روٹھی بیوی کے نہ ماننے پر شوہر کی خودکشی کی کوشش، ویڈیو وائرل

جمعرات کے روز لاہور کی ضلعی عدالت میں پیش آیا عجیب اور جان لیوا واقعہ، ایک دل شکستہ شخص نے اس وقت عدالت کی پہلی منزل سے چھلانگ لگا کر خودکشی کرنے کی کوشش کی، جب اس کی بیوی نے عدالت میں اس کے بجائے اپنے اہلخانہ کے ساتھ گھر جانے کا فیصلہ کیا۔

تفصیلات کے مطابق عبدالرحمان نامی شخص نے کچھ عرصہ قبل صباء نامی لڑکی سے گھر والوں کی اجازت کے بغیر محبت کی شادی کی تھی۔ بعدازاں لڑکی کے اہلخانہ لڑکی کو اپنے ہمراہ واپسی گھر لے گئے تھے اور عدالت میں شادی کی حیثیت کو چلینج کر دیا تھا۔

چنانچہ اس کے بعد ، عبدالرحمان اور اس کی اہلیہ صبا جوڈیشل مجسٹریٹ کے سامنے پیش ہوئے،جہاں ان کی مرضی کی شادی سے متعلق کیس کی سماعت ہوئی۔ اس دوران خاتون نے عدالت میں اپنے بیان میں کہا کہ وہ اپنے خاندان کے ساتھ جانا چاہتی ہے۔ جس پر شوہر عبدالرحمان جذباتی ہوگیا اور اس نے پہلی منزل پر واقع کمرہ عدالت کی دیوار سے اپنا سر مارنا شروع کر دیا۔

یہی نہیں، اس صورتحال میں وہ عدالت کی بالکونی کی طرف بھاگا اور عمارت سے چھلانگ لگانے کی کوشش کی، جس پر چند لوگوں نے اس کا ہاتھ پکڑا اور اسے واپس کھینچ لیا۔ لوگوں نے اسے نیچے گرنے سے روکا اور اس کی جان بچائی۔

عبدالرحمان کا دعویٰ ہے کہ وہ اپنی بیوی صبا سے بہت محبت کرتا ہے اور اس سے علیحدگی برداشت نہیں کرسکتا ہے۔ خبریں ہیں کہ مذکورہ شخص کو اس واقعے میں کوئی نقصان نہیں پہنچا ہے اور وہ خیریت سے ہے۔

واضح رہے کچھ عرصہ قبل صوبہ سندھ کے شہر کشمور سے بھی ایسا ہی ایک واقعہ سامنے آیا تھا، جہاں ایک خاتون نے اپنے شوہر سے طلاق لینے کی کوشش کی، تو مذکورہ شخص ناراض بیوی کو منانے کے لئے بجلی کے کھمبے پر چڑھ گیا اور بیوی کے نہ ماننے تک اتارنے کا اعلان کیا۔

اس جوڑے کے حوالے سے بتایا گیا تھا، مذکورہ شخص اور اس کی اہلیہ درمیان پچھلے کچھ عرصے سے گھریلوں معاملات کے باعث ناچکی چلی رہی تھی، بیوی نے ناصرف شوہر سے بات چیت بند کردی تھی بلکہ وہ اسے کسی قسم کی کوئی توجہ بھی نہیں دے رہی تھی، چنانچہ شوہر نے بجلی کے کھمبے پر چڑھنے کا فیصلہ کیا، جس کی ویڈیو سوشل میڈیا پر کافی وائرل ہوئی تھی۔

مزید پڑھیں: کراچی میں نوجوان نے لڑکی کو گولیاں مارنے کے بعد خود بھی خودکشی کرلی

خیال رہے بجلی کے پول پر چڑھ کر بیوقوفی پر مبنی احتجاج کا پہلے بھی ایک کراچی کے علاقے شاہ فیصل کالونی میں رپورٹ ہوچکا ہے، جہاں ایک شخص محض اس لئے بجلی کے کھمبے پر چڑھ گیا کہ اس کے والدین اس کی شادی وہاں کرنے کی اجازت نہیں دے رہے، جہاں وہ محبت کرتا ہے۔

میڈیا رپورٹس کے مطابق مذکورہ نوجوان کی بجلی کے کھمبے پر چڑھنے سے قبل فون پر اپنی محبوبہ سے بات چیت بھی پوئی تھی، اس دوران گفتگو بات چیت سے سخت لفظوں پر چلی گئی اور لڑکے کو یہی آخری حل نظر آیا کہ بجلی کے کھمبے پر چڑھ کر احتجاج کرے۔