بالی ووڈ فلم نگری جہاں دنیا میں اپنے گلیمر کی بدولت اپنی ایک منفرد اور الگ پہچان رکھتی ہے وہیں پچھلے کچھ عرصے سے کافی منفی خبروں کی بھی زد میں ہے، جن میں کئی نامور فنکاروں کے پاس سے منشیات کا برآمد ہونا یا اس بات کا اعتراف کرنا کہ وہ منشیات کا استعمال کرتے ہیں۔
اس ہی سلسلے میں بھارت میں ایک اور واقعہ سامنے آیا ہے جہاں مشہور و معروف انڈین کامیڈین بھارتی سنگھ اور ان کے شوہر ہرش لمباچیا کو بھارت کے نارکوٹکس کنٹرول بیورو (این سی بی) نے ایک کاروائی کے دوران گرفتار کرلیا ہے۔ جبکہ دوران کاروائی گھر سے ملنے والی منشیات کو بھی اپنی تحویل میں لے لیا گیا ہے۔
بھارتی پولیس کے مطابق کامیڈین بھارتی سنگھ کو ہفتے کی رات گرفتار کیا گیا جبکہ ان کے شوہر ہرش لمباچیا کو اتوار کے روز گرفتار کیا گیا۔ جس کے بعد ممبئی کی مقامی عدالت نے دونوں میاں بیوی کو جوڈیشل ریمانڈ پر 4 دسمبر تک جیل بھیج دیا ہے۔
بھارتی میڈیا کو دیئے گئے انٹرویو میں نارکوٹکس کنٹرول بیورو (این سی بی) زونل ڈائریکٹر سمیر واکھنڈے کا کہنا تھا کہ ہم نے مشہور کامیڈین بھارتی سنگھ کے پاس سے 86 گرام سے زائد چرس برآمد ہوئی ہے، جس پر انہیں گرفتار کرلیا گیا ہے۔ جبکہ اس پورے معاملے میں ان کے ہرش لمباچیا سے بھی نارکوٹکس کنٹرول بیورو (این سی بی) کی تحقیقات جاری ہے۔ جوں ہی کوئی مزید پیش رفت ہوگی، اس سے سب کو آگاہ کردیا جائے گا۔
اس کیس کے حوالے سے بھارتی میڈیا کا مزید کہنا تھا کہ نارکوٹکس کنٹرول بیورو (این سی بی) نے عدالت کو بتایا ہے کہ متعلقہ جوڑے نے دوران تحقیقات منشیات استعمال کرنے کا اعتراف کیا ہے۔ ساتھ ہی (این سی بی) نے کاروائی کی تفصیلات کے بارے میں عدالت کو بتایا کہ جب بھارتی سنگھ اور ہرش لمباچیا کے گھر اور آفس میں چھپا مارا گیا تو ان کے پاس سے تقریباً 86.50 گرام منشیات برآمد ہوئی۔
ایک جانب دوران تحقیقات معروف کامیڈین بھارتی سنگھ نے بتایا کہ وہ، اس ہی منشیات (چرس) کا استعمال کرتی ہیں جو ان کے شوہر انہیں لاکر دیتے ہیں۔ تو دوسری جانب دوران تفتیش ہرش لماچیا نے انکشاف کرتے ہوئے بتایا کہ وہ میشیات ایک پھیری والے سے خریدا کرتے ہیں۔ جس کے بعد وہ ایک پیکٹ گھر میں اور ایک پیکٹ آفس میں رکھا کرتے تھے۔
مشہور و معروف کامیڈین بھارتی سنگھ اور ان کے شوہر ہرش لمباچیا کی گرفتاری نے اس بات کو واضح کردیا ہے کہ بولی ووڈ میں منشیات کا استعمال کس قدر عام ہے۔ کیونکہ حال ہی میں شوشانت سنگھ راجپوت کی خودکشی میں بھی منشیات کے طعنے بانے سامنے آئے، دیگر پھر دپیکا پڈوکون کا معاملا بھی کافی عرصہ سوشل میڈیا پر وائرل رہا۔
0 Comments