ٹک ٹاکر جنت مرزا نے وقار ذکاء کو منافق قرار دے دیا

پاکستان کی مشہور و معروف اور سب سے زیادہ ٹک ٹاک فالورز رکھنے والی جنت مرزا سے شاہد ہی کوئی انٹرنیٹ صارفین ہو جو ان سے واقف نہ ہو، انہوں نے نہایت ہی کم وقت کے عرصے میں ناصرف ویڈیو شیئرنگ ایپلیکیشن سے اپنی ایک الگ اور منفرد پہچان بنائی ہے بلکہ اپنے اندر کے ٹیلنٹ سے کا بھی خوب لوہا منوایا ہے۔ یہی وجہ ہے کہ آج جنت مرزا اداکاری اور موڈلنگ کی کافی آفرز ہیں۔

اگرچہ جنت مرزا کے ٹک ٹاک مواد کے حوالے سے بات کی جائے تو ان کا بیشتر مواد مزاحیہ ویڈیوز، سلو موشن ٹرانسفار میشنز، بولی ووڈ فلمی ڈائلاگز وغیرہ شامل ہیں، جسے عوام کی جانب بےانتہا پسند کیا گیا اور کم وقت کے عرصے میں جنت مرزا نے کامیابیوں کی بلندیوں کو چھوا۔

تاہم ان دنوں پاکستان میں پاکستان ٹیلی کمیونیکیشن اتھارٹی ( پی ٹی اے) کی جانب سے ویڈیو شیئرنگ ایپلیکیشن ٹک ٹاک پر پابندی عائد ہے، جبکہ ٹک ٹاک پر پابندی کی وجہ مناسب اور غیراخلاقی مواد بتایا گیا ہے، ایک جانب ٹک ٹاک کمیونٹی ہے، جسے ناصرف پابندی پر شدید تحفظات بلکہ ان کا مطالبہ ہے کہ جلد از جلد اس ایپلیکیشن کو بحال کیا جائے۔

دوسری جانب ایک وہ طبقہ ہے جس نے اس فیصلے کی حمایت کی ہے، ان کا خیال ہے کہ ٹک ٹاک معاشرے میں کئی برائیوں کی وجہ بن کر سامنے آرہا ہے، انہی تنقید کرنے والوں میں ایک نام معروف ٹی وی میزبان وقار ذکاء کا ہے، جن کی جانب سے ان دنوں سوشل میڈیا پر ٹک ٹاک ویڈیوز کے مواد اور ان کے بنانے والوں پر شدید تنقید اور سخت لفظوں کا استعمال کیا جارہا ہے۔ وقار ذکاء کے مطابق ٹک ٹاکرز عوام کے ذہنوں میں گندگی بھر رہے ہیں۔ اس دوران ان کی جانب سے معروف ٹک ٹاک اسٹار جنت مرزا اور ان کے ویڈیو مواد کو بھی تنقید کا نشانہ بنایا ہے۔

اس تنقید پر ٹک ٹاک اسٹار جنت مرزا کی جانب سے بھی ردعمل سامنے آگیا ہے، سماجی رابطے کی ویب سائٹ انسٹاگرام پر جاری کردہ بیان میں ٹک ٹاک اسٹار جنت مرزا نے وقار ذکاء کو “انکل جی” کہہ کر مخاطب کیا اور اپنے خلاف کی جانے والی تنقید کا جواب دیتے ہوئے انہیں جہاں ہیپوکریٹ (منافق) کہا وہیں جنت مرزا نے وقار ذکاء کے مواد کو تنقید کا نشانہ بنایا اور کہا آپ نے ویوز اور ریٹنگ کے لئے کیا کچھ نہیں کیا، سب کو آج وقار ذکاء اور ان کے مواد کے متعلق علم ہے کہ وہ فحاشی اور ناشائستگی پر مبنی ہوتا ہے۔

یہی نہیں جنت مرزا نے وقار ذکاء کے لائیو سیشن کے مواد کو بھی تنقید کا نشانہ بنایا کہ اس میں کس طرح کے الفاظ اور جملے استعمال کئے جاتے جبکہ ان کی اسناپ چیٹ ویڈیوز اور ان کے دیئے جانے والے ڈئیرز پر بھی تنقید کی اور بتایا کہ سب واقف ہیں۔ جبکہ اس دوران ٹک ٹاک اسٹار جنت مرزا نے وقار ذکاء سے درخواست کرتے ہوئے کہا کہ ” انکل پہلے اپنے یوٹیوب چینل سے تمام ویلگر ( بے ڈھنگی) ویڈیوز تع ہٹائیں اور پھر کسی دوسرے پر تنقید کریں”.

اگرچہ اگر دنوں اسٹار کی باتوں کو موازنہ کیا جائے تو حقیقتاً اس میں کوئی شک نہیں ماضی میں یہی سب کچھ وقار ذکاء کرچکے ہیں جو آج ٹک ٹاک اسٹارز اپنی ویڈیوز پر ویوز لانے کے لئے کرتے ہیں۔ البتہ پہلو یہ بھی ہے کہ اگر ماضی میں کسی نے غلط کیا تو آج کرنے والوں کا کام بھی غلط ہی تصور کیا جائے گا۔ لہٰذا سہی اور غلط کا فیصلہ کرنے بجائے دونوں فنکاروں کو عوام کی اچھی تفریح فراہم کرنے کے لئے کچھ موثر کام کرنا چاہئے کیونکہ پاکستان میں ٹیلنٹ بہت زیادہ مسئلہ صرف درست سمت کا ہے۔