سارہ گل ایم بی بی ایس کرنیوالی پاکستان کی پہلی خواجہ سرا بن گئیں


0

‘خواجہ سرا’ کا نام آتے ہی ہمارے ذہنوں میں ایک مخصوص خاکہ تیار ہو جاتا ہے، جیسکہ وہ لوگ جو سڑکوں پر ناچتے گاتے اور بھیگ مانگتے ہوئے نظر آتے ہیں۔ بلاشبہ ہمارا معاشرتی رویہ ان لوگوں کے ساتھ ہمیشہ سے غیرانسانی اور غیراخلاقی رہا ہے، ہم نے انہیں کبھی انسان سمجھا ہی نہیں جس کا نتيجہ یہ نکلا کہ معاشرے کا یہ مظلوم طبقہ پستی سے مزید پستی کی طرف چلا گیا۔ مگر خوش قسمتی سے گزشتہ چند سالوں سے اس طبقے میں تبدیلی رونما ہوتی نظر آرہی ہے ان میں سے بعض نے ناچ گانے اور بھیک مانگنے کے بجائے مختلف تعلیمی شعبہ جات میں اپنی صلاحیتوں کو منوانے کو ترجیح دینا شروع کردی ہے جو کہ خوش آئند بات ہے۔

اب کوئی خواجہ سرا وکالت کے شعبے سے منسلک ہو رہا ہے ، کوئی مدرسے میں دینی تعلیم دے رہا ہے، تو کوئی نیوز چینل میں اینکر کے فرائض سرانجام دیتا نظر آرہا ہے۔ان خواجہ سراؤں میں سے ایک نام سارہ گل کا ہے جنہوں پاکستان کی پہلی خواجہ سرا ڈاکٹر بننے کا اعزاز اپنے نام کرلیا ہے۔

Image Source: Daily Pakistan

خواجہ سرا سارہ گل نے اپنے سوشل میڈیا اکاؤنٹ پر ڈاکٹر بننے کا اعلان کرتے ہوئے کہا کہ محنت اور عزم سے کوئی بھی چیز حاصل کی جاسکتی ہے، ڈاکٹر بننے کے لیے انہوں نے بہت محنت کی ہے۔ کراچی سے تعلق رکھنے والی سارہ گل نے جامعہ کراچی سے الحاق شدہ ادارے جناح میڈیکل اینڈ ڈینٹل کالج (جے ایم ڈی سی ) سے ایم بی بی ایس کی ڈگری حاصل کی۔

سارہ گل کا اس حوالے سے اپنے ایک انٹرویو میں کہنا تھا کہ اگر میں یہ کرسکتی ہوں تو باقی خواجہ سرا بھی یہ کرسکتے ہیں۔ اگر آپ کسی چیز کے بارے میں پرجوش ہیں تو آپ کو کوئی اس کو حاصل کرنے سے نہیں روک سکتا ، زندگی میں مشکلات آتی ہیں، میں پاکستان کا نام روشن کرنا چاہتی تھی اور ڈاکٹر بننے کے بعد میرے والدین نے بھی مجھے قبول کیا ہے۔

Image Source: Facebook

ان کا کہنا تھا کہ میں ٹرانس جینڈر کمیونٹی سے کہنا چاہتی ہوں کہ امید نہ ہاریں، اگر میں ڈاکٹر بن سکتی ہوں تو آپ میں سے کوئی بھی محنت کر سکتا ہے اور کامیاب ہو سکتا ہے۔ انہوں نے اس بارے میں بھی بات کی کہ کس طرح والدین اپنے ٹرانس جینڈر بچوں کو معاشرے کے دباؤ کی وجہ سے گھروں سے باہر پھینک دیتے ہیں اور معاشرے کے لوگوں کا رویہ ان کے ساتھ کیسا ہوتا ہے۔ انہوں نے کہا کہ معاشرے کے دباؤ کی وجہ سے اپنے بچوں کو گھروں سے باہر پھینکنا بند کریں، یہ صرف شروعات ہے مستقبل میں حالات بہتر ہوں گے انشاء اللہ۔

سارہ گل کی طرح خواجہ سرا جیا خان نے ناچ گانا چھوڑ کر ٹیلرنگ کا کام سیکھا اور باعزت روزگار کمانے کو ترجیح دی، آج وہ اپنی محنت اور لگن سے کراچی کے اہم کاروباری مرکز صدر میں اپنی دکان چلا رہی ہیں۔ جیا خان کا تعلق پنجاب سے ہے، بین الاقوامی ادارے رائٹرز سے گفتگو میں انہوں نے بتایا تھا کہ وہ گزشتہ 20 سال سے کراچی میں رہائش پذیر ہیں اور ٹیلر بننے سے قبل وہ بھی عام خواجہ سراؤں کی طرح ڈانس پرفارمنس کرتی تھیں۔ انہوں نے کہا کہ ٹیلرنگ کا کام ایسا ہے کہ عمر کے کسی بھی حصے میں سیکھا جاسکتا ہے تو میں نے کپڑے سینے کا کام پیشہ ورانہ طور پر سیکھا اور آج بطور درزن یہ کام کررہی ہوں۔

مزید پڑھیں: خواجہ سرا رانی نے بھیک اور ڈانس چھوڑ کر اپنا مدرسہ کھول لیا

خیال رہے کہ پاکستان کی پارلیمنٹ نے 2018 میں تیسری صنف کو تسلیم کیا اور ان کو بنیادی حقوق جیسے ووٹ ڈالنے اور ان کی صنف کو سرکاری دستاویزات پر منتخب کرنے جیسے بنیادی حقوق حاصل ہوئے۔ تاہم 2017 کی مردم شماری میں تقریباً 10،000 ٹرانس جینڈر افراد کی تعداد ریکارڈ کی گئی اگرچہ ٹرانس رائٹس گروپس کا کہنا ہے کہ 220 ملین آبادی کے ملک میں یہ تعداد بڑھ کر 300،000 سے زیادہ ہوسکتی ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format