سال 2020 کئی نامور شخصیات کو اپنے ساتھ لے گیا


0

زندگی کے نشیب و فراز سے گزرتا ہوا آخر کار سال 2020 اپنے اختتام کی جانب گامزن ہے، رواں برس تاریخ میں خوشیوں سے زیادہ غموں اور تلیخیوں کے لئے یاد رکھا جائے گا۔ اس سال پاکستان کے علاوہ کئی معروف شخصیات ہمیں چھوڑ کر جہان فانی سے کوچ کر گئیں۔ لیکن ان کی سیاسی، سماجی ،فنی اور پیشہ وارانہ خدمات کی وجہ سے ہم ان شخصیات کو کبھی بھلا نہیں سکیں گے۔

جسٹس(ر) فخرالدین جی ابراہیم

Image Source: Dawn.com

معروف قانون دان، سابق اٹارنی جنرل اور سابق چیف الیکشن کمشنر جسٹس ریٹائرڈ فخرالدین جی ابراہیم 7 جنوری 2020 کو 91 برس کی عمر میں اس دنیائے فانی سے رخصت ہوگئے۔

سابق میئر کراچی نعمت اللہ خان

Image Source: Twitter.com

طویل عرصے سے علیل سابق ناظمِ کراچی نعمت اللّٰہ خان ایڈووکیٹ 89 برس کی عمر میں انتقال کرگئے۔ وہ 2001 سے جون 2005 تک کراچی کے میئر رہنے والے نعمت اللہ خان کافی عرصے سے علیل تھے۔ وہ پیشے کے اعتبار سے وکیل اور الخدمت فاؤنڈیشن کے صدر بھی رہے۔

کامیڈین مزاحیہ اداکار امان اللہ

Image Source: thenews.com.pk

ملک کی شوبز انڈسٹری کا بڑا نام اور کامیڈین لیجنڈ، مزاح کے شہنشاہ اور تھیٹر کے بادشاہ امان اللہ 6 مارچ 2020 کو 70 برس کی عمر میں انتقال کرگئے۔ پاکستان کے عظیم مزاحیہ فنکار امان اللہ تقریباً ایک سال سے پھیپھڑوں سمیت دیگر امراض میں مبتلا تھے اور لاہور کے ایک نجی اسپتال میں زیر علاج تھے۔ ان کے انتقال پر وزیراعظم عمران خان اور دیگر شخصیات نے افسوس کا اظہار کیا۔

معروف اداکار اطہر شاہ خان جیدی

Image Source: Gulf News

رواں برس مئی کے مہینے میں قہقہوں کی بارش تھم گئی ممتاز شاعر، ڈرامہ نگار اور معروف فن کار اطہر شاہ خان عرف “جیدی”10مئی 2020 کو دنیائے فانی سے کوچ کرگئے ان کی عمر 77 سال تھی۔ ان کی فنی خدمات کے اعتراف میں 2001 میں انہیں حکومت پاکستان نے پرائیڈ آف پرفارمنس ایوارڈ سے نوازا۔

سابق چیئرمین اعلیٰ تعلیمی بورڈ انوار احمد زئی

Image Source: newsone.tv

ماہر تعلیم اور ضیاء الدین تعلیمی بورڈ کے ڈائریکٹر پروفیسر انوار احمد زئی31 مئی 2020 کو علالت کے بعد انتقال کرگئے۔ ان کی عمر 76سال تھی۔ انہوں نے میٹرک بورڈ، انٹر بورڈ کراچی اور میرپور خاص بورڈ کے چیئرمین کے طور پر بھی خدمات انجام دی ہیں۔ انہوں نے سابق ای ڈی او کراچی اور سابق ایڈیشنل سکریٹری تعلیم کے فرائض بھی انجام دئیے۔

اداکارہ صبیحہ خانم

Image Source: Pakistantoday.com.pk

ماضی کی خوبصورت، ہر دلعزیز اور معروف اداکارہ صبیحہ خانم 13 جون 2020 کو امریکا کے ایک اسپتال میں دوران علاج انتقال کرگئیں، ان کی عمر 84 برس تھی۔ انہوں نے اپنی لازوال اداکاری سے ہر کردار کو امر کردیا۔ ماضی کی نامور اداکارہ صبیحہ خانم نے کئی برس پہلے اداکاری کو خیرباد کہہ کر امریکہ میں اپنے بچوں کے پاس سکونت اختیار کرلی تھی۔

معروف ٹی وی کمپیئر طارق عزیز

Image Source: Dawn,com

دیکھتی آنکھوں، سنتے کانوں کو طارق عزیز کا آخری سلام، نیلام گھر سے شہرت پانے والے پاکستان کے مایہ ناز ٹی وی کمپیئر طارق عزیز 17جون 2020 کو خالق حقیقی سے جاملے ان کی عمر 84 برس تھی۔ طارق عزیز ادیب، شاعر اور سابق رکن قومی اسمبلی بھی تھے اس کے علاوہ انہوں نے کئی فلموں میں اپنی اداکاری کے جوہر بھی دکھائے۔

پی پی رہنما آیت اللہ درانی

Image Source: Facebook

پیپلزپارٹی کوئٹہ کے مرکزی رہنما اور سابق وفاقی وزیر آیت اللہ درانی 5جولائی کو انتقال کر گئے، ان کی عمر 64 برس تھی۔ وہ گزشتہ چند روز سے کوئٹہ کے نجی اسپتال میں زیر علاج تھے۔ آیت اللہ درانی پارٹی کے نظریاتی اور وفادار کارکن تھے، ان کا انتقال پارٹی اور بلوچستان کا ناقابل تلافی نقصان ہے۔

شاعر پروفیسر عنایت علی خان

Image Source: Facebook

ہر دم مسکراہٹیں بکھیرنے والے معروف شاعر اور استاد پروفیسر عنایت علی خان 26 جولائی کو خالق حقیقی سے جاملے۔ مرحوم کی عمر 85 برس تھی اور وہ کئی ماہ سے علیل تھے۔ وہ 1935 میں بھارتی ریاست ٹونک میں پیدا ہوئے تھے، اور نومبر 1948 میں ہجرت کے بعد سندھ کے شہر حیدرآباد میں سکونت اختیار کی۔

معروف اداکار مرزا شاہی

Image Source: Tribune.com.pk

پاکستانی فلم اور ڈراما انڈسٹری کے نامور اور سینئر اداکار مرزا شاہی عالمی وباءکورونا وائرس کے باعث انتقال کرگئے۔ نادانیاں کے “چاچا کمال” کی عمر 70 سال تھی۔ معین اختر کے ساتھ ان کا ڈرامہ عید ٹرین بھی مداحوں میں کافی مقبول رہا مرزا شاہی “چکوری”, ”چھوٹے صاحب” اور “نوکر وٹی دا” جیسی فلموں میں بھی کام کرچکے ہیں۔

تائیکوانڈو پلیئر ماہم آفتاب

Image Source: geosuper.tv

پنجاب کے شہر وہاڑی سے تعلق رکھنے والی تائیکوانڈو پلیئر ماہم آفتاب 23اکتوبر کو انتقال کرگئیں، وہ برین ٹیومرکے علاج کے سلسلے میں شوکت خانم اسپتال میں زیر علاج تھیں۔ ماہم آفتاب نے نیشنل و انٹرنیشل سطح پر تائیکوانڈو میں پاکستان کی نمائندگی کی، انہیں “دختر وہاڑی” کے لقب سے بھی پکارا جاتا تھا۔

فلم ساز اقبال کاشمیری

Image Source: Image.dawn.com

پاکستان فلم انڈسٹری کے سینئر ہدایتکار اور کئی کامیاب فلموں کے خالق اقبال کاشمیری 15 نومبر انتقال کرگئے۔ ان کے اہلِ خانہ کےمطابق انہیں‌ گردوں کا عارضہ لاحق تھا اور وہ گزشتہ ہفتے سے اسپتال میں زیرِ علاج تھے۔ 1942 میں لاہور میں پیدا ہونے والے پاکستان فلم انڈسٹری کے لیجنڈ ہدایت کار  اقبال کاشمیری نے ٹیکسی ڈرائیور، بابل، ضدی، اور بلیک وارنٹ سمیت لاتعداد اردو اور پنجابی فلموں کی ہدایت کاری دی تھی۔

نواز شریف کی والدہ بیگم شمیم اختر

Image Source: pk.news

سابق وزیر اعظم میاں محمد نواز شریف کی والدہ بیگم شمیم اختر 22 نومبر کو لندن میں انتقال کر گئیں، ان کی عمر 93 برس تھی، وزیر اعظم عمران خان نے نواز شریف اور شہباز شریف سے ان کی والدہ کے انتقال پر تعزیت کا اظہار کیا۔

سابق وزیر اعظم میر ظفر اللہ خان جمالی

Image Source: Wikipedia

سابق وزیر اعظم میر ظفر اللہ جمالی 2 دسمبر کو اسلام آباد کے ایک اسپتال میں خالق حقیقی سے جاملے، ان کی عمر 76 برس تھی۔ میر ظفر اللہ خان جمالی کو بلوچستان سے تعلق رکھنے والے پہلے منتخب وزیراعظم ہونے کا اعزاز بھی حاصل رہا۔

صدر مملکت ڈاکٹر عارف علوی، وزیر اعظم عمران خان اور آرمی چیف جنرل قمر جاوید باجوہ سمیت ملک تمام اہم شخصیات نےان کے انتقال پر اہل خانہ سے اظہار تعزیت کیا۔

تاجر رہنما سراج قاسم تیلی

Image Source: Facebook

معروف تاجر رہنما سراج قاسم تیلی 8 دسمبر کو دل کا دورہ پڑنے سے دبئی میں انتقال کرگئے۔ وہ دبئی میں طبیعت خراب ہونے پر اسپتال میں زیر علاج تھے۔ سراج قاسم تیلی کی عمر 67 برس تھی، مرحوم کے سوگواران میں اہلیہ، بیٹا اور بیٹی شامل ہیں۔

سینئر اداکارہ فردوس بیگم

Image Source: Reviewit.pk

فلم ہیر رانجھا فلم سمیت 150 سے زائد فلموں میں اداکاری کے جوہر دکھانے والی نامور اداکارہ فردوس بیگم اپنے خالق حقیقی سے جاملیں۔ ان کی وفات 16دسمبر کو لاہور میں برین ہیمرج کے سبب ہوئی ۔ماضی کی اداکارہ فردوس بیگم کی عمر 73 برس تھی اور انہوں نے پسماندگان میں 2 بیٹیاں اور ایک بیٹا چھوڑا ہے۔

اس کے علاوہ اگر عالمی سطح پر بات کریں تو معروف باسکٹ بال کھلاڑی کوبے برائنٹ، سپر اسٹار رشی کپور، سابق آسٹریلوی بلے باز اور پاکستان سپر لیگ کےکوچ ڈین جونز، ارجنٹائن کی فٹبال کےعظیم کھلاڑی ڈیاگو میراڈونا، انڈین اداکار عرفان خان، سوشانت سنگھ راجپوت سمیت دیگر شامل ہیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format