بھارتی ریاست اترپردیش میں کورونا ماتا کے نام سے مندر تعمیر


0

اس وقت پوری دنیا عالمی وباء کورونا وائرس کی زد میں ہے، اس وباء نے کے باعث جہاں پوری دنیا کو بڑی تعداد میں جانی نقصان کا سامنا کرنا پڑھا ہے وہیں اسپتال اور طبی سہولیاتی مراکز مریضوں کی تعداد کے سبب بھر چکے ہیں۔ بھارت ان چند ممالک میں شامل ہے، جہاں پر کورونا وائرس کی بدترین لہر دیکھی گئی، ہزاروں کی تعداد میں ناصرف اموات ہوئیں بلکہ کئی مریضوں کو تو اسپتال تک بھی پہنچنا نصیب ہوا اور وہ سڑکوں پر ہی دم توڑ گئے۔

اس صورتحال کے باعث اس وقت پوری دنیا میں ایک پریشانی کی کیفیت دیکھی جا رہی ہے، عوام اور حکومتوں کو طویل لاک ڈاؤن کے باعث بڑی تعداد میں مالی نقصانات دیکھنا پڑھے ہیں۔ ایسے میں بھارت سے ایک حیران کن خبر سامنے آئی ہے کہ کورونا وائرس سے ڈرے بھارتی شہریوں نے کورونا وائرس کو ماتا کا درجے دیتے ہوئے، کورونا ماتا کے نام سے مندر قائم کر دیا ہے۔

Image Source: Reuters

تفصیلات کے مطابق بھارتی ریاست اترپردیش کے ایک گاؤں شکلاپور کے رہائشیوں کی جانب سے کورونا وائرس کو لیکر “کورونا ماتا” نامی مندر بنا لیا ہے اور اس کی باقاعدہ طور پر پوجا پاٹ شروع کردی گئی ہے۔

یہاں سوال آٹھتا ہے کہ آخر یہ سب کیوں اور کس طرح شروع ہوا؟ جس کا جواب یہ ہے کہ گزشتہ برس جب پوری دنیا سمیت بھارت میں کورونا وباء آئی تو بہت سے بھارتی شہریوں نے کورونا وائرس سے ڈر وخوف کے باعث اسے دیوی کا درجہ دے دیا تھا اور “کورونا ماتا” کی پوجا پاٹ شروع کرتے ہوئے، اس سے رحم کی پرتھنائیں کر رہے تھے۔ چنانچہ اب سلسلے کی ایک نئی کڑی سامنے ہے، جس میں اب باقاعدہ طور پر “کورونا دیوی” کا مندر قائم کر دیا گیا ہے۔

بھارتی ریاست اترپردیش کے شُکلاپور گاؤں میں کورونا ماتا کا یہ مندر نیم کے ایک درخت کے نیچے بنایا گیا ہے جہاں نہ صرف مقامی لوگ بلکہ آس پاس کے لوگ بھی آکر کورونا ماتا کی پوجا کرتے ہیں اور نذرانے چڑھا کر ’کورونا دیوی‘ کو خوش کرنے کی کوشش کرتے ہیں تاکہ وہ کورونا وائرس کی وبا سے محفوظ رہیں اور اس وباء کا جلد از جلد خاتمہ بھی ہو جائے۔

Image Source: Facebook

بھارتی میڈیا رپورٹس کے مطابق ایک گاؤں کے رہائشی کا اس حوالے سے بات کرتے ہوئے کہنا تھا کہ اس وباء کے باعث ہزاروں کی تعداد میں لوگوں کو مرتا ہوا دیکھ کر، لوگوں نے طے کیا کہ نیم کے درخت کے نیچے کورونا ویوی کا مندر قائم کیا جائے تاکہ کورونا ویوی کی پوجا کی جاسکے ۔ جس سے وہ خوش ہو اور اس کا زور ٹوٹ جائے اور لوگوں کی زندگی سے اس مشکل کا خاتمہ ہوجائے۔

یہی نہیں لوگوں کی جانب سے مندر میں ایک سفید رنگ کی مورتی بھی رکھی گئی ہے، جسے ماسک بھی پہنایا گیا ہے۔ اب لوگ اس پر نذرانے اور میٹھائیاں چڑھا رہے ہیں اور کورونا ویوی خوش کرنے کی کوششوں میں مصروف ہیں۔

واضح رہے چند روز قبل بھارتی ریاست اتر کھنڈ کے سابق وزیراعلیٰ اور بی جے پی کے اہم رہنما تریوندر سنگھ نے کورونا وائرس کے حوالے سے بیان دیتے ہوئے کہنا تھا کہ کورونا وائرس بھی ایک جیتی جاگتی مخلوق ہے، لہذا اسے بھی جینے کا اتنا ہی حق حاصل ہے، جتنا کسی اور کو ہے۔ انہوں نے مزید کہا تھا کہ فلسفیانہ زاویے سے دیکھا جائے، دنیا کی ہر زندہ مخلوق کو جینے کا حق حاصل ہے، لیکن یہاں ہم انسان اس مخلوق کو مارنے کے لئے نکل پڑے ہیں، لہذا اس ہی وجہ سے وائرس کو اپنی شکل بدلنا پڑھ رہی ہے۔

یاد رہے اس قبل بھارتی ریاست گجرات کے شہر سوئی گام میں نوجوان رویندر شرما نامی شخص نے محض اس بات پر مقامی مندر جاکر اپنی زبان کاٹ لی، کہ اس نے ایک خواب دیکھا تھا، جہاں اس کے بھگوان /دیوی نے خواب میں آکر اس سے کہا کہ اگر وہ چاہتا ہے کہ اس کے گاؤں سے کورونا کا مکمل خاتمہ ہوجائے تو وہ اپنی زبان کاٹ لے، چنانچہ وہ مندر میں جاکر بلیڈ سے اپنی زبان کاٹ لیتا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format