ڈپٹی اسپیکر قومی اسمبلی نے تحریک عدم اعتماد کی قرارداد مسترد کردی


0

ڈپٹی اسپیکر قومی اسمبلی قاسم سوری نے اتوار (آج) کو وزیر اعظم کو ہٹانے کے لیے مشترکہ اپوزیشن کی طرف سے جمع کرائی گئی تحریک عدم اعتماد کو آرٹیکل 5 کے تحت “غیر آئینی” قرار دیتے ہوئے مسترد کر دیا۔

تفصیلات کے مطابق قاسم سوری کے پڑھے گئے فیصلے پر اپوزیشن بنچوں کی جانب سے شدید احتجاج کیا گیا، اپنا احتجاج ریکارڈ کرانے کے لیے اسپیکر کی میز کا گھیراؤ بھی کیا گیا۔

Image source: File

اس موقع پر ڈپٹی اسپیکر قاسم سوری نے کہا کہ قرارداد پر ووٹنگ نہیں ہو سکتی کیونکہ اسے مبینہ طور پر غیر ملکی طاقتوں کی حمایت حاصل ہے،جوکہ آئین کے آرٹیکل 5 کی خلاف ورزی ہے۔

Image Source: na.gov.pk

آرٹیکل 5 کیا کہتا ہے؟
ریاست سے وفاداری ہر شہری کا بنیادی فرض ہے۔
دستور اور قانون کی اطاعت پر شہری خواہ وہ کہیں بھی ہو اور اس شخص کہ جو فی الوقت پاکستان میں ہو، واجب التعمیل ذمہ داری ہے۔

اجلاس شروع ہوتے ہی وزیر اطلاعات فواد چوہدری نے اسمبلی سے خطاب کرتے ہوئے تحریک عدم اعتماد کو پاکستان میں حکومت کی تبدیلی کی ’’غیر ملکی سازش‘‘ قرار دیا۔

فواد چوہدری نے کہا کہ آرٹیکل 95 کے تحت پیش کی گئی تحریک عدم اعتماد عام حالات میں ایک “جمہوری حق” ہے۔ البتہ آرٹیکل 5 کا حوالہ دیتے ہوئے وفاقی وزیر نے کہا کہ ریاست سے وفاداری ہر شہری کا فرض ہے۔

Image Source: File

فواد چوہدری نے مزید کہا کہ 7 مارچ کو بیرون ملک میں تعینات پاکستانی سفیر نے ایک سرکاری میٹنگ میں شرکت کی جس میں کہا گیا کہ عمران خان کے خلاف تحریک عدم اعتماد دائر کی جائے گی۔ انہوں نے دعویٰ کیا، ’’ہمیں بتایا گیا کہ پاکستان کے ساتھ [غیر ملکی طاقت کے] تعلقات کا انحصار تحریک عدم اعتماد کے نتائج پر ہے۔

وفاقی وزیر فواد چودہدی نے مزید بتایا کہ اگر عدم اعتماد کا ووٹ کامیاب ہوا تو سب کچھ معاف ہو جائے گا، تاہم پاکستان کو بتایا گیا ہے کہ تحریک عدم اعتماد ناکام ہوئی تو چیزیں مزید مشکل ہو جائیں گی۔

فواد چوہدری نے مزید دعویٰ کیا کہ بدقسمتی سے بیرونی طاقتوں کے کہنے پر حکومت کو تبدیل کرنے کی کوششیں کی جارہی ہیں۔ وفاقی وزیر کے مطابق یہ تحریک عدم اعتماد کا معاملہ نہیں تھا بلکہ آرٹیکل 5-اے سے متعلق مسئلہ تھا۔ انہوں نے مزید کہا کہ کیا 220 ملین کی ریاست اتنی کمزور ہے کہ یہاں بیرونی طاقتیں بیٹھ کر حکومتیں بدلتی رہیں۔

اس سلسلے میں فواد چوہدری نے اسپیکر کو مخاطب کرکے کہا کہ “کیا حکومت بدلی جا سکتی ہے؟ کیا پاکستانی عوام کٹھ پتلی ہیں، کیا ہماری کوئی حیثیت نہیں؟ کیا ہم غلام ہیں؟‘‘ انہوں نے اسپیکر پر زور دیا کہ وہ آرٹیکل 5-اے پر فیصلہ سنائیں۔

وزیر اطلاعات کے خطاب کے نتیجے میں ڈپٹی اسپیکر قاسم سوری کی طرف رولنگ دیتے ہوئے، وزیر اعظم کے خلاف تحریک کو “غیر آئینی” قرار دیا جس کے نتیجے میں اپوزیشن کی جانب سے شدید ردعمل سامنے آیا۔

اس معاملے پر بات کرتے ہوئے پاکستان پیپلز پارٹی کے چیئرمین بلاول بھٹو زرداری نے موقف اپنایا کہ حکومت نے تحریک عدم اعتماد پر ووٹنگ نہ ہونے دے کر آئین کی خلاف ورزی کی ہے۔

دوسری جانب پاکستان مسلم لیگ (ن) کی نائب صدر مریم نواز نے کہا کہ کسی کو اپنی سیٹ بچانے کی خاطر آئین کو مسخ کرنے کی اجازت نہیں دی جا سکتی۔ ’’اگر اس پاگل جنونی کو اس جرم کی سزا نہ دی گئی تو آج کے بعد ملک میں جنگل کا قانون ہوگا۔‘‘

واضح رہے قومی اسمبلی کے اس اہم اجلاس سے چند گھنٹے قبل وفاقی حکومت نے گورنر پنجاب چوہدری محمد سرور کو ان کے عہدے سے ہٹا کر عمر سرفراز چیمہ کو صوبے کا نیا گورنر تعینات کر دیا گیا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format