امریکی لڑکی کے اکاؤنٹ کو ہیک کرکے بلیک میل کرنے والا شخص گرفتار


0

جمعرات کے روز فیڈرل انویسٹی گیشن ایجنسی (ایف آئی اے) نے پشاور میں ایک شخص کو مبینہ طور پر امریکہ میں ایک نابالغ لڑکی کو اسنیپ چیٹ اکاؤنٹ ہیک کرکے جنسی طور پر ہراساں کرنے کے الزام میں گرفتار کرلیا۔

فیڈرل بیورو آف انویسٹی گیشن (ایف بی آئی) کی جانب سے وصول ہونے والی شکایت پر ، ایف آئی اے پشاور ریجن کے سائبر کرائم ونگ (سی سی ڈبلیو) کی جانب سے بدھ کی رات کو ایک کارروائی عمل میں لائی گئی۔ امریکہ کی اس قانون نافذ کرنے والی اعلیٰ ایجنسی نے اطلاع دی تھی کہ ایک نابالغ امریکی لڑکی، جو کہ ورجینیا کی رہائشی ہے ، اسے پشاور کے علاقے حیات آباد میں رہنے والے ایک ملزم کی طرف سے مسلسل جنسی طور پر ہراساں کیا جا رہا ہے۔

Image Source: File

ایف آئی اے پشاور ریجن نے کاروائی کے دوران ملزم کو حراست میں لیا، بعدازاں ملزم کے جرم کے اعتراف کے بعد اس کے خلاف ایف آئی آر درج کرلی گئی ہے اور جبکہ ملزم سے مزید تفتیش بھی جاری ہے۔ ایف آئی اے سی سی ڈبلیو پشاور ریجن کے ڈپٹی ڈائریکٹر کے مطابق ، ملزم طاہر خان نے یکم جون کو متاثرہ کا سنیپ چیٹ اکاؤنٹ ہیک کیا اور متاثرہ لڑکی کو اکاؤنٹ سے لاک کر دیا تھا۔

بعدازاں ملزم نے سماجی رابطے کی ویب سائٹ انسٹاگرام کے ذریعے متاثرہ لڑکی سے رابطہ کیا اور اس کی قابل اعتراض تصاویر شائع کرنے کی دھمکی دی۔ مزید برآں ، اس نے اسے ایک فحش ویڈیو کال میں حصہ لینے اور چائلڈ پورنوگرافی کا مواد تیار کرنے پر مجبور کیا۔

Image Source: Guardian

اس سلسلے میں متاثرہ امریکی شہری نے اپنا اکاؤنٹ غیر فعال کرنے کے لیے اسنیپ چیٹ انتظامیہ سے رابطہ کرنے کی کوشش کی لیکن کوئی جواب موصول نہیں ہوا۔ جس پر لڑکی نے پھر فیس بک انتظامیہ سے رابطہ کیا تو وہاں سے ہراساں کرنے والے کے انسٹاگرام اکاؤنٹ کی تفصیلات فراہم کی گئیں۔ لہذا پھر متاثرہ لڑکی نے ایف بی آئی سے رابطہ کیا اور ملزم کے اکاؤنٹ کی تمام معلومات فراہم کی۔

امریکی لڑکی کی شکایت موصول ہونے کے بعد ایف بی آئی نے مجرم کے خلاف ایف آئی اے ہیڈ کوارٹر میں شکایت درج کرائی۔ جہاں باقاعدہ شکایت کے بعد ، ایف آئی اے پشاور ریجن نے ضبطگی اور سرچ وارنٹ حاصل کیا اور حیات آباد میں ملزم کے گھر پر چھاپہ مارا۔

Image Source: Twitter

ایف آئی اے پشاور ریجن نے ملزم کے گھر کاروائی کے دوران کئی موبائل فون اور لیپ ٹاپ ضبط کیے گئے، جبکہ مجرم کی ڈیوائسز میں سے متاثرہ لڑکی کی قابل اعتراض تصاویر بھی برآمد کرلی گئیں۔ ابتدائی تفتیش سے معلوم ہوا ہے کہ مجرم والد کے نام سے رجسٹرڈ ڈیٹا سم کے ذریعے انسٹاگرام اکاؤنٹ استعمال کر رہا تھا۔ جس پر ایف آئی اے ٹیم نے ملزم اور اس کے والد کو بھی حراست میں لے لیا۔ تاہم مجرم نے ابتدائی تفتیش میں اپنے جرائم کا اعتراف کرلیا، جس پر ملزم کے والد کو رہا کر دیا گیا۔

مزید پڑھیں: حیدرآباد میں خاتون کی نامناسب ویڈیو بنا کر بلیک میل کرنے والا شخص گرفتار

گزشتہ 10 سے 15 سالوں میں پاکستان سوشل میڈیا استعمال کرنے والے صارفین کی تعداد میں ایک واضح اضافہ دیکھا گیا ہے، جس میں زیادہ تر نوجوانوں کی تعداد ہے۔ البتہ درست اگاہی اور غلط استعمال کے باعث ملک میں بڑی تعداد میں آن لائن ہراسمنٹ کے کسسز میں اضافہ بھی دیکھا گیا ہے۔ اگرچے ہمارے ملک میں ایسے کیسز سے رپورٹ ہونے کی شرح بھی بہت کم ہے۔

اس سے قبل ایک واقعہ پاکستانی نژاد امریکی شہری کے ساتھ پیش آیا تھا، جس میں خاتون روشن ڈیجیٹل اکاونٹ بنوانے کے لئے گئیں، بعدازاں بینک کے ملازم کی جانب سے ان کے ذاتی نمبر پر رابطہ کرکے ہراساں کرنے کی کوشش کی گئی۔ جس کے بعد خاتون پورے واقعے کے احوال بذریعہ اسکرین شارٹس کے فیس بک پر شئیر کردیا تھا۔

Story Courtesy: Dawn


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format