پھینکنے کو اتنا بڑا مسئلہ نہ بنایا جائے اور میڈیا میری بات کو توڑ مروڑ کر غلط انداز میں پیش کرنا بند کرے۔

Image Source: Gulf News

تفصیلات کے مطابق بھارتی اتھلیٹ کی جیولن پر یہ پروپیگینڈا اس بات سے شروع ہوا کہ جب نیرج چوپڑا نے ٹائمز آف انڈیا کے ساتھ اپنے انٹرویو کے دوران بتایا کہ میں فائنل شروع ہونے سے پہلے اپنے جیولن کو ڈھونڈ رہا تھا کہ وہ مجھے پاکستانی کھلاڑی کے پاس نظر آیا۔ میں نے اس سے کہا کہ بھائی یہ جیولین مجھے دے دو ، یہ میرا ہے! مجھے اس کو پھینکنا ہے ‘ تو اس نے مجھے جیولن واپس دے دیا۔ اسی لیے آپ نے دیکھا ہوگا کہ میں نے اپنا پہلا تھرو جلدی سے لیا۔

Image Source: AFP

لیکن سنسنی پھیلانے والے بھارتی میڈیا نے نیرج چوپڑا کی اس سیدھی سادی بات کو توڑ مروڑ کر ایک الگ ہی رنگ میں پیش کردیا اور ارشد ندیم کے خلاف پروپیگینڈا شروع ہوگیا۔

تاہم بھارتی میڈیا کو لگام ڈالنے کے لیے جمعرات کو سماجی رابطے کی ویب سائٹ ٹوئٹر پر نیرج چوپڑا نے ایک وڈیو پوسٹ کی، جس میں انہوں نے کہا کہ ایک مسئلہ اٹھ رہا ہے کہ میں نے ایک انٹرویو میں بتایا کہ اپنی باری پر نیزہ پھینکنے سے پہلے میں نے ارشد ندیم سے نیزہ لے کر پھینکا۔ اس حوالے سے ان کا کہنا ہے کہ یہ بہت سیدھی سی بات ہے، ہم اپنے ذاتی نیزوں کے علاوہ ساتھی کھلاڑیوں سے نیزہ لے کر بھی پھینک سکتے ہیں، جس کی ہمیں اجازت ہوتی ہے، یہ اصول ہے۔

نیرج چوپڑا نے مزید کہا کہ اس میں کوئی بات غلط نہیں ہے کہ ارشد ندیم اپنی تھرو کے لیے نیزہ تیار کر رہا تھا تو میں نے اس سے نیزہ تھرو کے لیے مانگا، مجھے کافی دکھ ہے کہ اس بات کو سب اتنا بڑا مسئلہ بنا رہے ہیں، میری گزارش ہے کہ ایسا نہ کریں، ہم سب کھلاڑی مل جل کر رہتے ہیں۔ اس کے ساتھ نیرج چوپڑا کا کہنا تھا کہ میری گزارش ہے کہ میرا نام لے کر آپ سب پراپیگینڈہ نہ کریں، کھیل ہمیں یکجہتی اور اتحاد سکھاتا ہے، مجھے لوگوں کے تبصرے پڑھ کر انتہائی مایوسی ہوئی۔

خیال رہے کہ فخر پاکستان ارشد ندیم اولمپکس کی تاریخ میں پہلے پاکستانی ایتھلیٹ ہیں جنہوں نے اپنی کارکردگی کی بنیاد پر اولمپکس کے لیے براہ راست کوالیفائی کیا اور پانچویں پوزیشن حاصل کی جب کہ جیولین تھرو کے مقابلے میں بھارتی نیرج چوپڑا نے گولڈ میڈل جیتا۔ دونوں ایتھلیٹس ہم عمر سہی، دونوں کا تعلق پڑوسی ملکوں سے سہی، لیکن دونوں کو ملنے والی سہولیات میں زمین آسمان کا فرق ہے۔ گولڈ میڈل جیتنے والے بھارتی نیرج چوپڑا نے جرمن کوچ کی خدمات حاصل کیں ساتھ ساتھ ان کے ساتھ ان کی جسمانی تربیت کے لئے بائیو مکینکس کے ماہر کی بھی خدمات بھی دستیاب تھیں۔

مزید پڑھیں: قومی ہیرو میڈل نہ جیتنے پر آبدیدہ، ائیر پورٹ پر شاندار استقبال

بھارتی میڈیا کے مطابق اولمپکس سے ایک سال قبل جیولن تھروور پر 1 کروڑ 61 لاکھ بھارتی روپے خرچ کئے گئے جو پاکستانی کرنسی میں ساڑھے 3 کروڑ سے بھی زائد ہے۔ اولمپکس سے قبل نیرج چوپڑا نے سوئیڈین میں ٹریننگ کی جبکہ 5 انٹرنیشنل ٹورنامنٹس میں بھی حصہ لیا، جس سے ان کے کھیل میں مزید نکھار پیدا ہوا۔

نیرج چوپڑا کے برعکس پاکستان کے ارشد ندیم اولمپکس سے قبل صرف ایک ایونٹ کھیل سکے، انہیں گزشتہ برس چین ٹریننگ کیلئے بھیجا گیا تھا لیکن کووڈ کی وجہ سے انہیں واپس آنا پڑا۔ اس سال انہیں مختصر مدت کے لئے ترکی ضرور بھیجا گیا، جہاں انہوں نے 2 ہفتے قازقستان کے کوچ کی زیر نگرانی ٹریننگ کی۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format