ماضی کی خوبصورت ترین بولی ووڈ جوڑی سیف علی خان اور امریتا سنگھ کے بچوں کے حوالے سے عموماً سوشل میڈیا پر چرچا رہتی ہے کہ یہ اپنے والدین کی بلکل کاپی نظر آتے ہیں، اداکارہ سارہ علی خان نوے کی دہائی کی امریتا سنگھ اور ابراہیم علی خان والد سیف کی مکمل جوانی لگتے ہیں۔ بلاشبہ ناصرف یہ ایک حیران کن حقیقت ہے بلکہ سارہ علی خان بھی اس سے بلکل متفق دکھائی دیتی ہیں۔
تفصیلات کے مطابق حال ہی میں اداکارہ سارہ علی خان نے اپنے والدین سے غیر معمولی مماثلتوں پر بات چیت کی اور اعتراف کیا، یہ ایک انتہائی غیر معمولی بات ہے۔ ان کا مزید کہنا تھا کہ یہ بات اکثر اوقات ان کے گھر پر بھی بات چیت کا موضوع ہوتی ہے۔
ایک معروف بھارتی میڈیا آؤٹ لیٹ سے بات کرتے ہوئے، سارہ علی خان نے بتایا کہ کس طرح ان کے گھر میں والدین کی مماثلت اکثر بحث کا موضوع بنتی ہے۔ اسٹار کڈ نے اعتراف کیا کہ “وہ جس طرح سے والدہ کی طرح نظر آتی ہیں اور ابراہیم والد کی طرح جیسا لگتا ہے وہ کوئی نارمل بات نہیں ہے۔” “ہم ایک جیسے ہیں!”
سارہ علی خان نے مزید کہا کہ “ایسا نہیں ہے کے ہم میں انکی جھلک ہے۔ ہم حقیقتاً ویسے ہی نظر آتے ہیں جیسے وہ اس وقت دکھا کرتے تھے، اور مجھے لگتا ہے کہ لوگ یہی بات کرتے ہیں۔
اس موقع پر سارہ علی خان نے یہ بھی انکشاف کیا کہ اگرچے وہ والدہ امریتا سنگھ جیسی نظر آتی ہیں اور ابراہیم والد سیف علی خان کی طرح نظر آتے ہیں، لیکن ہماری شخصیت بلکل مترادف ہیں، یہ بھی بات اکثر گھر میں گفتگو کا موضوع ہوتی ہے۔
سارہ علی خان کا کہنا تھا کہ دل دلچسپ بات یہ ہے کہ ابراہیم بہت زیادہ ٹھنڈے مزاج اور کمپوزڈ ہے، اگرچے وہ میرے والد کی طرح نظر آتا ہے لیکن وہ میری والدہ کی طرح ہے، جبکہ میں والدہ کی طرح نظر آتی ہوں لیکن میں بلکل اپنے والد کی طرح ہوں۔ ہم اس بارے میں بات کرتے ہیں کہ کس طرح ہماری شخصیتوں اور چہروں کو تبدیل رکھی گئی ہیں۔
واضح رہے اداکارہ سارہ علی خان نے سال 2018 میں فلم کیدارناتھ سے اپنے فلمی کیریئر کا آغاز کرنا تھا۔ فلم بین ان کا اکثر موازنہ 80 کی دہائی میں ڈیبیو کرنے والی معروف اداکارہ اور سارہ کی والدہ امریتا سنگھ سے کرتے ہیں، جبکہ 21 سالہ ابراہیم کو اپنے والد کا چھوٹا ورژن قرار دیا جاتا ہے، سیف علی خان نے جب نوے کی دہائی میں 22 سال کی عمر میں فلمی ڈیبیو کیا تھا، سبھی کا ماننا ہے کہ ڈیبیو کرتے وقت اور اج ان کا بیٹا تقریباً ایک جیسے ہیں۔
خیال رہے اداکار سیف علی خان اور اداکارہ امریتا سنگھ سال 1991 میں رشتہ ازواج میں منسلک ہوئے تھے جبکہ سال 2004 میں دونوں کی طلاق ہوگئی تھی۔
یاد رہے کچھ عرصہ قبل اداکارہ سارہ علی خان کی سوشل میڈیا پر ایک ویڈیو وائرل ہوئی تھی، جس میں وہ تصویر بنوانے کے بہانے اپنی کو ورکر کو سوئمنگ پول میں گرا دیتی ہیں، اگرچے انہوں نے یہ محض مذاق کے لئے کیا تھا لیکن صارفین کو ان کا یہ مذاق ایک آنکھ نہ بھایا اور انہیں سخت تنقید کا نشانہ بنایا گیا تھا۔
0 Comments