پاکستان کے نامور اداکار عدنان صدیقی نے سوشل میڈیا گردش کرنے والی اپنی وفات کی افواہوں کو مسترد کرتے ہوئے کہا کہ میں بالکل ٹھیک اور زندہ ہوں، اگلی بار ایسی خبر چلانے سے قبل مجھ سے ضرور رابطہ کریں۔
Adnan Siddiqui Death Fakenews
عدنان صدیقی نے انسٹاگرام پر ایک ویڈیو شیئر کی جس میں انہوں نے اپنے موبائل پر ایک یوٹیوب کی ایک ویڈیو دکھائی جس میں خاتون عدنان صدیقی کی موت کی خبر دے رہی تھی۔
ویڈیو دکھانے کے بعد عدنان صدیقی نے طنزیہ انداز میں کہا کہ ’بہت اچھے آدمی تھے اللہ انہیں جنت میں اعلیٰ مقام عطا فرمائے ان کے گھر والوں کو صبر عطا فرمائے، ان کے دوستوں کو خوش اور آباد رکھے‘
اداکار عدنان صدیقی افسوس کرتے ہوئے بولے بھائیوں میں اس پر کیا کہوں، میں بالکل ٹھیک ہوں، اللہ کا شکر ہے ابھی تک جوں کا توں ہوں اور لائیو ہوں، پتہ نہیں کس نے یہ خبر پھیلا دی ہے۔انہوں نے مسکراتے ہوئے کہا کہ پریشان مت ہوں، مرنا تو برحق ہے، مگر ابھی کچھ دن باقی ہیں، آپ سب لوگ خوش و آباد رہیں اور زندگی سے لطف اندوز ہوتے رہیں۔
عدنان صدیقی نے ویڈیو کے کیپشن میں لکھا کہ ’صحافت اور بریکنگ نیوز کے نام پر میرے انتقال کی افواہیں پھیلانے والے، اگلی بار ایسی بریکنگ نیوز دینے سے قبل مجھ سے رابطہ کر لیں’ میں تحریری طور پر یادگاری پیغام کے ہمراہ خبر کی تصدیق کیلئے ذاتی طور پر آپ کے اسٹوڈیو پہنچ جاؤں گا، آخر آپ کی صحافت کا معیار تو بہت اعلیٰ ہے
سماجی رابطے کی ویب سائٹ ٹوئٹر پر بھی اداکار عدنان صدیقی نے ایک مختصر پیغام جاری کرتے ہوئے کہا کہ اس سے پہلے کہ کوئی میرے انتقال پر تعزیت کرے، میں اپنی موت کی سوشل میڈیا پر زیرِ گردش خبر کی تردید کرتا ہوں۔ الحمداللہ میں زندہ ہوں۔
Before anyone of you start offering condolences here, am rubbishing the news of my demise that’s doing the rounds on social media. Yours truly is very much alive and kicking Alhamdulillah.
— Adnan Siddiqui (@adnanactor) September 9, 2023
0 Comments