وزیرستان کے باہمت نوجوان محمد علی نے وطن سے محبت کی اعلیٰ مثال قائم کردی


0

صوبہ خیبر پختونخواہ کے شمال مغرب میں وزیرستان کے ایک چھوٹے سے گاؤں میں جہاں نا تو بنیادی سہولیات ہیں اور نا ہی بچوں کی تعلیم کیلئے کوئی مناسب بندوبست ، ایسے حالات میں اس گاؤں کے ایک باہمت نوجوان حاجی محمد علی نے بچوں کو تعلیم دینے کا بیڑا اٹھایا اور علاقے کی چھوٹی سی مسجد کو ہی درسگاہ بنالیا۔

محمد علی ، جو خود کوئی اعلیٰ ڈگری یافتہ نہیں لیکن اپنی تعلیم اور لگن سے گاؤں کے بچوں کو علم کی دولت سے روشناس کروا رہے ہیں۔ عرب نیوز سے گفتگو میں حاجی محمد علی نے بتایا کہ مسجد میں کھولے گئے اس اسکول میں فی الحال 120 بچوں ہیں، جن میں 40 لڑکیاں ہیں ، وہ اس اسکول کے واحد استاد ہیں اور تین گھنٹے کی دو شفٹوں میں پڑھتے ہیں۔

Image Source: Arab News

محمد علی نے عرب نیوز کو مسجد میں اسکول کے آغاز سے پہلے کی صورتحال کو بیان کرتے ہوئے بتایا کہ میرے لیے یہ بہت پریشان کن تھا کہ بچوں کو صرف اِدھر اُدھر گھومتے پھرتے، درختوں پر چڑھتے یا مویشیوں کو چراتے دیکھوں۔ محمد علی کا کہنا تھا کہ اسکول کی تعمیر کے لئے اس نے گاؤں کا ہر دروازہ کھٹکھٹایا اور لوگوں سے درخواست کی کہ وہ اسکول بنانے میں ان کی مدد کریں لیکن کسی نے اس کی کوئی مدد نہیں کی۔

تاہم ، 2008 میں محمد اپنے خاندان کے ساتھ کراچی منتقل ہوگئے۔ کراچی میں قیام کے دوران محمد علی نے پرائیویٹ طور پر تعلیم حاصل کی اور 2014 میں میٹرک کیا، پھر اس نے پرائمری اسکول کے بچوں کو پڑھانے کے ساتھ ساتھ ہوم ٹیوشن دینا شروع کی۔ 2016 میں، وہ واپس اپنے آبائی شہر گئے اور وہاں دو طالب علموں سے پڑھانے کا آغاز کیا مگر جب آہستہ آہستہ طلباء کی تعداد بڑھنے لگی تو محمد علی نے اپنی کلاسیں گاؤں کی مسجد میں منتقل کرنے کا فیصلہ کیا اس طرح یہ مسجد درسگاہ بن گئی۔

Image Source: Arab News

محمد علی کے مطابق 2017 سے وہ اس اسکول میں کلاس 1 سے 4 تک اردو، انگریزی اور ریاضی پڑھا رہے ہیں۔ انہوں نے اب تک جن طلباء کو پڑھایا ہے، ان میں سے کچھ اپنی تعلیمی سلسلے کو جاری رکھنے کے لیے ملک کے دوسرے شہروں میں چلے گئے ہیں۔ وہ امید کرتے ہیں کہ ضلعی انتظامیہ اور ضلع کے امیر اس درسگاہ کو اپ گریڈ کرنے میں ان کی مدد کریں گے۔ انہوں نے حکومت اور صاحب حیثیت لوگوں سے بھی اپیل کی ہے کہ وہ اس کار خیر میں مالی امداد کے لئے آگے آئیں اور ان کے لئے کچھ ماہانہ وظیفہ مقرر کریں تاکہ وہ اپنے والدین اور بچوں کی کفالت بھی کرسکیں۔

Image Source: Arab News

اس حوالے سے ضلعی انتظامیہ کے ایک سینئر اہلکار اعجاز اختر کا کہنا ہے کہ مقامی حکومت محکمہ تعلیم کے ساتھ مل کر محمد علی سے رابطہ کرے گی اور ان کے مشن میں ان کی ہر ممکن مدد کرے گی۔ محمد علی نے عرب نیوز کو یہ بھی بتایا کہ ایک مقامی تنظیم نے اسکول کو اسٹیشنری عطیہ کی ہے تاہم ضلعی انتظامیہ نے کاغذی کارروائی مکمل کرنے کے بعد اسکول کے لئے فرنیچر دینے کا وعدہ کیا ہے۔

مزید پڑھیں: لمز کے طلباء کی عظیم کاوش، آج ایک ویٹر یونیورسٹی گریجویٹ ہوگیا

بلاشبہ آئین پاکستان کے تحت ملک میں ہر بچے کو بنیادی تعلیم اور یکساں مواقع فراہم کرنے حکومت کی ذمہ داری ہے لیکن ہماری حکومتیں اس ذمہ داری کو پورا کرنے میں ناکام نظر آتی ہیں جس کا نتیجہ آج یہ ہے کہ پاکستان میں تقریباً پچیس ملین (یعنی ڈھائی کروڑ) بچے اسکول نہیں جاتے۔ اگر ہم فروغ تعلیم کے لیے انفرادی کوششوں کی بات کریں تو بطور معاشرہ یہ ہمارا امتحان کہ ہم اپنی ذمہ داریوں کو کس حد تک سمجھتے اور پورا کرتے ہیں۔

گزشتہ دنوں سندھ یونیورسٹی کی طالبہ ماہ نور شیخ نے اپنی اس انفرادی ذمہ داری کوسمجھتے ہوئے اپنے گاؤں کے غریب بچوں کی تعلیم وتربیت کے لئے ایک مثالی قدم اٹھایا اور اپنے گھر کو اسکول میں تبدیل کرکے غریب بچوں کو پڑھانا شروع کر دیا۔ یاد رہے کہ حکومت سندھ نے ان کے اس اقدام کو سراہتے ہوئی تعریفی اسناد سے بھی نوازا۔

Story Courtesy: Arab News


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
1
lol
omg omg
1
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format