بابر جنید نے جنید جمشید کی شادیوں کے بارے میں بتادیا؟

دین کی خاطر موسیقی کی دنیا سے کنارہ کشی اختیار کرنے والے سابق گلوکار اور مرحوم نعت خواں جنید جمشید کے بیٹے بابر جنید جمشید نے پہلی بار اپنے والد کی شادیوں پر کھل کر بات کی ہے۔

جنید جمشید کے بیٹے بابر جنید جمشید نے پہلی بار اپنے والد کی شادیوں کی حقیقت سے پردہ اٹھادیا ہے۔

مرحوم جنید جمشید کے بیٹے بابر جنید جمشید نے حال ہی میں ایک پوڈکاسٹ میں نے بطور مہمان شرکت کی جہاں انہوں نے اپنے مرحوم والد کی شادیوں پر پہلی بار کھل کر بات کی۔

@junaid__jamshed

جنید جمشید کی کتنی شادی تھی؟ | بابر جمشید

♬ original sound – I Love Junaid Jamshed

بابر جنید جمشید نے انکشاف کیا کہ میرے والد مرحوم جنید جمشید نے کُل 3 شادیاں کی تھی، میری معلومات کے مطابق میری والدہ کے علاوہ ان کی 2 بیویاں اور تھیں۔

 انہوں نے بتایا کہ 3 بیویوں میں سے 1 کا انتقال والد کے ساتھ ہی طیارہ حادثے میں ہوا تھا جبکہ میری والدہ کے علاوہ دیگر دونوں بیویوں سے ان کی کوئی اولاد نہیں تھی، ہم صرف 4 بہن بھائی ہیں۔

:مذید پڑھیئں

انجان لوگ گھرآ کر پیسہ مانگتے کہ جنید جمشید نے قرضہ لیا تھا،بابر جمشید

جنید جمشید کے بیٹے نے اپنے والد کے ساتھ ماضی کا ایک قصہ بھی سنایا، بتایا کہ مجھے یاد ہے کہ ایک بار انہوں نے مجھ سے پوچھا تھا کہ لوگ کہتے ہیں کہ تمہارے باپ نے متعدد شادیاں کر رکھیں ہیں، لیکن تم مجھے بتاؤ کہ کیا کبھی میں نے تمہاری والدہ یا تم لوگوں کے ساتھ ناانصافی کی ہے؟

جس پر میں نے جواب دیا کہ نہیں بابا آپ نے اپنی تمام ذمے داریاں پوری کی ہیں اور ہمیں بہت پیار دیا ہے، یہ سن کر وہ مطمئن ہو گئے تھے۔

جنید جمشید 7 دسمبر 2016ء کو طیارہ حادثے میں جاں بحق ہو گئے تھے۔

جنید جمشید نے کیریئر کے عروج پر گلوکاری اور موسیقی کو خیرباد کہہ کر خود کو تبلیغ کی راہ پر ڈالا اور پھر نعتیہ کلام پڑھ کر دل جیت لیے۔

ان کا آخری سفر بھی دین کی تبلیغ کے لیے تھا اور انہوں نے اپنی زندگی کے آخری ایام چترال میں دینِ اسلام کی تبلیغ اور لوگوں کو حقیقی روشنی کی طرف آنے کی دعوت دیتے ہوئے گزارے تھے۔