پاکستانی نژاد ڈاکٹر عمیر شاہ واشنگٹن کے وزیر صحت مقرر


0

اگرچہ پاکستان کو وجود میں آئے ہوئے اتنا زیادہ وقت نہیں گزرا ہے، ہمارا شمار محدود وسائل کے ساتھ ترقی پذیر ممالک میں ہوتا ہے البتہ خوش قسمتی سے اللہ تعالیٰ کا اس خطے پر بہت ہی کوئی خاص کرم ہے کہ اس نے تھوڑے ہی وقت کے عرصے میں دنیا کو زبردست تکنیکی ذہین دیئے ہیں جو ناصرف ملکی بلکہ عالمی سطح پر اپنا ایک الگ اور منفرد مقام رکھتے ہیں۔

انہی چند ذہین ترین اور باصلاحیت ناموں میں سے ایک نام ڈاکٹر عمیر شاہ کا ہے، جن کی میڈیکل سائنس کے شعبے میں بےشمار خدمات ہیں۔ ڈاکٹر عمیر شاہ کا بنیادی طور پر تعلق پاکستان سے ہے، تاہم وہ اپنی فیلمی کے ہمراہ امریکہ میں مقیم ہیں اور وہیں اپنی پیشہ وارانہ خدمات بھی سرانجام دے رہے ہیں۔

اس سلسلے میں پاکستانی نژاد ڈاکٹرعمیر شاہ کی قابلیت کو دیکھتے ہوئے انہیں امریکی ریاست واشنگٹن کا وزیر صحت مقرر کردیا گیا ہے۔ ریاست واشنگٹن کے گورنر جے انسلی نے پاکستانی نژاد ڈاکٹر عمیر شاہ کو ریاست کا نیا وزیر صحت مقرر کرنے کا اعلان کیا۔

تفصیلات کے مطابق ڈاکٹر عمیر شاہ 21 دسمبر کو موجودہ وزیر صحت جان ویزمین کی جگہ واشنگٹن کے نئے وزیر صحت کی حیثیت سے عہدہ سنبھالیں گے۔ اس وقت وہ 2013 سے ہیرس کانٹی میں پبلک ہیلتھ کے شعبے کے ایگزیکٹو ڈائریکٹر کی حیثیت سے فرائض سرانجام دے رہے ہیں۔

اس دوران امریکی ریاست واشنگٹن کے گورنر جے انسلی نے میڈیا سے گفتگو کرتے ہوئے ڈاکٹر عمیر شاہ کی صلاحیتوں کو سراہتے ہوئے کہا کہ ڈاکٹر عمیر شاہ نے صحت عامہ (پبلک ہیلتھ) کے شعبے بے مثال مہارت، علم و معلومات میں اضافہ کیا ہے۔ اس وقت کورونا وائرس سے بیمار افراد کی تعداد میں اضافہ ہو رہا ہے لہٰذا ڈاکٹر عمیر شاہ کی قیادت یقینا کورونا وائرس کے اس مشکل مرحلے میں ہمارے لئے مددگار ثابت ہوگی۔

Image Source: Youtube

انہوں بے اس دوران مزید کہا کہ ڈاکٹر عمیر شاہ کے ہر فیصلے میں مساوات اور انصاف کا عنصر شامل ہوتا ہے کیونکہ وہ تنظیموں کی رہنمائی اس لئے ہی کرتے ہیں کہ وہ ہر ایک کی صحت اور حفاظت کو یقینی بنا سکیں۔

واضح رہے کورونا وائرس کی وباء سے قبل ڈاکٹر عمیر شاہ ایچ ون این ون انفلوئنزا (سوائن فلو) ، ایبولا وائرس اور زیکا وائرس جیسی خطرناک بیماریوں پر بھی کام کرچکے ہیں۔

Image Source: Twitter

اس دوران میڈیا سے گفتگو کرتے ہوئے ڈاکٹر عمیر شاہ کا کہنا تھا کہ ان کے لئے یہ ایک فخر کی بات ہے کہ وہ واشنگٹن میں سیکرٹری ہیلتھ سربراہ کی حیثیت سے کام کریں گے۔ جبکہ اپنی ترجیحات کے حوالے سے بات کرتے ہوئے ان کا کہنا تھا کہ ان کی اولین ترجیح ہوگی کہ وہ اپنی ٹیم کے ساتھ کورونا وائرس کے خلاف لڑائی کو جاری رکھیں اور واشنگٹن کے لوگوں کو اس مشکل صورتحال سے باہر نکالیں۔

ان کا مزید کہنا تھا کہ عالمی وباء کورونا وائرس نے صحت عامہ (پبلک ہیلتھ) اور ہیلتھ کئیر کو ایک ساتھ کام کرنے کی اہمیت میں اضافہ کیا ہے، لہٰذا مجھے یقین ہے کہ ان مشکل وقتوں میں اور آگے بھی میرا تجربہ ریاست واشنگٹن کی اچھی طرح خدمت کرے گا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format