عمران خان کی طرح میں بھی 3 شادیاں کروں گا، عامر لیاقت


0

معروف اسکالر، میزبان اور سیاستدان عامر لیاقت حسین اور ان کی دوسری بیوی سیدہ طوبیٰ کے درمیان علیحدگی کی خبریں گردش کرتی رہتی ہیں ۔تاہم عامر لیاقت حسین ہر مرتبہ ان خبروں کی تردید کر دیتے ہیں۔

حال ہی میں سوشل میڈیا پر عامر لیاقت حسین کا ایک انٹرویو وائرل ہورہا ہے، جس میں انہوں نے کہا ہے کہ میں نے دو شادیاں کیں ہیں دو اور کروں گا یا کم از کم ایک اور تو ضرور کروں گا۔ شادیاں خان صاحب کی طرح تین ہی ہونی چاہیں، جیسے اس ملک کا کپتان، ویسے ہی اس کے کھلاڑی کو ہونا چاہیے۔

Image Source: Facebook

نجی چینل کے میزبان سے ہلکے پھلکے موڈ میں گفتگو کرتے ہوئے ان کا کہنا تھا کہ میں شادی کے لئے جب لڑکی کا انتخاب کرتا ہوں تو اس کی عمر دیکھتا ہوں، میری موجودہ اہلیہ طوبیٰ محض 24 سال کی ہیں، جب تیسری بیوی لاؤں گا تو وہ کم از کم 20، 21 سال کی ہوں گی۔ انہوں نے کہا کہ جیسا ملک کا کپتان ہے، ویسا ہی ان کا کھلاڑی ہونا چاہیے، اس لیے تیسری شادی کے بعد مطمئن ہوں گا۔

واضح رہے کہ عامر لیاقت حسین نے دو شادیاں کیں تھیں، جبکہ وہ اپنی پہلی بیوی بشریٰ کو طلاق دے چکے ہیں اور ان کی پہلی بیوی سے دو بچے ایک بیٹا اور بیٹی ہے۔

This image has an empty alt attribute; its file name is tuba3-1024x768.jpg
Image Source: Instagram

اس انٹرویو میں سیاست سے متعلق پوچھے گئے سوال کا جواب دیتے ہوئے انہوں نے کہا کہ میری اگلی جماعت کوئی اور نہیں ہوگی، میں پی ٹی آئی کے ساتھ ہی منسلک رہوں گا۔ عامر لیاقت نے کہا کہ میری وزیراعظم عمران خان سے قربتیں بڑھ چکی ہیں۔ پارٹی سے استعفے کی وجہ یہ تھی کہ مجھے موقع نہیں دیا جا رہا تھا، اس لئے میں نے سوچا کہ پھر میرا فائدہ کیا ہے۔ پی ٹی آئی جوائن کرنے کا فیصلہ درست تھا یا غلط؟ اس کا جواب دیتے ہوئے ان کا کہنا تھا کہ میں آخری وقت تک عمران خان کے ساتھ رہوں گا۔ تحریک انصاف ہی میری آخری جماعت ہے۔

ان کا کہنا تھا کہ اس ملک کا مستقبل تحریک انصاف ہی ہے۔ آئندہ حکومت بھی ہم ہی بنائیں گے کیونکہ اپوزیشن بکھری، ٹوٹی ہوئی لولی لنگڑی اور عجیب سی ہے۔ مولانا فضل الرحمان ان میں کانا راجہ ہیں۔

انہوں نے انٹرویو کے دوران یہ بھی کہا کہ کوئی بھی پریشانی ہو لیکن آپ امید کے ساتھ جڑے رہتے ہیں، عمران خان میں ایک امید کی کرن نظر آتی ہے کہ وہ جلد یا بدیر اس ملک کے لئے ضرور کچھ کریں گے۔

یاد رہے کہ عامر لیاقت حسین کی دوسری اہلیہ سیدہ طوبیٰ نے کچھ دن پہلے جب اپنے سوشل میڈیا اکاؤنٹس کی پروفائل پر اپنے شوہر کا نام ہٹاکر والد کا نام لگایا اور ‘سیدہ طوبیٰ عامر‘ سے ‘سیدہ طوبیٰ انور‘ کیا تو ان دونوں کے درمیان مبینہ علیحدگی کی افواہیں زور پکڑ گئیں تھیں اور سوشل میڈیا پر قیاس آرائیاں کی جانے لگیں کہ دونوں کے درمیان علیحدگی ہوگئی ہے۔ تاہم ان تمام افواہوں پر خاموشی توڑتے ہوئے عامر لیاقت نے کہا تھا کہ طوبیٰ اب بھی میری بیوی ہے۔ انہوں نے ان تمام افواہوں کی ثبوت کے ساتھ تردید کرتے ہوئے انسٹاگرام پر ویڈیو شیئر کی ،جس میں سیدہ طوبیٰ، عامر لیاقت کے ساتھ ان ہی کے گھر میں موجود ہیں اور اپنی کھوئی ہوئی بلی ڈھونڈنے پر رو روکر عامر لیاقت کا شکریہ ادا کر رہی ہیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format