بھارت: محبت میں ناکامی کے غصے نے نوجوان کو 7 لوگوں کی موت کا ذمہ دار بنادیا

کہتے ہیں محبت اور جنگ میں سب کچھ جائز ہیں، لیکن کیا جس سے محبت ہو، کیا اس سے جنگ جائز ہے؟ اس سوال کا جواب شاید ہی کوئی ہاں میں دے، کیونکہ محبت کا حسن اور اصول ہی یہی یے کہ جس سے محبت ہو، اس سے جنگ ممکن ہی نہیں، لیکن افسوس بھارت میں اس کے برعکس افسوسناک واقعہ پیش آیا، جہاں نوجوان کی سابقہ محبوبہ کو سبق سکھانے کی کوشش، بڑے حادثے کی وجہ بن گئی۔

تفصیلات کے مطابق بھارتی ریاست اترپردیش کے شہر اندور کے علاقے بریلی میں ہولناک پیش آیا، جس میں نوجوان نے سابقہ محبوبہ کو سبق سکھانے کیلئے رہائشی عمارت کو نذر آتش کر دیا، آتشزدگی کے باعث 7 افراد لقمہ بن گئے، بعدازاں پولیس نے کاروائی کرتے ہوئے ملزم کو گرفتار کرکے انڈین پینل کورٹ کی دفعہ 302، 307 اور 436 کے تحت قتل، اقدام قتل اور گھروں کو نذر آتش کرنے کا مقدمہ درج کرلیا۔ ملزم کی شناخت شبھم کے نام سے ہوئی ہے، جو نے دوران تفتیش مبینہ طور پر جرم کا اعتراف کرلیا ہے۔

اس موقع پر پولیس نے بتایا کہ ملزم شبھم ریاست اترپردیش، جھانسی کا رہائشی ہے جو بھوپال کے انجینئرنگ کالج میں آخری سال کا طالب علم ہے اور وہ ایک لڑکی سے محبت کرتا تھا لیکن لڑکی کی شادی کہیں اور طے ہوچکی تھی، جس پر وہ شدید غصے میں تھا۔

پولیس نے مزید بتایا کہ ملزم شبھم حادثے کے روز لڑکی کو مسلسل فون کالز کر رہا تھا، اسے ہراساں کررہا تھا، جس سے تنگ آکر لڑکی نے شبھم کو بلاک کردیا۔ موبائل فون پر لڑکی کی جانب سے بلاک کیے جانے پر ملزم مزید طیش میں آگیا، چنانچہ شبھم نے لڑکی کو سبق سکھانے کے لیے انتہائی قدم اٹھالیا اور رہائشی عمارت کی پارکنگ میں کھڑی لڑکی کی اسکوٹی کو آگ لگانے کی کوشش کی، لیکن شبھم کی یہ احمقانہ حرکت ایک بڑے حادثے میں تبدیل ہوگئی اور دیکھتے دیکھتے آگ نے پوری عمارت کو لپیٹ میں لے لیا، جس نے 9 بےگناہ افراد کی جان لے لی اور کئی کو بری طرح زخمی کر دیا۔

اس حوالے سے بھارتی پولیس نے مزید دعوی کیا کہ پولیس ابتداء میں آتشزدگی کو شارٹ سرکٹ کا نتیجہ سمجھ رہی تھی، مگر دوران تفتیش ایک حیران کن سی سی ٹی وی فوٹیج سامنے آئی، جس میں گرفتار ملزم شبھم کو لڑکی کی اسکوٹی سے پیٹرول نکال کر آگ لگاتے دیکھا گیا تھا۔

واضح رہے اس سے قبل بھارتی ریاست جھارکھنڈ کے ضلع میرپور میں بھی قتل کا ایک اندوہناک واقعہ پیش آیا تھا، جس میں محبوبہ کی شادی کسی اور طے ہوجانے پر لڑکے نے بطور تحفہ دیئے جانے والا اسمارٹ فون واپس طلب کیا تو لڑکی نے دینے سے انکار کر دیا، جس پر لڑکا طیش میں آیا اور لڑکی کو فٹبال میچ دیکھنے کے بہانے اسٹیڈیم لے گیا اور صرف ایک موبائل فون کے لئے ملزم نے تیز دھار آلے سے وار کرکے لڑکی کی گردن کاٹ دی۔

خیال رہے یہ کوئی پہلا واقعہ نہیں پڑوسی ملک بھارت میں اپنی نوعیت کے مختلف واقعات سامنے آتے رہے ہیں، کچھ عرصہ قبل بھارتی ریاست تامل ناڈو میں ایک دولہا نے شادی سے ایک روز قبل کزن کے ساتھ ڈانس کرنے پر طیش میں آکر اپنی ہونے والی دلہن کو تھپڑ جڑ دیئے تو دلہن نے بھی عین شادی کے دن دولہا کو چھوڑ کر اسی کزن سے بیاہ رچالیا۔ ایسے میں دولہا بھی کہاں سکون سے بیٹھنے والا تھا اس نے شادی منسوخ کرنے پر دلہن والوں سے شادی پر خرچ کیے جانے والے اپنے لاکھوں روپے کی واپسی کا مطالبہ کردیا تھا۔