انعم ملک نے ماڈلنگ چھوڑنے کے بعد اہم درخواست کردی

کہتے ہیں خدا کی طرف سے ہدایت بھی خوش نصیب لوگوں کو ملتی ہے، ایسے ہی چند خوش قسمت لوگوں میں ایک نام مشہور و معروف پاکستانی ماڈل انعم ملک کا ہے، جنہوں نے حال ہی میں اپنے عروج پر جاتے ہوئے ماڈلنگ کیرئیر کو خیر آباد کہہ کر بقیہ زندگی دین اسلام کی تعلیمات کے مطابق زندگی گزارنے کا فیصلہ کیا۔

اس سلسلے میں ماڈل انعم ملک کی جانب سے اپنے سماجی رابطے کے انسٹاگرام اکاؤنٹ سے تمام پرانی ماڈلنگ تصویروں کو بھی ڈیلیٹ کردیا گیا تھا۔ جبکہ انسٹاگرام پر ان کی تمام نئی آنے والی تصاویر حجاب میں ہیں۔ ساتھ ہی ساتھ ماڈل انعم ملک نے سماجی رابطے کی ویب سائٹ انسٹاگرام کے اپنے بائیو کو بھی اپ ڈیٹ کردیا ہے، جس میں انہوں نے لکھا ہے کہ اللہ تعالیٰ جسے چاہتا ہے، ہدایت دیتا ہے۔

جہاں سابقہ ماڈل انعم ملک شوبز کی دنیا سے کنارا کشی اختیار کرچکی ہیں وہیں ان کی طرف سے سماجی رابطے کی ویب سائٹ انسٹاگرام کے اکاؤنٹ سے تمام مداحوں، میڈیا بلاگرز اور پیجز سے ایک درخواست کی گئی ہے۔

انعم ملک نے اپنے جاری کردہ پیغام میں ایک سوشل میڈیا پیج کی جانب سے اپلوڈ کی گئی تصویر کا اسکرین شارٹ شئیر کیا گیا تھا، جس ایک جانب معروف گلوکارہ آئمہ بیگ اور انعم ملک نے ایک ہی جیسا گاؤن پہن رکھا تھا۔ جبکہ متعلقہ پیج نے اس تصویر کے زریعے مداحوں سے سوال کیا تھا کہ اس گاؤن کے اندر کون زیادہ اچھا لگ رہا ہے، گلوکارہ آئمہ بیگ یا سابقہ ماڈل انعم ملک؟

جس پر اداکارہ نے اپنے اسٹاگرام سے اس پوسٹ اسکرین شارٹ شئیر کرتے ہوئے لکھا کہ میری تمام پیجز اور سوشل میڈیا بلاگرز سے مودبانہ گزارش ہے کہ میری تمام پیجز اور سوشل میڈیا بلاگرز سے گزارش ہے کہ میری ماڈلنگ کی تصویریں شئیر نہ کیا کرے۔

سابقہ ماڈل انعم ملک کے مطابق وہ الحمدلله اب وہ اس دوڈ سے باہر آچکی ہیں کہ کون اچھا لگ رہا ہے، لہذا میرے لئے اب سیدھے راستے پر چلنے کے سوا کوئی مقابلہ نہیں بچا ہے۔

واضح رہے انعم ملک نے کچھ عرصہ قبل پاکستان شوبز انڈسٹری کو خیرآباد کردیا گیا تھا، ان کی جانب سے جہاں اچانک تمام ماڈلنگ کی تصاویریں ہٹادی گئی تھیں وہیں انہوں نے نئے تصاویر حجاب میں ڈالی، جس پر مداحوں کو تفتیش ہوئی، بعدازاں انعم ملک انسٹاگرام پوسٹ کے ذریعے جواب دیتے ہوئے بتایا تھا کہ انشاءاللہ اس حوالے سے ضرور بات کروں گا اور آپ سب کو اس سفر کے بارے میں ضرور بتاؤں گی، ابھی بےشمار نئی چیزوں کو دریافت کر رہی ہوں، خود کو وہ سب سیکھا رہی ہوں، لہذا ان سب کے لئے انہیں مزید وقت درکار ہیں۔

دریں اثناء انعم ملک کا شمار پاکستان کی معروف ماڈلز میں ہوتا تھا، انہوں نے اپنے ماڈلنگ کے سفر میں انہوں نے مشہور برانڈز اور ڈیزائنرز کے ساتھ کام کیا ہے، جبکہ ان کے شوہر جبران راحیل ہیں، جوکہ پاکستان کے ایک نامور گلوکار ہیں۔

یاد رہے ماڈل انعم ملک سے قبل پاکستانی شوبز انڈسٹری کے کئی بڑے ناموں نے شوبز کی زندگی کو خیر آباد کہا، اور اپنی زندگی کو اسلامی تعلیمات کے مطابق گزارنے کا فیصلہ کیا۔ جن میں مشہور و معروف گلوکار جنید جمشید، اداکارہ سارہ چوہدری، اداکار حمزہ علی عباسی، گلوکارہ رابی پیرزادہ، اداکارہ نور بخاری، اداکار فیروز خان، اداکار علی افضال، اداکارہ عروج ناصر، اداکار عجب گل سمیت دیگر فنکار اس فہرست میں شامل ہیں۔