بھائیوں نے بہن کو سابق شوہر سے حق مانگنے پر زنجیروں میں جکڑ دیا


0

پاکستان میں خواتین کا استحصال کوئی نئی بات نہیں، صنفی امتیاز، گھریلو تشدد، جنسی ہراسانی، عصمت دری اور معاشرے میں قدامت پسند روایات کے باعث عام تاثر یہ پایا جاتا ہے کہ یہ معاشرہ صرف مرد کا ہے اور گھر سے لے کر آفس یا کام کی جگہ تک اور شادی جیسے زندگی کے اہم فیصلے سے لے کر دیگر امور تک ہر جگہ مرد کی مرضی ہی چلے گی۔ لیکن آج کی عورت باشعور ہے اور وہ جانتی ہے کہ اس کے جائز حقوق کون سے ہیں اور وہ ان کے حصول کے لیے آواز اٹھانے کی ہمت بھی رکھتی ہے لیکن اکثر اوقات اس کی آواز کو اس کے خونی رشتے ہی دبا دیتے ہیں۔

صوابی میں بھی ایک ایسا ہی افسوناک واقعہ سامنے آیا ہے جس میں ایک طلاق یافتہ بہن کو سابق شوہر سے حق مانگنے پر بھائیوں نے زنجیروں میں جکڑ دیا۔ تاہم ، پولیس نے کارروائی کرتے ہوئے بھائیوں کو گرفتار کرکے خاتون کو بازیاب کرالیا۔

Image Source: Screengrab

ایکسپریس نیوز کے مطابق صوابی کے ایک گاؤں درہ میں یہ واقعہ پیش آیا جہاں بھائیوں نے اپنی طلاق یافتہ بہن کو نوکری سے روکنے اور اسے خاوند کے خلاف کیس کرنے پر ایک سال قبل رنجیروں میں جکڑ کر کمرے میں قید کردیا بعدازاں پولیس نے اسے بازیاب کرالیا۔

ڈی پی او صوابی محمد شعیب نے بتایا کہ ایک سال سے کمرے میں بند زنجیروں میں قید خاتون کو پولیس نے بازیاب کروالیا ہے، خاتون کو سگے بھائیوں نے ایک سال سے زنجیروں میں جکڑ کر کمرے میں قید کیا ہوا تھا، بھائیوں نے بہن کو نوکری سے روکنے اور خاوند کے خلاف کیس لڑنے کی وجہ سے قید کیا تھا، خاتون کی طلاق ہوچکی ہے، خاتون نے شوہر سے بچوں کے اخراجات کے سلسلے میں فیملی کورٹ سے رجوع کیا تھا۔

Image Source: Screengrab

ڈی پی او صوابی کے مطابق خاتون کے گلے اور ٹانگ میں زنجیر باندھی گئی تھی اور زنجیر کو روشن دان کے ساتھ باندھا گیا تھا، تین ملزمان گرفتار ہیں جبکہ ایک کو جلد گرفتار کرلیا جائے گا۔

خاتون نے اپنے بیان میں کہا کہ مجھے پانچوں بھائیوں نے زنجیروں سے باندھا اور تقریباً ایک سال ہونے والا ہے، میرے بھائیوں نے مجھے زبردستی باندھ رکھا، بھائیوں کے نام انجم، وحید، ندیم، فہیم اور ساہر ہیں، یہ مجھ پر ظلم کرتے ہیں، میں طلاق یافتہ ہوں اور میرے دو بچے ہیں، میں نے عدالت میں کیس کیا ہے، میرا کیس کمزور ہے اس لیے ان لوگوں نے میرا ساتھ نہیں دیا، میں نے خود نوکری کی اور اپنا کیس لڑا لیکن پھر بھی بھائیوں نے مجھ پر ظلم کیا۔

حال ہی میں سوشل میڈیا پر پشاور کی ایک ویڈیو وائرل ہوئی جس میں دو بھائی اپنی بہن کو بیہمانہ تشدد کا نشانہ بنارہے ہیں۔ ایک بھائی کے ہاتھ میں ہتھوڑا بھی تھا جس سے وہ بہن کو مار رہا تھا۔ وہاں موجود ایک بوڑھی خاتون ،بھائیوں کے تشدد سے بہن کو بچانا چاہ رہی تھی، آگے بڑھی تو ایک بھائی نے اُسے دھکا دے کر گرا دیا۔ یہ ویڈیو جنگل میں آگ کی طرح پھیل گئی، صارفین نے اس عمل کی شدید مذمت کی اور اسے ایک غیر انسانی فعل قرار دیا۔ تاہم پولیس نے ویڈیو وائرل ہونے کے بعد کارروائی کرتے ہوئے ملزمان کو گرفتار کرلیا۔

افسوس کے ساتھ کہنا پڑھتا ہے، ایسا واقعہ ہمارے ملک میں کوئی پہلی بار نہیں ہوا ہے، اس ہی طرز کا ایک۔واقعہ گزشتہ برس بھی دیکھا گیا تھا، جب سوشل میڈیا پر زوبیا میر نامی لڑکی کی جانب سے ایک ویڈیو پوسٹ کی گئی تھی، جس میں انہوں نے دیکھایا تھا کہ کس طرح ان کا بھائی ارسلان میر اپنی والدہ کو تشدد کا نشانہ بنا رہا ہے۔ جبکہ اس دوران ارسلان کی اہلیہ اپنے شوہر کو والدہ پر مزید تشدد پر اکساتی ہے اور بیٹا تشدد کو جاری رکھتا ہے۔ اس ویڈیو نے گویا پوری قوم کو جھنجوڑ کے رکھ دیا تھا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
1
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format