الیکشن کمیشن 1500 بیلٹ پیپرز پر بار کوڈنگ نہیں کرسکتا تھا؟ وزیراعظم


0

سینیٹ الیکشن میں اسلام آباد کی نشست سے ناکامی کے بعد وزیراعظم پاکستان عمران خان کا بڑا اعلان، ہفتے کو ایوان سے اعتماد کا ووٹ لینے کا فیصلہ، کہہ دیا کہ سب کے سامنے پوچھوں گا کہ آپ کو مجھ پر اعتماد ہے یا نہیں، اگر ایوان مجھ پر اعتماد ظاہر نہیں کرتا ،تو میں اپوزیشن میں چلا جاؤں گا۔ اعتماد کی رائے شماری اوپن بیلٹ سے ہوگی، اگر آپ کو مجھ پر اعتماد نہیں تو کھلم کھلا اعلان کریں، مجھے خوشی بھی ہوگی اور میں آپ کی عزت بھی کروں گا۔

اپنے حالیہ خطاب میں وزیراعظم پاکستان عمران خان کا کہنا تھا کہ قوم سینیٹ الیکشن سمجھ جائے، تو اسے ملک کے سارے مسائل سمجھ آجائیں۔ سینیٹ انتخابات اگر اوپن بیلٹ پر ہوتا تو پاکستان تحریک انصاف کو اتنی ہی نشستیں ملتی، جتنی اس کی بنتی تھیں، اپوزیشن نے اسلام آباد کی نشست جتنے کے لئے پیسے کا استعمال کیا۔ میرا اپوزیشن کو پیغام ہے کہ اگر اقتدار چلا جاتا ہے تو میرا کوئی نقصان نہیں ہے، اپنے گھر میں رہتا ہوں اخراجات خود برداشت کرتا ہوں لہذا مجھے نہ سرمایہ جمع کرنا ہے اور نہ جائیداد بنانی ہیں، مجھ پر حکومت کا کوئی پیسہ نہیں لگ رہا ہے، لیکن آپ کو یہ بات پھر سے باور کروانا چاہتا ہوں، کہ اقتدر میں رہوں یا نہ رہوں اگر آپ ملک کا لوٹا ہوا خزانہ واپس نہیں کرتے تو میں آپ کو بھر نہیں چھوڑوں گا۔ آپ کو کسی بھی قسم کا کوئی این آر او نہیں ملے گا۔

Image Source: gulfnews.com

قوم سے خطاب کے دوران وزیراعظم پاکستان نے الیکشن کمیشن آف پاکستان کو بھی خوب آڑے ہاتھوں لیا کہا کہ صاف اور شفاف انتخابات الیکشن کمیشن کی ذمہ داری ہے، سپریم کورٹ نے اپنی رائے کے ذریعے الیکشن کمیشن کو موقع دیا کہ سیکرٹ بیلٹ کرالیں لیکن ووٹ کو قابل شناخت رکھیں، اس موقع پر وزیراعظم نے سوال کیا کہ کیا الیکشن کمیشن 1500 بیلٹ پیپرز پر بار کوڈنگ نہیں کرسکتا تھا؟ الیکشن کمیشن نے تو سینیٹ الیکشن میں ہارس ٹریڈنگ کا موقع دیا، سپریم کورٹ میں الیکشن کمیشن میں اوپن بیلٹ کی مخالفت کی۔

وزیراعظم عمران خان کے مطابق الیکشن کمیشن کی وجہ سے آج ملک کی جمہوریت کا وقار بری طرح متاثر ہوا ہے اور اسے نقصان پہنچا ہے۔ اگر آج قابل شناخت بیلٹ پیپرز ہوتے تو ہم اپنے 15،16 بکنے والے اراکین کا پتہ لگا لیتے ، لیکن خفیہ بیلٹ سے وہ اراکین بچ گئے، اس سے ہماری جمہوریت اوپر گئی یا نیچے گئی۔

قوم سے خطاب میں وزیراعظم عمران خان الیکشن کمیشن ایک اور سوال کرتے ہوئے پوچھا کہ کیا آپ کو اندازہ نہیں کہ اس الیکشن میں کتنا پیسا چلا ہے، میں نے الیکشن سے پہلے کہا تھا کہ ریٹ لگ گئے ہیں، کیا آپ کو نہیں پتہ یہ تحقیقات کرنے کی ذمہ داری آپ کی تھی، جو کروڑوں روپے خرچ کر کے سینیٹر بنے گا وہ ریکور کیسے کرے گا، جو کروڑوں روپے خرچ کر کے سینیٹر بنے گا وہ کیا حاتم طائی ہے۔

وزیراعظم عمران خان کا کہنا تھا کہ جب گزشتہ سینیٹ الیکشن میں 20 اراکین نے اپنے ووٹ بیچے تو انہوں نے انہیں فوری طور پر پارٹی سے نکال دیا، جبکہ پاکستان پیپلز پارٹی اور پاکستان مسلم لیگ (ن) نے بھی میثاق جمہوریت میں خفیہ رائے شماری کی تائید کی تھی البتہ جب انہوں نے اس کی مخالفت کی تو ہم نے سپریم کورٹ گئے، جس پر معزز ججز نے سینیٹ الیکشن میں پیسہ چلنے کی بات کی۔ جس سپریم کورٹ آف پاکستان نے الیکشن کمیشن کو صاف اور شفاف الیکشن کرانے کی تائید کی۔

خطاب کے دوران وزیراعظم نے موقف اپنایا کہ جب سے ہماری حکومت آئی ہے، پرانی پارٹیوں میں موجود کرپٹ لوگوں میں خوف آگیا ہے، چنانچہ ان سب کی کوشش ہے کہ مجھ پر ڈباؤ ڈالا جائے تاکہ میں مشرف کی طرح ہاتھ آٹھا دوں اور انہیں این آر او دے دوں اور پھر جب میں نے انہیں نہ کیا تو یہ سب ایک ہوگئے اور مجھے بلیک میل کرنے کی کوششیں شروع کردیں۔

وزیراعظم عمران خان نے اپوزیشن پر الزام عائد کیا کہ فنانشل ایکشن ٹاسک فورس (فیٹف) کا بل کیا تھا، ان کے دور میں ہمیں گرے لسٹ میں ڈال دیا گیا، لہذا جب ہم نے گرے لسٹ سے نکلنے کے لیے قانون سازی کی کوشش کی تو انہوں نے این آر او مانگتے ہوئے اپنے نکات پیش کر دیے اور بلیک میل کرنے کی کوشش کی۔ کہا کہ پہلے نیب کو بند کریں۔

واضح رہے 3 مارچ کو پاکستان میں سینیٹ کی 37 سیٹوں پر الیکشن کا انعقاد ہوا، اس پورے الیکشن میں اسلام آباد کی ایک جنرل نشست سب کی توجہ کی مرکز تھی، جس حکومت اور اتحادیوں کی جانب عبدالحفیظ شیخ مشترکہ امیدوار تھے جبکہ اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) کی جانب سے یوسف رضا گیلانی کو مشترکہ امیدوار تھے۔ حیرت انگیز کے طور پر اپوزیشن جماعت کے امیدوار یوسف رضا گیلانی نے 169 ووٹوں سے یہ مقابلہ جیت کر سیاست ہل چل پیدا کردی۔ جس کے بعد وزیراعظم پاکستان عمران خان کی جانب سے ہفتے کے روز اعتماد کا ووٹ لینے کا فیصلہ کیا گیا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format