ٹریفک پولیس کا ڈاکٹر عامر لیاقت کے خلاف مقدمہ درج کرانے کا فیصلہ


0

پیر کے روز پاکستان تحریک انصاف کے رکن قومی اسمبلی ڈاکٹر عامر لیاقت حسین کی کراچی میں ٹریفک پولیس اہلکاروں سے تلخ کلامی اور بدتمیزی پر ٹریفک پولیس نے مقدمے کا اندراج کرانے کے لئے سندھ پولیس سے رجوع کرلیا ہے۔

تفصیلات کے مطابق گزشتہ روز سوشل میڈیا پر پی ٹی آئی کے کراچی سے رکن قومی اسمبلی ڈاکٹر عامر لیاقت حسین کی ٹریفک پولیس اہلکاروں سے تلخ کلامی کی ویڈیوز وائرل ہوئیں تھیں۔ جس میں دیکھا گیا تھا کہ رکن اسمبلی لاک ڈاؤن کی پابندیوں کو جواز بنا کر شہریوں کو تنگ کرنے والے ٹریفک اہلکاروں پر برس پڑے تھے۔ ساتھ ہی انہوں نے ایک ڈیوٹی اہلکار پر عوام سے رشوت لینے کا بھی الزام عائد کیا تھا۔ جس کا انہوں نے اپنے آپ کو گواہ بھی قرار دیا تھا۔

aamir liaquat
Image Source: Facebook

بعدازاں ٹریفک پولیس حکام بھی حرکت میں آئے اور فیروز آباد تھانے میں رکن قومی اسمبلی عامر لیاقت حسین کے خلاف مقدمہ درج کرانے پہنچ گئے۔

اس سلسلے میں ٹریفک پولیس حکام کا کہنا تھا کہ فیروز آباد ٹریفک سیکشن نے ڈاکٹر عامر لیاقت حسین کے خلاف روزنامچہ انٹری کروا دی ہے، دیکھتے ہیں، ڈسٹرکٹ پولیس مقدمہ درج کرتی ہے یا نہیں۔

Image Source: Screengrab

اے آر وائی نیوز کے مطابق ٹریفک پولیس انتظامیہ نے روزنامچہ میں موقف اپنایا کہ آج ساڑھے 4 بجے شارع قائدین پر افسر انتظام ڈیوٹی پر تھے، اس دوران ایک کار آئی، کار سے تین افراد اترے اور ہم سے بدتمیزی کرنے لگے، ایک شخص نے اپنا نام ایم این اے عامر لیاقت حسین بتایا، اس نے ہم سے گالم کلوچ کی اور کہنے لگے کہ یہ میرا علاقہ ہے تم لوگ یہاں کیا کر رہے ہو۔

ٹریفک پولیس اہلکاروں نے روزنامچے میں مزید لکھوایا کہ عامر لیاقت کہنے لگے تم لوگ مقامی نہیں ہو، یہاں سے دفع ہوجاؤ، اہلکار نے ان کو اپنا کورونا، شناختی کارڈ چیک کروایا تو کہنے لگے یہ ٹھیک نہیں، کہنے لگے تمہارے بالا افسران سے تم کو برطرف کرادیں گے، اس کے بعد وہ دھمکیاں دیتے ہوئے چلے گئے۔

Image Source: Screengrab

واضح رہے ڈاکٹر عامر لیاقت حسین ویکسینیشن کارڈز کے معاملے پر سڑک پر پولیس اہلکاروں سے الجھ ‏پڑے تھے۔ بعدازاں اپنے اس جھگڑے کی ویڈیو ان کی جانب سے اپنے ٹوئیٹر اکاؤنٹ پر بھی شئیر کی گئی تھی۔

ٹوئیٹر پر جاری ویڈیو پیغام میں رہنما تحریک انصاف نے لکھا کہ “اپنے حلقے میں پولیس کی پیدا گیری نہیں چلنے دوں گا، عوام کو روک روک کر پیسے مانگ رہے تھے، منہ کھلا ہوا ہے، ان کا لاک ڈاؤن میں، پورا دن کئی ٹریفک پولیس اور پولیس کے اہلکاروں کو پکڑا ہے۔

خیال رہے لاک ڈاؤن کی پابندیوں کے باعث کافی دنوں سے عوامی کی جانب سے پولیس اہلکاروں کی ہتک آمیز رویوں کی شکایات کی جا رہی تھی۔ عوام کا کہنا تھا کہ پولیس اہلکار ویکسینیشن کارڈ چیک کرنے کے بہانے رقم کا مطالبہ کرتے ہیں۔ البتہ یہاں غلطی عوام کی بھی ہے، حکومت کی جانب سے عوام سے درخواست کی گئی ہے، کہ وہ جلد از جلد اپنی ویکسینیشن کرائیں اور کارڈ کو اپنے ساتھ رکھیں، تاکہ اگر کچھ پولیس اہلکار اس قسم کے فعل میں ملوث بھی ہیں، تو انہیں کوئی موقع اور جواز ہی نہ دیا جائے۔

مزید پڑھیں: ڈاکٹر عامر لیاقت حسین کی نازیبا الفاظ میں خاتون پر تنقید، شدید عوامی ردعمل

دوسری جانب ڈاکٹر عامر لیاقت حسین کے حوالے سے بات کی جائے تو ان کی وجہ شہرت کئی حوالوں سے ہے، انہی چند وجوہات میں ایک بڑی وجہ تنازعات کی بھی ہے، ان کے حوالے سے یہ بات ہمیشہ سے مشہور رہی ہے کہ ان کا اور تنازعات کا آپس میں گویا کوئی چولی دامن کا ساتھ ہو۔ ایسا ہی کچھ عرصہ قبل بھی دیکھا گیا تھا جب 48 سالہ ڈاکٹر عامر لیاقت حسین کی جانب سے سماجی رابطے کی ویب سائٹ ٹوئیٹر پر پاکستان پیپلز پارٹی کے سربراہ بلاول بھٹو زرداری کے حوالے سے نازیبا الفاظ ادا کرتے ہوئے ان کا مذاق اڑانے کی کوشش کی گئی۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format