پاکستان شوبز انڈسٹری کی مشہور ومعروف اداکارہ عائشہ عمر نے اپنے والد کی برسی کے موقع پر دل سوز پیغام جاری کیا، جس میں انہوں نے جہاں دل کی گہرائیوں سے والد سے اظہار محبت کیا وہیں اپنی سوتیلی والدہ اور بہن بھائی کے حوالے سے بھی تذکرہ کرتی دیکھائی دیں۔
تفصیلات کے مطابق سماجی رابطے کی ویب سائٹ انسٹاگرام پر والد کی برسی پر اداکارہ عائشہ عمر نے خصوصی پیغام جاری کیا، جس میں انہوں نے والد اور دیگر اہلخانہ کی تصویریں شئیر کی، جس میں ان کے والد کی پہلی بیوی اور بچے بھی شامل تھے۔ جوکہ عائشہ عمر کی سوتیلی اور سوتیلے بہن بھائی ہیں۔
اس موقع اداکارہ عائشہ عمر نے والد کے حوالے سے لکھتی ہیں کہ کئی برس قبل ان کے والد کراچی میں انتقال کرگئے تھے، اس وقت ان کے چار بچے تھے۔ جن میں دو ان کی برطانوی بیوی اور دو ان کی والدہ سے تھے۔
اداکارہ عائشہ عمر نے لکھا، جیسا کہ بیشتر لوگوں کو معلوم ہے کہ والد کے انتقال کے بعد ان کی والدہ نے دوبارہ شادی نہیں کی، بدترین حالات اور مشکل ترین راستوں سے گزرتے ہوئے، انہوں نے میری اور میرے بھائی کی پرورش کی۔ یہ بہت مشکل دور تھا، لیکن اس وقت نے ہمیں وہ بنایا جو آج ہیں ہم، لہذا وہ اپنے پورے اہلخانہ پر فخر محسوس کرتی ہیں۔
انسٹاگرام پر جاری پوسٹ میں اداکارہ مزید کہنا تھا کہ یہ دن میرے لئے ہمیشہ ہی عجیب سا ہوتا ہے، کیونکہ وہ اپنے والد کو جانتی ہی نہیں ہیں، جب وہ محض دو سال کی تھیں، تو ان کے والد انتقال کر گئے تھے۔ اگرچے انہوں نے ان کے بارے میں بہت سی خوبصورت باتیں سن رکھی ہیں۔ وہ نرم خو ، محبت کرنے والے ، شاعرانہ طبیعت اور زندگی سے بھرپور شخصیت کے مالک تھے۔
عائشہ عمر نے لکھا ہے کہ ” وہ کبھی نہیں جانتی تھیں کہ وہ اپنے والد کے بارے میں کیسا محسوس کرتی ہیں، ان کے بارے میں کیا سوچتی ہیں ، لیکن اب بڑے ہونے کے ساتھ ساتھ اپنے جذبات اور احساسات میں ان کی موجودگی کو محسوس کرتی ہوں۔” ان کی موجودگی کا احساس مجھے تسلی دیتا ہے، جب مجھے کسی چیز کا انتخاب کرنا ہوتا ہے یا میں کبھی غم اور تکلیف میں مبتلا ہوتی ہوں۔” وہ ان کی موجودگی کو اپنے پاس پہلے سے زیادہ محسوس کرنے لگی ہیں، انہیں امید ہے کہ ان کی روح ہماری طرف فخر سے دیکھ کر مسکرا رہی ہوگی۔
اس دوران اداکارہ عائشہ. عمر نے اپنے مداحوں سے درخواست کی کہ “براہ کرم آج سب لوگ ان کی روح کے سکون اور ان کے لیے دعا کریں۔ اللہ تعالیٰ ہمیشہ ان کی حفاظت فرمائے اور ان کی مدد کرے۔”
مزید پڑھیں: شیطانی بڈھیاں کہنے والے کو ادکارہ عائشہ عمر کا کرارا جواب
ماڈلنگ سے کیرئیر کی ابتداء کرنے والی اداکارہ عائشہ عمر کو پاکستان شوبز انڈسٹری سے منسلک ہوئے تقریباً 19 سال کا عرصہ گزار چکا ہے، وہ متعدد بار انٹرویوز میں اپنے والد، والدہ اور بھائی کے حوالے سے تذکرہ کر چکی ہیں۔ البتہ یہ پہلا موقع ہے، جب اداکارہ نے سوشل میڈیا کے ذریعے انہوں نے اپنے مداحوں سے اپنی سوتیلی والدہ اور بہن بھائی کا ذکر کیا ہے۔
واضح رہے عائشہ عمر کی جانب سے شئیر کردہ تصویروں میں ان کے والد، والدہ اور سگے بھائی کے ہمراہ بھی ایک تصویر شئیر کی گئی ہے۔ ساتھ ہی ان تصویروں میں اداکارہ کی کچھ تصویر ان کی سوتیلی والدہ اور بھائی، بہن کے ہمراہ بھی موجود ہیں۔
یاد رہے کچھ عرصہ قبل اداکارہ عائشہ عمر سے لائیو سیشن کے دوران ان کی روز مرہ زندگی سے متعلق سوال ہوا تھا، جس میں انہوں نے بتایا تھا کہ وہ دن بھر میں کئی کام کرتی ہیں، البتہ سورہ رحمان کی تلاوت سننا ان کا روز کا معمول ہے، وہ اسے ذہنی سکون کے لئے سنتی ہیں، شاید ہی کوئی ایسا دن ہو، جب وہ سورہ رحمان نہ سنتی ہوں۔
0 Comments