ایسا کیا ہوا کہ شہریار منور پانچ وقت کے نمازی بن گئے؟

زندگی میں رونما ہونے والے کچھ حادثات و واقعات انسان کی زندگی بدل کر رکھ دیتے ہیں اور ایسا صرف عام انسانوں کے ساتھ نہیں ہوتا بلکہ مشہور شخصیات حتیٰ کہ اداکاروں کے ساتھ بھی ہوتا ہے۔ ایسا ہی ایک واقعہ شوبز کے نامور اداکار شہریار منور کے ساتھ بھی پیش آیا جنہیں ایک خطرناک روڈ حادثے نے پانچ وقت نماز کا پابند بنا دیا۔

گزشتہ دنوں اداکار شہریار منور صدیقی نے اداکارہ سائرہ یوسف کے ہمراہ “ٹائم آؤٹ ود احسن خان” ٹی وی کے پروگرام میں شرکت کی۔

جہاں انہوں نے کورونا کے دوران پیش آنے والے حادثے کے بعد اپنی زندگی میں تبدیلیوں کے حوالے سے بات کی ۔شہریار منور نے کہا ہے کہ خطرناک روڈ حادثے نے انہیں پانچ وقت نماز کا پابند بنا دیا۔ پروگرام میں بات کرتے ہوئے انہوں نے بتایا کہ میں ہمیشہ ہی نماز پڑھتا تھا لیکن حادثے کے بعد میں پانچوں وقت کی نماز ادا کرنے لگا۔ ان کہنا تھا کہ کورونا کے دوران پیش آنے والے حادثے کے بعد میں ڈپریشن کا شکار ہوگیا تھا، میرا وزن بھی کافی بڑھ گیا تھا جس کے بعد میں نے یوگا کرنا شروع کر دیا اور ساتھ ہی روحانیت پر توجہ دی۔

واضح رہے کہ گزشتہ برس شہریار منور بائیک پر شمالی علاقہ جات گھومنے گئے تھے، گلگت سے ہنزہ جاتے ہوئے ان کے ساتھ حادثہ پیش آیا جس میں اداکار کا بازو ٹوٹ گیا تھا اور وہ علاج کے لیے لندن چلے گئے تھے۔

خیال رہے کہ گزشتہ دنوں پاکستانی شوبز انڈسٹری کی سابقہ اداکارہ صنم چوہدری نے سوشل میڈیا پر ایک لائیو سیشن کے دوران اداکاری کو خیر باد کہنے کی وجوہات بتائیں تھیں۔ سابقہ اداکارہ نے کہا کہ ایک بات جو میرے دل سے نکل رہی ہے وہ یہ کہ اصل میں مجھے پتہ نہیں تھا کہ مرنا بھی ہے، یہ وہ وقت تھا جب مجھے احساس ہوا کہ کہیں میں بطور اداکارہ دنیا کو خوش کرنے کے لیے اپنے رب کو ناراض تو نہیں کر رہی ۔

مزید پڑھیں: `شہریار منور نے دپیکا پڈوکون سے ملاقات کی تفصیلات سے آگاہ کردیا

یاد رہے کہ پاکستانی ڈرامہ انڈسٹری کی خوبصورت اداکارہ صنم چوہدری اپنی ڈرامہ سیریل آسمانوں پر لکھا ، شیزا ، میرے مہربان ، اور عشق ہماری گلیوں میں کے علاوہ بہت سی دیگر ڈرامہ سیریلز میں شاندار پرفارمنس دے چکی ہیں۔ تاہم اب وہ شوبز کی دنیا کو خیرباد کہہ کر مذہبی زندگی کا آغاز کرچکی ہیں۔