اگر آپ سے پوچھا جائے کہ وہ کونسی اداکارہ ہیں جو سب سے زیادہ میڈیا ہیڈلائنز میں رہنا پسند کرتیں ہیں تو یقیناً آپ کا جواب اداکارہ میرا ہی ہوگا۔ کیونکہ پاکستان شوبز انڈسٹری میں ایسا ہنر کسی اور کے پاس نہیں جو اداکارہ میرا کے پاس ہے، وہ کبھی اپنے نجی اسکینڈل، تو کبھی اپنی غلط انگریزی، تو کبھی اپنے انوکھے بیانات کے باعث خبروں میں رہتی ہیں لیکن اس بار خبروں کی زد میں تو خوب ہیں، لیکن وجہ ہے عام معلومات میں غلطی کی وجہ ہے، جس کی ویڈیو سوشل میڈیا پر کافی وائرل ہے۔
ان دنوں ہر پاکستانی کی زبان پر بس ایک ہی ہے، اور وہ ایتھلیٹ ارشد ندیم کا ہے، جنہوں نے ٹوکیو میں جاری اولمپکس میں جیولین مقابلوں میں اپنی بہترین کارکردگی سے ہر ایک کا پاکستانی کا ناصرف دل جیت لیا ہے بلکہ ملک وقوم کا نام عالمی سطح پر روشن کر دیا ہے۔ یہی وجہ ہے کہ ان کہ زبردست کارکردگی پر انہیں خوب پذیرائی اور مبارکباد بھی مل رہی ہے۔
اس سلسلے میں اداکارہ میرا جی کی جانب سے بھی قوم کے ہیرو ارشد ندیم کو مبارکباد پیش کی گئی، لیکن اس مبارکبادی پیغام میں اداکارہ نے ارشد ندیم کو کرکٹر قرار دیا۔ جس پر دیکھنے اور سننے والے سب ہی حیران ہوگئے ہیں۔
تفصیلات کے مطابق سماجی رابطے کی ویب سائٹ انسٹاگرام پر اداکارہ میرا کی ایک ویڈیو وائرل ہے، جس میں وہ ایک نجی ٹی وی چینل سے گفتگو کررہی ہیں، اس دوران رپورٹر کی جانب سے ان سے ایتھلیٹ ارشد ندیم کے حوالے سے سوال کیا، تو اداکارہ کا کہنا تھا کہ “ارشد ندیم نے بہت اچھی کرکٹ کھیلی، پاکستان کا نام روشن کیا، انہوں نے بہت اچھا کھیلا، ان کی محنت نظر آ رہی تھی، ان کی باڈی لینگویج میں بہت ایمانداری تھی، بہت ڈسپلین تھا اور بہت ہی زبردست انہوں نے کھیلا تھا۔ لہٰذا وہ سمجھتی ہیں کہ حکومت کو ہمارے ہیروز کو سراہنا چاہیے”۔
اداکارہ میرا کی غلط معلومات سے متعلق ویڈیو سوشل میڈیا پر کافی وائرل ہو رہی ہے، کوئی ان کی غلطی کو درست کروا رہا، تو کسی پوچھ رہا ہے کہ کیا اداکارہ واقعی یہ سب کچھ جان بوجھ کرتی ہیں؟
یاد رہے چند روز قبل اداکارہ میرا کی جانب سے ایک بڑا اعلان کیا گیا تھا، جس میں انہوں نے باقاعدہ طور پر سیاست میں آنے کا اعلان کرتے ہوئے حکمران جماعت پاکستان تحریک انصاف میں شمولیت کا فیصلہ کیا تھا۔ اس سلسلے میں وہ جلد ہی حکمران جماعت کے رہنماؤں کے ساتھ پریس کانفرنس بھی کریں گی۔
یاد رہے گزشتہ برس اداکارہ میرا جب امریکہ سے پاکستان واپس آئیں تھیں، تو انہوں بتایا تھا کہ وہ امریکہ میں مقیم تھیں، جہاں انہوں نے کچھ شوز کرنا تھے ، جوکہ کورونا وائرس کے خطرات کے باعث موخر ہوگئے تھے، لہذا پھر انہیں اس پر 1 کروڑ روپے کا نقصان ہوا تھا، جس پر اداکارہ میرا نے پنجاب آرٹسٹ سپورٹ فنڈ سے 4 کروڑ روپے کی مالی معاونت کی درخواست کی تھی۔ اس حوالے سے میرا جی نے موقف اختیار کیا تھا کہ ان کے موجودہ مالی حالات ٹھیک نہیں ہیں۔ جبکہ گھر کے سات افراد ان کی زیر کفالت ہے
0 Comments