اداکار شہروز سبزواری کا شمار پاکستان کے چند کامیاب ترین اداکاروں میں ہوتا ہے، جنہوں نہایت ہی کم وقت کے عرصے میں پاکستان شوبز انڈسڑی میں اپنی ایک منفرد اور الگ پہچان بنائی ہے، یہی وجہ ہے کہ وہ اپنے مداحوں کے ہمیشہ سے ہردلعزیز رہے ہیں۔
تاہم پچھلے کچھ عرصے میں شہروز سبزواری کی مقبولیت میں ناصرف کمی آئی بلکہ سوشل میڈیا پلیٹ فارمز پر مختلف تنازعات کی بنا پر ان پر تنقید بھی کافی کی جاتی رہی ہے، کئی بار شہروز سبزواری کو سوشل میڈیا کا خود سے سہارا لینا پڑا کہ وہ تنازعات پر اپنا موقف دیں تاہم ان کی حالیہ قسمت کہیں یا پھر مداحوں کی غلط فہمی، تنقیدی عمل کسی نہ کسی انداز میں جاری رہا۔
ایسا ہی کچھ حال ہی میں ہوا جب شوبز اداکار شہروز سبزواری نے آنے والے امریکی صدارتی انتخابات کے حوالے سے سوشل میڈیا پر اپنی ایک رائے دی، جسے سوشل میڈیا صارفین نے بلکل بھی پسند نہ کیا اور ایک بار پھر سے اداکار کی جانب تنقید کے نشتر چلا دیئے۔
ماجرہ کچھ یوں ہے کہ سماجی رابطے کی ویب سائٹ انسٹاگرام پر اداکار شہروز سبزواری کی جانب سے انسٹاگرام پر ایک اسٹوری شئیر کی گئی جس میں انہوں نے موجودہ امریکی صدر ڈونلڈ ٹرمپ کی ناصرف کارکردگی کو سہرایا بلکہ آئندہ آنے والے انتخابات میں دوسری بار منتخب ہونے کے لئے نیک خواہشات کا اظہار بھی کیا۔
تفصیلات کے مطابق سماجی رابطے کی ویب سائٹ انسٹاگرام پر جاری کی گئی اسٹوری میں شہروز سبزواری کی جانب سے ایک گراف کی تصویر شئیر کی گئی جس میں بتایا گیا کہ موجودہ امریکی صدر ڈونلڈ ٹرمپ کے دور میں امریکی معیشت مثبت انداز میں اوپر کی طرف گئی ہے لہذا شہروز سبزواری کے مطابق اگلی بار بھی ڈونلڈ ٹرمپ، کیونکہ معاشی اعتبار سے انہوں نے ثابت کیا ہے، اب ان کا حق بنتا ہے۔
اداکار شہروز سبزواری کے یہ اسٹوری شئیر کرتے ہی سوشل میڈیا صارفین کی جانب سے ان پر ایک بار پھر سے تنقید کا آغاز کردیا گیا، لوگوں کی جانب سے ان کی اس رائے کو بےحد ناپسند کیا جارہا ہے۔
یاد رہے گزشتہ ایک برس سے پاکستانی معروف اداکار شہروز سبزواری اپنی ذاتی زندگی کے حوالے سے کافی تنقید کی زد میں رہے رہیں، سائرہ یوسف سے ان کی طلاق کی خبر کو مداحوں نے بےحد ناپسند کیا تھا۔
جبکہ طلاق کے کچھ ہی عرصے کے بعد اداکار شہروز سبزواری نے پاکستان کی معروف مشہور اور معروف ماڈل صدف کنول کے ساتھ رشتہ ازدواج میں منسلک ہوگئے تھے، اس ہی عرصے کے دوران سوشل میڈیا پر ایک قیاس جاری تھی کہ سائرہ یوسف اور شہروز سبزواری کی طلاق کی وجہ ماڈل صدف کنول ہیں۔ جس پر شہروز سبزواری اور صدف کنول کو شدید تنقید کا سامنا کرنا پڑا تھا تاہم شہروز سبزواری کی جانب سے اس قیاس آرائی کو مکمل طور پر رد کردیا تھا تاہم تنقید کا سلسلہ سوشل میڈیا پر کسی نہ کسی انداز میں جاری رہا تھا۔
0 Comments