جی الیون حادثے میں زخمی نوجوان کی وزیراعظم سے انصاف کی اپیل


0

چند روز قبل اسلام آباد کے علاقے جی الیون سری نگر ہائی وے پر وفاقی محتسب برائے انسداد جنسی ہراسانی کشمالہ طارق کے پروٹوکول میں شامل 5 تیز رفتار گاڑیاں سگنل توڑتے ہوئے کار اور موٹر سائیکل سے جا ٹکرائیں، اس خوفناک حادثے کے نتیجے میں 4 شہری جاں بحق ہوگئے تھے۔ جس پر وفاقی محتسب کشمالہ طارق نے دعویٰ کیا تھا کہ جس گاڑی سے حادثہ ہوا، وہ ان کا بیٹا نہیں بلکہ ڈرائیور چلا رہا تھا ان کا بیٹا بلکل بےقصور ہے۔ تاہم حادثے میں بچ جانے والے زخمی نوجوان نے کشمالہ طارق کے بیان کو رد کرتے ہوئے انکشاف کیا کہ گاڑی ان کا بیٹا ہی چلا رہا تھا۔

تفصیلات کے مطابق پیر کے روز ہونے والے اس ہولناک واقعے میں پانچ گاڑیوں کے وی آئی پی پروٹوکول میں ایک گاڑی پر سرکاری نمبر پلیٹ لگی تھی۔ جس پر اسلام آباد پولیس نے اس بات کی تصدیق کی کہ سابق ایم این اے کشمالہ طارق کی گاڑیوں بے جی-11 پر ٹریفک سنگل کو توڑا اور ایک گاڑی اور ایک موٹر سائیکل سے جا ٹکرائی۔ تاہم سی سی ٹی وی کی فوٹیج میں یہ منظر واضح نہیں ہے کہ آیا گاڑی نے سگنل توڑا ہے یا نہیں۔

Image Source: Twitter

اطلاعات کا اس حوالے سے کہنا ہے کہ حادثے کے وقت وفاقی محتسب کشمالہ طارق کے شوہر وقاص خان اور ان کے بیٹے اذلان خان ایک گاڑی میں موجود تھے۔ تاہم وقاص خان اس وقت پولیس کی حراست میں ہیں جبکہ کشمالہ طارق کے بیٹے اذلان خان اور دیگر افراد واقعے کے بعد فوری طور پر جائے وقوعہ سے فرار ہوگئے ۔

اس ہی سلسلے میں اسلام آباد پولیس نے کاروائی کرتے ہوئے مذکورہ گاڑی کو اپنی تحویل میں لیتے ہوئے ڈرائیور کو حراست میں لینے کی تصدیق کردی گئی ہے، اس موقع پر جاری بیان میں مزید بتایا گیا ہے، کہ ملزمان کے خلاف کاروائی قانون کے مطابق کی جائے گی۔ جبکہ وفاقی دارالحکومت اسلام آباد کے ماڈل پولیس اسٹیشن رمنا میں واقعے میں زخمی ہونے والے شہری کی مدعیت میں حادثے کا مقدمہ درج کرلیا گیا ہے۔

جی الیون سری نگر ہائی وے پر پیش آنے والے خوفناک حادثے میں معجزاتی طور پر زندہ بچ جانے والے نوجوان مجیب الرحمن نے وفاقی محتسب کشمالہ طارق کے تمام دعوؤں کو رد کرتے ہوئے کہنا تھا کہ کشمالہ طارق جھوٹ بول رہیں ہیں، میں نے اپنی آنکھوں سے دیکھا گاڑی تھا کہ گاڑی اذلان خان ہی چلا رہا تھا۔

اس موقع پر جاری ویڈیو بیان میں مجیب الرحمن کا کہنا تھا کہ ہم پانچوں دوست مانسہرہ سے اسلام آباد اینٹی نارکوٹکس فورس (اے این ایف) کا ٹیسٹ دینے آرہے تھے کہ سری نگر ہائی وے پر سگنل بند تھا، ایک پراڈو گاڑی نے ہماری گاڑی کو ٹکر ماری، اور پھر میں گاڑی سے نیچے گرگیا دیکھا تو گاڑی کشمالہ طارق کا بیٹا اذلان چلارہا تھا۔

زخمی شہری مجیب الرحمن کا مزید کہنا تھا کہ کشمالہ طارق کی طرف سے جو باتیں کی جارہی ہیں ، وہ سب جھوٹی ہیں، گاڑی اذلان ہی چلا رہا تھا، میں نے اپنی آنکھوں سے دیکھا ہے، میرے ساتھ موجود میرے 4 دوست جاں بحق ہوگئے ہیں، ہمیں انصاف ملنا چاہئے۔ زخمی نوجوان مجیب الرحمن نے وزیراعظم عمران خان سے درخواست کی کہ انہیں اور ان کے دوستوں کو انصاف دلوایا جائے۔

جبکہ دوسری جانب وفاقی محتسب کشمالہ طارق کے بیٹے اذلان خان نے گرفتاری سے قبل ضمانت حاصل کرلی ہے، اس حوالے سے وہ ایڈیشنل سیشن جج محمد سہیل کی عدالت میں پیش ہوئے، جہاں انہیں 50 ہزار روپے کے ضمانتی مچلکے کے عوض 16 فروری تک گرفتاری سے قبل ضمانت دے دی گئی ہے۔

Image Source: Twitter

اس موقع پر میڈیا سے گفتگو کرتے ہوئے وفاقی محتسب برائے انسداد جنسی ہراسانی کشمالہ طارق کا اپنے خاندان کے خلاف ہونے والے میڈیا ٹرائل کے حوالے سے کہنا تھا کہ جس گاڑی سے حادثہ ہوا، وہ گاڑی ان کا بیٹا نہیں چلا رہا تھا، لیکن میڈیا اسے غلط بتا رہا ہے۔ کشمالہ طارق کے مطابق وہ اور ان کے شوہر جس گاڑی میں سوار تھے، وہ ڈرائیور چلا رہا تھا، اور اس ہی گاڑی کا مہران گاڑی سے ایکسیڈنٹ ہوا تھا۔

کشمالہ طارق کے مطابق ان کا بیٹا دوسری گاڑی میں سوار تھا، البتہ وہ بھی گاڑی ڈرائیور ہی چلا رہا تھا۔ لہذا انہوں نے انتظامیہ سے درخواست کی کہ سیف سٹی پروجیکٹ کے تحت لگائے جانے والے کیمروں کی فوٹیج جاری کی جائے تاکہ ان کے بیٹے کی بے گناہی ثابت ہوسکے۔ کشمالہ طارق کا مزید کہنا تھا کہ حادثے کے نتیجے میں وہ اور ان کے شوہر بھی زخمی ہوئے تھے بعدازاں انہیں اسپتال منتقل کیا گیا تھا۔

وفاقی محتسب کشمالہ طارق نے موقف اپناتے ہوئے کہا کہ یہ حادثہ دونوں ڈرائیوروں کی غلطی کے باعث پیش آیا تاہم میڈیا نے ان کی فیملی کا ٹرائل شروع کردیا۔

یاد رہے سابق رکن قومی اسمبلی اور موجودہ وفاقی محتسب برائے انسداد جنسی ہراسانی کشمالہ طارق گزشتہ برس مشہور کاروباری شخصیت وقاص خان کے ساتھ رشتہ ازدواج میں منسلک ہوئیں ہیں، ان کے شوہر ایک بین الاقوامی طرز کے ہوٹل کے مالک ہیں۔


Like it? Share with your friends!

0

What's Your Reaction?

hate hate
1
hate
confused confused
1
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format