نور کو قتل کرتے وقت ظاہر مکمل ہوش وحواس میں تھا، پولیس حکام


0

اسلام آباد میں تھانہ کوہسار کی حدود ایف سیون فور میں 27 سالہ لڑکی نور مقدم کو تیز دھار آلے سے قتل کیا گیا تھا۔ پولیس نے نور کے والد، جو کہ مختلف ممالک میں پاکستان کے سفیر رہ چکے ہیں، کی مدعیت میں ظاہر جعفر نامی ملزم کے خلاف ایف آئی آر درج کی جو مقامی بزنس مین کا بیٹا ہے۔

نور مقدم قتل کیس میں اہم پیش رفت ہوئی ہے اور پوسٹ مارٹم رپورٹ پولیس کو موصول ہوگئی ہے۔ جس کے مطابق ان کی موت کی وجہ دماغ کو آکسیجن سپلائی کی بندش ہے۔ رپورٹ میں بتایا گیا ہے کہ مقتولہ کا سر دھڑ سے الگ کیا گیا۔ جبکہ مقتولہ کے گھٹنے کے نیچے کے حصے پر زخموں کے متعدد نشان ہیں جبکہ مقتولہ کے جسم پر متعدد مقامات پر چاقو کے گہرے زخم بھی ہیں۔

نور قتل کیس پر اسلام آباد آئی جی کی جانب سے قائم کی گئی تفتیشی ٹیم کے سربراہ ایس ایس پی انوسٹی گیشن عطا الرحمان نے پریس کانفرنس میں بتایا کہ ملزم ظاہر جعفر کو جب وقوعہ سے گرفتار کیا گیا تو اس کی ذہنی حالت مکمل طور پر نارمل تھی اور وہ پوری طرح اپنے ہوش و حواس میں تھا۔ ان کا کہنا تھا کہ قتل کرتے وقت ملزم ہوش و حواس میں تھا، نشے میں نہیں تھا، جو آلہ قتل برآمد ہوا ہے وہ ایک چُھری ہے تاہم ملزم سے پسٹل بھی برآمد ہوا ہے جبکہ تفتیش میں فائرنگ سامنے نہیں آئی۔ انہوں نے کہا کہ گھر کے ملازمین سے بھی پوچھ گچھ کی جا رہی ہے کہ کیا وہ جانتے تھے کہ ظاہر جعفر نے نور کو قتل کرنے کا منصوبہ بنایا ہے۔ ایس ایس پی نے مزید بتایا کہ وہ دونوں لڑ رہے تھے۔

Image Source: Twitter

تاہم ظاہر جعفر مبینہ طور پر تھراپی ورکس سے وابستہ تھے۔ اسلام آباد پولیس نے اس کی انتظامیہ کا انٹرویو لینے کا فیصلہ کیا ہے کیونکہ انہوں نے مبینہ طور پر ظاہر جعفر کو تھراپسٹ بننے کی سند دی۔

Image Source: Twitter

تاہم مجرم ظاہر جعفر کی ذہنی صحت کے حوالے پولیس کا یہی کہنا ہے کہ پولیس کی توجہ ملزم کے ماضی پر نہیں ہے اور حراست کے وقت وہ بالکل ٹھیک اور ہوش وحواس میں تھا۔

Image Source: Twitter

خیال رہے کہ گرفتار ملزم ظاہر جعفر کا تعلق بزنس فیملی سے ہے اور وہ برطانیہ سے پڑھ کر آیا ہے یہ بات بھی سامنے آئی ہے کہ ان کی ذہنی حالت ٹھیک نہیں اور وہ تھراپی بھی لیتے رہے ہیں ۔البتہ برطانیہ اور انگلینڈ میں اس کا کرمنل ریکارڈ بھی مل گیا ہے اور انگلینڈ میں وہ تین ماہ جیل بھی کاٹ چکا ہے۔ ملزم ماضی میں اپنی والدہ اور چھوٹے بھائی پر بھی تشدد کرچکا ہے۔

واضح رہے کہ 20 جولائی کو نور مقدم کو بے رحمی سے قتل کئے جانے پر ایف آئی آر میں ان کے والد نے پولیس حکام کو بتایا کہ ان کی بیٹی 19 تاریخ کو گھر سے گئی تھیں مگر اس کے بعد ان کا فون نمبر بند ہو گیا تھا، تاہم دوبارہ رابطہ ہونے پر مقتولہ نورنے والدین کو مطلع کیا کہ وہ کچھ دوستوں کے ساتھ لاہور جا رہی ہیں اور ایک دو دن میں واپس آجائیں گی۔ مقتولہ نور کے والد نے بتایا کہ ظاہر جعفر کے والد ذاکر جعفر کی فیملی سے ان کی ذاتی واقفیت ہے۔ ان کے مطابق دوسرے دن انہیں ظاہر جعفر نے کال کی اور بتایا کہ نور ان کے ساتھ نہیں ہیں۔ بعد ازاں ،رات دس بجے انہیں تھانے سے کال آئی کہ آپ کی بیٹی نور مقدم کا قتل ہو گیا ہے آپ تھانہ کوہسار آ جائیں۔ پولیس انہیں جس گھر میں لے کر گئی وہ ان کے بقول ذاکر جعفر کا گھر تھا۔

دریں اثنا، نور مقدم قتل کیس پر وزیر اعظم عمران خان نے انسپکٹر جنرل پولیس اسلام آباد قاضی جمیل الرحمن سے کہا ہے کہ وہ کسی بھی طرح کی رعایت نہ کریں۔ نور کے قتل نے پاکستانیوں کو ہلا کر رکھ دیا ہے یہی وجہ ہے کہ سوشل میڈیا صارفین بھی سماجی رابطے کی ویب سائٹ ٹوئٹر پر جسٹس فار نور کے ہیش ٹیگ کے ساتھ سخت ردعمل کا اظہار کررہے ہیں۔ عام صارفین کے علاوہ نامور شخصیات بھی نور مقدم کو انصاف کی فراہمی اور مجرم کو سخت سزا دلوانے کے لئے ہم آواز ہوگئے ہیں۔

اس سے قبل ایک اور واقعے میں ، حیدر آباد میں چار بچوں کی والدہ ،قرۃالعین بلوچ کو مبینہ طور پر اس کے شوہر عمر خالد میمن نے بے دردی سے تشدد کرنے کے بعد قتل کردیا تھا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format