عامر لیاقت کو عمران خان پر الزامات لگانا مہنگا پڑگیا


0

پاکستان تحریک انصاف کے سابق رکن قومی اسمبلی اور ٹی وی میزبان ڈاکٹر عامر لیاقت حسین نے حال ہی میں اپنے سوشل میڈیا اکاؤنٹ پر پوسٹ کی گئی ویڈیو میں عمران خان کو ’غدار’ قرار دیتے ہوئے کہا ہے کہ ہم غدار نہیں ہیں، میں نے ووٹ نہیں دیا پھر بھی غدار کہا، اب دوں گا پہلے آپ کے ساتھ تھا اب میں ان لوگوں کے ساتھ ہوں جو غدار نہیں ہیں. بہت کچھ جانتا ہوں بتادیا تو قیامت آجائے گی، میں خاموش ہوں مجھے خاموش ہی رہنے دیں اور خود بھی خاموش رہیں۔

ویڈیو پیغام میں عامر لیاقت نے اپنی بات پر زور دیتے ہوئے کہا کہ ’ خان صاحب میں آپ کو یہ بتانا چاہتا ہوں کہ ہم میں سے کوئی بھی غدار نہیں ہے، آپ نے اراکین قومی اسمبلی کو غدار قرار دیا ہے، آپ نے مجھے غدار کہا جب کہ میں تو دل کی تکلیف کے باعث عدم اعتماد کی ووٹنگ والے دن وہاں موجود نہیں تھا کیوں کہ میں اسپتال میں تھا، اور جب میں اسمبلی پہنچا تو وہاں دروازے بند ہوچکے تھے لہٰذا میں نے تو ووٹ دیا ہی نہیں ‘۔

Image Source: File

عامر لیاقت نے اپنے پیغام میں عمران خان کو ’ غدار ‘کہتے ہوئے واضح کیا کہ ’وہ اب عمران خان کے خلاف ووٹ دیں گے، میں اب ان کے ساتھ ہوں جو غدار نہیں ہیں‘۔

مزید پڑھیں: ڈپٹی اسپیکر قومی اسمبلی نے تحریک عدم اعتماد کی قرارداد مسترد کردی

تحریک انصاف کے سابق رہنما نے اپنے پیغام میں عمران خان کو مخاطب کرتے ہوئے انکشاف کیا کہ ’تم نے جنرل باجوہ کو ہٹانے کی کوشش کی ، میں گواہی دیتا ہوں کہ آپ نے مجھے اکیلے میں بلا کر کہا کہ میں جنرل باجوہ کو ہٹانے والا ہوں، بہت بڑی بات کہہ رہا ہوں اور بھی بہت کچھ جانتا ہوں ہے جو اگر میں نے بتادیا تو قیامت آجائے گی‘۔

aamir liaquat
Image Source: File

انہوں نے وزیراعظم کو موصول مبینہ دھمکی آمیز خط پر تنقید کرتے ہوئے کہا کہ ’میں چپ بیٹھا ہوا ہوں کیوں کہ تمہاری طرح نہیں ہو جو ٹیلی ویژن پر آکر راز کھولتا پھروں ،ٹیلی ویژن پر جعلی خط لہراؤں، وہ خط جعلی ہے جو کہ اسد عمر سے لکھوایا گیا اور اس عمل میں شاہ محمود قریشی بھی شامل تھے‘۔عامر لیاقت نے اپنے پیغام میں عمران خان کو خاموش رہنے کی تنبیہ کرتے ہوئے کہا کہ ‘آپ نے فوج میں بغاوت کرنے کی کوشش کی، آپ نے ایک کور کمانڈر کو  سامنے لاکر آرمی چیف جنرل قمر جاوید باجوہ کو ہٹانے کی کوشش کی لیکن تمہارا باپ بھی جنرل باجوہ کو نہیں ہٹا سکتا‘۔

دوسری جانب، سماجی رابطے کی ویب سائٹ ٹوئٹر پر عامر لیاقت کا یہ “گو اوے” ویڈیو پیغام جس میں انہوں نے عمران خان سے متعلق تہلکہ خیز انکشافات کئے ہیں ، پوسٹ ہونے کے کچھ ہیبدیر بعد ٹرینڈ کرنے لگا۔ صارفین کی جانب سے مذکورہ پیغام پر عامر لیاقت کی خوب ٹرولنگ بھی کی جارہی ہے جبکہ بعض صارفین نے عامر لیاقت کی ٹوئٹس میں توہین آمیز زبان کے استعمال پر ناراضگی کا اظہار کیا ہے۔

واضح رہے کہ 3 اپریل کو ڈاکٹر عامر لیاقت نے پاکستان تحریک انصاف چھوڑنے کا باقاعدہ اعلان کرتے ہوئے کہا تھا کہ ڈرامہ ختم ہونے کے بعد کہنا چاہتا ہوں کہ وزیراعظم نے جو کچھ کیا ثابت ہوگیا کہ اپوزیشن جو کچھ کر رہی تھی درست کررہی تھی، آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ جنرل قمر جاوید باجوہ کو ہٹانے کے لیے یہ کھیل کھیلا گیا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
1
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format