لاہور میں بیٹی نے محبت کے خاطر سگی ماں کو قتل کردی

لاہور میں پیش آیا ایک انسانیت سوز واقعہ جہاں گونگی بہری بیٹی نے اپنے آشنا کے ساتھ مل کر سگی ماں کو بےرحمی کے ساتھ قتل کردیا، پولیس نے فوری کارروائی کرتے ہوئے دونوں ملزمان کو گرفتار کرلیا۔

تفصیلات کے مطابق لاہور کے علاقے اقبال ٹاؤن میں ایک گھر سے 48 سالہ بسم اللہ بی بی کی لاش ملی۔ تاہم اس موقع پر گھر میں 20 سالہ بیٹی فجر موجود نہیں تھی۔ چنانچہ پولیس نے مقدمہ درج کرکے قتل کی تحقیقات کا آغاز کیا۔

ابتدائی طور پر پولیس کی جانب سے جب کیس کی تحقیقات کا آغاز کیا گیا تو یہ بات سامنے آئی کہ بسم اللہ بی بی کی بیٹی فجر قتل کی رات گھر پر موجود نہیں تھی۔ تاہم اس کے بعد پولیس نے سی سی ٹی وی فوٹیج حاصل کی جس میں دیکھا گیا کہ فجر کسی شخص کے ساتھ موٹر سائیکل پر بیٹھ کر جلدی جلدی میں کہیں جاری ہے۔

تاہم تحقیقات مکمل ہونے کے بعد یہ بات کھل کر سامنے آئی کہ فجر نامی لڑکی نے ہی اپنی والدہ بسم اللہ بی بی کو اپنے اشنا کے ساتھ مل کر قتل کیا تھا، البتہ دونوں مجرمان قتل کرنے کے بعد کسی نامعلوم مقام پر جاکر چھپ گئے تھے۔

اس حوالے سے پولیس کی جانب سے دونوں مجرمان کی تلاش کا آغاز کیا گیا جس میں دنوں مجرمان کو شک کی بنیاد پر حراست میں لیا گیا۔ جس میں پولیس نے مجرمان سے تفتیش کا آغاز کیا، دوران تفتیش 20 سالہ بیٹی فجر نے اس بات کا اعتراف کیا کہ والدہ کا قتل اس نے ہی کیا ہے۔

یہاں یہ بات انتہائی غور طلب ہے کہ مجرمہ فجر بولنے اور سننے کی صلاحیت سے محروم ہے، تفتیش کے دوران ملزمہ نے اپنا اعترافی بیان اشاروں کی مدد سے دیا ۔ فجر کے اعترافی بیان کے مطابق اس نے اپنی والدہ کے پہلے تو سر پر ہتھوڑا مارا پھر اس کے بعد اس نے چھری پیٹ میں ماری۔ جس سے والدہ موقع پر ہلاک ہوگئیں۔

اس حوالے سے مزید جانئے: کوئٹہ میں ڈاکٹر مسیحا کے بجائے اعضاء کے سوداگر بن گئے

اس ہی دوران تفتیشی بیان میں فجر نے مزید بتایا کہ جس شخص کے ساتھ وہ موٹر سائیکل پر بیٹھ کر فرار ہوئی تھی، اس کا نام عظیم ہے، دونوں ایک ساتھ پڑھا کرتے تھے، اس ہی دوران دونوں میں محبت ہوگئی۔ جس کے بعد دونوں ایک دوسرے سے شادی کرنا چاہتے تھے تاہم لڑکی کی والدہ بسم اللہ بی بی اس رشتے پر نہ مانیں۔ جس کے بعد فجر نے والدہ کو قتل پلان بنایا۔ خیال رہے عظیم بھی بولنے اور سننے کی صلاحیت سے محروم ہے۔

واضح رہے جمعرات کو پولیس کی جانب سے بسم اللہ بی بی کے بیٹی فجر کو گرفتار کیا، جس کے بعد اس نے دوران تفتیش والدہ کے قتل کا اعتراف کیا۔ جس پر پولیس کی جانب سے والدہ کے قتل کے اعتراف کے بعد ملزمہ کے خلاف چلان تیار کرلیا ہے۔