رہنما پاکستان تحریک انصاف اور معروف ٹی وی میزبان ڈاکٹر عامر لیاقت حسین کی تیسری شادی اور اس سے جڑی خبروں کا سلسلہ ابھی تھما ہی نہیں تھا کہ ان کی ایک مبینہ آڈیو ٹیپ نے سب کو چونکا کہ رکھ دیا ہے کہ کیا موصوف نے چوتھی شادی کی کوششیں شروع کردی ہیں؟
تفصیلات کے مطابق گزشتہ ماہ ڈاکٹر عامر لیاقت حسین کی جانب سے سوشل میڈیا پر اپنی تیسری شادی کی خبر شئیر کی گئی، جس میں انہوں نے رشتہ ازواج میں منسلک ہونے کا اعلان کیا۔ بتایا کہ ان کا نکاح 18 سالہ سیدہ دانیہ شاہ سے ہوا ہے۔ جن کا تعلق لودھراں کے مہذب گھرانے سے ہے، وہ سرائیکی ہیں اور بہت پیاری اور سادہ ہیں۔ یہ خبر سابقہ اہلیہ سیدہ طوبی انور کی طلاق کی تصدیق کے محض چند ہی گھنٹوں بعد سامنے آئی تھی۔
اس ہی سلسلے میں حال ہی میں نوبیاہتا جوڑے نے ایک ٹاک شو میں شرکت کی تھی، جس میں عامر لیاقت نے انکشاف کیا کہ ان کی اہلیہ دانیہ شاہ نے انہیں چوتھی بار شادی کرنے کی اجازت دے رکھی ہے۔ “ان کا ماننا ہے کہ میرے پاس تم ہو، اب مجھے کچھ نہیں چاہیے، اب آپ کسی اور سے شادی بھی کر سکتے ہیں۔”
اس پر دانیہ شاہ کا طنز کرتے ہوئے کہنا تھا کہ ، ”میں نے انہیں یہ بھی کہا ہے کہ اگر وہ کسی اور سے شادی کرنا چاہتے ہیں تو انہیں کرنی چاہیے۔ میں نے انہیں چوتھی بار شادی کرنے کی اجازت دے دی ہے۔‘‘ “یہ میرا حق نہیں ہے کہ میں انہیں دوبارہ شادی کرنے سے روکوں۔ اگر وہ مجھ سے خوش ہے اور میں ان سے بہت پیار کرتی ہوں تو وہ میرے ساتھ رہے گے۔ جہاں میرے شوہر خوش ہوں گے وہاں میں خوش ہوں گی ان کی خوشی میں میری خوشی اور میری خوشی میں ان کی خوشی ہے۔
چنانچہ اب بظاہر ایسا لگتا ہے کہ عامر لیاقت اپنی تیسری بیوی کی رضامندی کے بعد چوتھی شادی پر سنجیدگی سے غور کر رہے ہیں اور اس لیے وہ چوتھی بیوی کی تلاش میں ہیں۔ کم از کم اس کا اندازہ ہم ایک نجی چیٹ سے لگا سکتے ہیں، جس میں مبینہ طور ہر عامر لیاقت کسی لڑکی کے ساتھ بات چیت کر رہے ہیں۔
مبینہ طور پر لیک ہونے والی چیٹ کے مطابق، ٹی وی میزبان نے ایک لڑکی کو جواب دیا اور اسے اپنی تصویر بھیجنے کو کہا کیونکہ وہ اسے پیغامات کے ذریعے نہیں پہچان سکھ رہے ہیں۔ سوشل میڈیا پر وائرل اسکرین ریکارڈنگ میں ان کی وائس نوٹس بھی موجود ہیں۔
جوں ہی عامر لیاقت کو مذکورہ لڑکی کی تصویر ملی تو انہوں نے لڑکی سے ناصرف یہ پوچھا کہ وہ کہاں رہتی ہے بلکہ یہ بھی پوچھا کہ کیا ان کی عمر کیا ہے اور کیا وہ سے ان کے گھر پر مل سکتی ہیں۔
اگرچے ابھی ریکارڈ اسکیرین کی حقیقت اور جھوٹے ہونے کی تصدیق نہیں ہوسکی ہے، البتہ عوام کو اب اس میں کوئی تعجب اور حیرانگی نہیں ہوگی اگر یہ حقیقت ثابت ہوتی ہے، کیونکہ ماضی میں عامر لیاقت سے منسلک کئی متنازعہ باتیں سامنے آچکی ہے۔
خیال رہے عامر لیاقت کی سابقہ اہلیہ سیدہ طوبیٰ نے ان سے رشتہ ختم ہونے کی تصدیق کرتے ہوئے اعتراف کیا تھا کہ انہوں نے خلع لے لی ہے۔ البتہ عامر لیاقت نے حالیہ انٹرویو میں دعویٰ کیا تھا کہ طوبیٰ انور ابھی بھی ان کی بیوی ہیں، انہوں نے اپنے طور پر خلع کا دعویٰ دائر کیا ہوا ہے، وہ تو آج بھی ان کی عزت کرتے ہیں، انہوں نے کبھی بھی طوبیٰ کو برے الفاظوں میں یاد نہیں کیا، ان کے لیے گھر کے دروازے کھلے ہیں وہ جب جی چاہے آجائیں۔
یاد رہے کہ عامر لیاقت حسین نے سیدہ طوبیٰ سے شادی کے بعد اپنی پہلی بیوی بشریٰ اقبال کو طلاق دیدی تھی جبکہ ان کی پہلی بیوی سے دو بچے بیٹا اور بیٹی ہے۔
0 Comments