شوبز انڈسٹری کی اُبھرتی ہوئی اداکارہ اور معروف میزبان ڈاکٹر عامر لیاقت کی اہلیہ سیدہ طوبیٰ نے اپنے سوشل میڈیا اکاؤنٹ پر اپنا پروفائل نام تبدیل کر دیا اور اب ان کا نام ‘سیدہ طوبیٰ عامر‘ سے ’سیدہ طوبیٰ انور‘ ہوگیا ہے۔ انہوں نے اپنے سوشل میڈیا اکاؤنٹ سے اپنے نام کے ساتھ شوہر کا نام ہٹا کر والد کا نام لکھ دیا ہے۔
سیدہ طوبیٰ نے انسٹاگرام پر اپنے شوہر ڈاکٹر عامر لیاقت کو فالو بھی نہیں کیا ہوا ہے اور نہ ہی عامر لیاقت نے اُنہیں فالو کیا ہوا ہے۔ گزشتہ سال ‘ بھڑاس’ سے اداکاری کا آغاز کرنے والی سیدہ طوبیٰ نے حال ہی میں اپنے انسٹاگرام پر اداکار شہروز سبزواری کے ساتھ اپنی نئی تصویریں پوسٹ کیں ہیں۔
یہ بات سوشل میڈیا پر کافی دنوں سے زیر گردش ہے کہ عامر لیاقت اور طوبیٰ کے درمیان علیحدگی ہوگئی ہے۔کچھ دنوں پہلے ایک ٹوئٹر ہینڈل کی جانب سے یہ دعویٰ بھی کیا گیا کہ عامر لیاقت کی طلاق کی تصدیق ہوچکی ہے۔ عامر لیاقت نے تصدیق کی ہے کہ ان کی طوبیٰ عامر کے ساتھ دوسری شادی تیسری بیوی کی وجہ سے ختم ہوگئی ہے۔ خود سے منسوب طلاق کی تصدیق پر مبنی ٹویٹ سامنے آنے پر عامر لیاقت نے سخت برہمی کا اظہار کیا تھا اور کہا تھا کہ انہوں نے کوئی تصدیق نہیں کی اور وہ متعلقہ ٹوئٹر ہینڈل چلانے والے کو قانونی نوٹس بھجوائیں گے۔
اس کے بعد، عامر لیاقت نے علیحدگی کی خبروں کی تردید کے لئے انسٹاگرام پر ایک ویڈیو شیئر کی ، جس میں اہلیہ طوبیٰ کے ٹویٹر اکاؤنٹ کی تفصیل دیکھائی جس میں طوبیٰ کے نام کے ساتھ ان کا نام موجود تھا۔عامر لیاقت نے اس ویڈیو کے کیپشن میں مشہور زمانہ جملہ”کیسا دیا؟” لکھا تھا۔
البتہ اس دوران ان کی اہلیہ سیدہ طوبیٰ نے علیحدگی کی تمام تر افواہوں پر مکمل خاموشی اختیار کی ہوئی تھی۔ ایسا نہیں ہے کہ اب انہوں نے ان افواہوں کی تصدیق کر دی ہے لیکن انہوں نے انسٹاگرام اور ٹوئٹر پر اپنی پروفائل پر نام تبدیل کر لیا ہے اور عام طور پر یہ دیکھا گیا ہے کہ شوبز سے وابستہ خواتین شادی کے بعد اپنی سوشل میڈیا اکاؤنٹ پروفائل پر اپنے نام کے ساتھ شوہر کا نام لکھتی ہیں اور پھر طلاق یا علیحدگی کا واضح اشارہ دینے کے لیے وہ پروفائل سے اپنے شوہر کا نام ہٹادیتی ہیں ، عامر لیاقت کی دوسری اہلیہ سیدہ طوبیٰ نے بھی ایسا ہی کیا ہے۔
خیال رہے کہ عامر لیاقت حسین نے 2018 میں سیدہ طوبیٰ سے دوسری شادی کی تھی، ان کی شادی کی خبریں منظر عام پر آنے کے بعد دونوں کو کافی شدید ردعمل کا سامنا کرنا پڑا تھا۔ اس کے بعد ہانیہ خان نامی ایک خاتون میڈیا پر سامنے آئیں جنہوں نے عامر لیاقت کی تیسری اہلیہ ہونے کا دعویٰ کیا اور ان کی ساکھ کو شدید نقصان پہنچایا بلکہ ہانیہ خان نے سیدہ طوبیٰ پر بھی الزام لگایا کہ وہ اسے نقصان پہنچانے کے لیے کالا جادو کر رہی ہیں۔
ڈاکٹر عامر لیاقت حسین نے ہانیہ کے خلاف جھوٹے دعووں اور الزامات پر مقدمہ بھی درج کروا رکھا ہے۔تاہم ، اس تمام عرصے میں عامر لیاقت سخت مشکلات سے دوچار رہے اور اسی دوران ان کی عامر اور طوبیٰ کی طلاق کی افواہوں نے بھی زور پکڑلیا ہے۔
0 Comments