کہا جاتا ہے رشتے خون کے نہیں احساس کے ہوتے ہیں اگر احساس ہو تو پرائے بھی اپنے بن جاتے ہیں اور اگر احساس مرجائے تو اپنے بھی غیر ہوجاتے ہیں۔ ایسا ہی ایک واقعہ روالپنڈی میں پیش آیا جہاں جائیداد کے تنازعے نے بیٹے کا خون سفید کردیا، دو کوڑی کی زمین کے خاطر ارسلان نامی بدبخت اور بے رحم بیٹے نے اپنی سگی ماں کو تھپڑوں اور گھونسوں سے بدترین تشدد کا نشانہ بنایا۔ ماں پر تشدد کی ویڈیو سوشل میڈیا پر وائرل ہوگئی۔
تفصیلات کے مطابق روالپنڈی میں تھانہ صادق آباد کے علاقے میں ایک انتہائی ہولناک واقعہ پیش آیا جس میں بدبخت ارسلان نامی بیٹے کی جانب سے اہلیہ کے ساتھ مل کر ماں اور بہن کو محض جائیداد کی خاطر تشدد کا نشانہ بناتا ہے۔ تاہم بہن زوبیہ اس پورے واقعے کی ویڈیو بنا کر سوشل میڈیا پر ڈال دی بعدازاں سوشل میڈیا پر آنے کے بعد ویڈیو کافی تیزی سے وائرل ہوئی، جس کے بعد پولیس نے ارسلان اور اس کی بیوی بسمہ پر مقدمہ درج کرلیا ہے۔
وائرل شدہ ویڈیو میں دیکھا جاسکتا ہے کہ ایک لڑکا جس کا نام ارسلان ہے وہ اپنی ماں پر انتہائی بے رحمی کے ساتھ تشدد کررہا ہے اور مغلظات کا استعمال بھی ماں کے لئے کرتا رہا جبکہ ویڈیو میں اگر غور کیا جائے تو بیٹے ارسلان کی بیوی بسمہ اپنے شوہر ارسلان کو والدہ پر تشدد کے لئے اکساتے ہوئے بھی سنا جا سکتا ہے جبکہ ویڈیو میں زوبیہ والدہ کو بچانے دہائیاں دیتی رہتی پر بیٹا مال کی محبت میں اس حدتک اندھا ہوجاتا ہے کہ اس کو کچھ نظر ہی نہیں آتا کہ وہ کیا گناہ کررہا ہے۔
واقعہ کے بعد بہن زوبیہ کی جانب سے ایک اور ویڈیو جاری کہ گئی جس میں وہ بتاتی ہے کہ کس طرح والد کی غیر موجودگی میں بھائی والدہ اور اس کو تشدد کا نشانہ بناتا ہے۔ بہن زوبیہ کے مطابق ویڈیو کا بنانے کا مقصد یہی تھا کہ لوگ ہماری بات کا یقین کریں تاہم یہ لڑائی گلی میں بھی جس میں میری والدہ بےہوش ہوگئیں اور ہمیں محلے والے اپنے گھر لے گئے اور گھر پر بھائی، بھابی، اس کے ساس سسر اور سالی گھر آگئے جس کے بعد یہ لوگ پراپرٹی کے پیپر اور ساڑھے چار لاکھ روپے گھر سے لیکر فرار ہوگئے۔ ہم نے اس واقعے کی پولیس میں شکایت درج کروائی جہاں ہمارا میڈیکل ہوا اور جس پر لکھا ہے کہ ہم تشدد ہوا ہے لیکن اس کے باوجود پولیس نے ملزم کو ایک گھنٹے میں چھوڑ دیا۔
یہ ویڈیو جب سوشل میڈیا پر وائرل ہوئیں تو لوگوں کی جانب سے شدید ردعمل آیا۔ لوگوں کی جانب سے سخت سے سخت سزا کا مطالبہ کیا گیا۔ ٹوئیر متاثرہ لڑکی زوبیہ امیر کے نام سے سب سے بڑا ٹرینڈ بن گیا۔
ویڈیو کے وائرل ہوتے ہی پولیس بھی حرکت میں آگئی اور پولس کی جانب سے بیٹے اور بہو پر مقدمہ درج کرلیا گیا تاہم والدہ پر تشدد کے بعد بیٹا اور بہو گھر سے فرار ہوگئے ہیں۔ جس پر سی پی او نے ملزمان کو جلد از جلد گرفتار کرنے کا حکم جاری کر رکھا ہے اور ملزمان کی تلاش بھی جاری ہے۔
0 Comments