شعیب ملک اور ثانیہ مرزا ٹاک شو کی میزبانی کرنے کیلئے تیار


0

اسپورٹس کی دنیا کا خوبصورت کپل پاکستانی کرکٹر شعیب ملک اور انڈین ٹینس اسٹار ثانیہ مرزا کی زندگی پر فلم بنائے جانے والی فلم کے بارے میں تو ہم سب جانتے ہیں کہ وہ ابتدائی مراحل میں ہے لیکن فلم سے پہلے اب یہ دونوں ایک شو میں اکھٹے نظر آئیں گے۔ جی ہاں ! جلد ہی یہ دونوں پاکستان کی سٹریمنگ ویب سائٹ اردو فلیکس کے ایک پروگرام میں ایک ساتھ نظر آئیں گے۔ 

تفصیلات کے مطابق شعیب ملک اور ان کی اہلیہ ثانیہ مرزا پاکستان کے پہلے او ٹی ٹی پلیٹ فارم اردو فلیکس کے لئے دی شعیب اینڈ ثانیہ شو کی میزبانی کریں گے۔ ان دونوں کا کہنا ہے کہ ہمارے شو میں کوئی متنازع بات نہیں ہوگی بلکہ شو کے ذریعے محبت اور امن کا پیغام دیا جائے گا اور ہنسی مذاق کے ذریعے لوگوں کا ٹینشن کم کرنے کی کوشش کی جائے گی۔

Image Source: Urdu Point

شعیب اینڈ ثانیہ شو میں پاکستان اور بھارت کی مشہور شخصیات بطور مہمان شرکت کریں گی اور ہلکے پھلکے انداز میں اپنی زندگی کی دلچسپ باتیں شئیر کریں گی۔ ایک انٹرویو میں ثانیہ مرزا نے کہا کہ “ہم چند لوگوں کے ساتھ رابطے میں ہیں۔ کوویڈ کی وجہ سے، تمام پروسس تھوڑا سست پڑگیا لیکن یہ کام پروسس میں ضرور ہے۔

اس انٹرویو میں جب ثانیہ سے فلم انڈسٹری میں ان کی انٹری اور بطور اداکارہ کیریئر کے آغاز کے بارے میں پوچھا گیا تو انہوں نے فوراً جواب دیاکہ کبھی نہیں کبھی نہیں ،انہوں نے مزید کہا کہ میں شعیب کے لیے یہ بات نہیں کہہ سکتی لیکن مجھے نہیں لگتا کہ میں اداکار بن سکتی ہوں۔ میں کیمرے کے سامنے شرماتی جاتی ہوں مجھے لگتا ہے کہ اس کے لیے بہت ہمت کی ضرورت ہے اس لیے مجھے نہیں لگتا کہ اداکاری کی دنیا میں میری کوئی گنجائش ہوگی۔

مزید پڑھیں: بھارتی ٹینس اسٹار ثانیہ مرزا بھی پاکستانی ڈراموں کی شوقین نکلیں

انہوں نے انٹرویو میں اپنی ٹینس ریٹائرمنٹ کے بارے میں بھی بات کی اورکہا کہ اب کچھ تو کرنا پڑیگا۔ (اب ہمیں کچھ کرنا ہے)۔ ہمارا شو جلد ہی شوٹنگ میں جائے گا۔ شعیب اور میں مختلف چیزیں کرنا پسند کرتے ہیں ، ہم نے پرفیوم لانچ کے تجربے کے کو بھی کافی انجوائے کیا تھا۔

Image Source: Instagram

ثانیہ نے انکشاف کیا کہ جب انہوں نے شعیب کو اپنی ریٹائرمنٹ کے بارے میں بتایا تو وہ حیران رہ گئے حالانکہ میری فیملی اور قریبی لوگ بھی اس بات پر حیران ہوئے۔انہوں نے کہا کہ ہاں، وہ حیران ہوا لیکن ہم اپنے پیشہ ورانہ شعبوں میں ایک دوسرے کے سب سے بڑے سپوٹر ہیں۔اس نے مجھ سے کہاکہ تم جو بھی فیصلہ کرو، میں تمہارے ساتھ ہوں۔

یہاں یہ بات قابل ذکر ہے کہ ثانیہ مرزا جب بھی کسی ٹاک شو میں نظر آئیں تو لوگوں نے ہمیشہ انہیں پسند کیا کیونکہ ان کے مزاح کا انداز لوگوں کو محظوظ کرتا ہے۔ وہ ایک ٹک ٹاکر بھی ہیں اور ان کی متعدد ویڈیوز انٹرنیٹ پر وائرل بھی ہوچکی ہیں۔

Image Source: Express News

اپنے حس مزاح اس بارے میں انہوں نے کہا کہ میری حس مزاح ہمیشہ پوائنٹ پر ہوتا ہے اس کے بارے میں کوئی سوال نہیں ہے ، ہاں میں کیمرے کے سامنے شرماتی ہوں، اس لئے مجھے نہیں لگتا کہ میں اداکاری کرسکتی ہوں۔

انہوں نے کہا کہ ہم دونوں کا ہی تعلق کھیلوں سے ہے مگر ہم دونوں کی کیمسٹری گھر میں کافی مضبوط ہے۔ ہم ایک ساتھ مذاق کرتے ہیں اور ہنستے ہیں۔بلیکن ہمارے درمیان شدید لڑائیاں بھی ہوتی ہیں اور اس وقت ہماری حس مزاح ایک طرف رہ جاتی ہے۔

Image Source: Twitter

اپنے شو کے بارے میں ثانیہ مرزا یہ شو مداحوں کی تعداد بڑھانے یا اشتہارات حاصل کرنے کے لئے نہیں کیونکہ میرے اور شعیب کے پاس پہلے ہی یہ دونوں چیزیں بڑی تعداد میں ہیں۔ ہمارے شو کا مقصد لوگوں کو تفریح فراہم کرنا اور آپس محبتیں بانٹنا ہے۔

مزید پڑھیں: شعیب ملک اور ثانیہ مرزا کو بھی یو اے ای کا گولڈن ویزا مل گیا

پچھلے سال، شعیب ملک اور ثانیہ مرزا احسن خان کے شو میں نظر آئے جہاں انہوں نے اپنی نجی زندگی کے بارے میں بات کی تھی اور اپنی پہلی ملاقات کے بارے میں بھی بتایا۔ شعیب نے انکشاف کیا کہ جب میں پہلی بار ان سے ملا تھا تو انہوں نے مجھ میں کسی قسم کی کوئی دلچسپی ظاہر نہیں کی تھی۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format