سائرہ اور صدف کنول دونوں ہی ہماری بیٹیاں ہیں، بہروز سبزواری

جیسے ہی سائرا یوسف اور شہروز سبزواری کےدرمیان علیحدگی کی خبریں سوشل میڈیا پر منظر عام پر آئیں ، ماڈل صدف کنول کے ساتھ شہروز کے مبینہ ازدواجی تعلقات کے بارے میں سوشل میڈیا پر بہت سی افواہیں پھیل گئیں۔ جلد ہی ، شہروز صدف کے ساتھ شادی کے بندھن میں بندھ گئے۔ اس ہی حوالے سے شادی کے بعد پہلی بار ، اداکار بہروز سبزواری نے اپنے بیٹے شہروز سبزواری کی طلاق اور دوسری شادی کے بارے میں بات کی۔

گذشتہ سال شہروز سبزواری اور ماڈل صدف صدف کی شادی کی خبر نے اس وقت عوام کی توجہ مبذول کرلی جب انہوں نے سوشل میڈیا پر اس کا اعلان کیا۔ دونوں کی شادی کو کچھ عرصہ گزر چکا ہے۔ دھوکہ دہی کے متعدد الزامات ، سوشل میڈیا پر زبردست تنقید اور ٹرولنگ کے باجود شادی شدہ جوڑے کا تعلق برقرار ہے۔

ابھی حال ہی میں ، سینئر اداکار اور شہروز کے والد ، بہروز سبزواری نے ایک ٹی وی پروگرام میں بطور مہمان شرکت کی، جس میں انہوں نے پہلی بار اپنے بیٹے کی طلاق کے بارے میں بات کی۔ جس میں انہوں نے اپنی اور ان کی اہلیہ کو درپیش مشکلات کے بارے میں بتایا جب سائرہ ہوسف اور شہروز سبزواری علیحدہ ہوگئے۔ اور انہوں نے اپنی سابقہ بہو سائرہ کے بارے میں بھی بات کی۔

سینیئر تجربہ کار اداکار بہروز سبزواری کا کہنا تھا کہ “آپ کو معلوم ہے کہ سال 2020 نہ صرف کورونا وائرس کی وجہ سےمشکل تھا بلکہ ہماری زندگی کو بھی اتار چڑھاؤ کا سامنا کرنا پڑا۔ سائرہ ہماری بیٹی کی طرح ہے اور وہ ہماری پوتی نورے کی ماں ہے۔ میں اس کو بہت سپورٹ کرتا ہوں۔ اسی طرح صدف کنول ہماری دوسری بیٹی ہے، جسے اللہ نے ہمیں دیا۔

بہروز سبزواری نے مزید کہا کہ، ” جو قسمت میں لکھا ہو وہ بہرحال ہونا ہی ہوتا ہے ، ہم کچھ اچھا یا برا نہیں کہہ سکتے ۔ یہ جو ہوا وہ بھی مقدر تھا اور جو ہوتا ہے اچھے کیلئے ہی ہوتا ہے۔ رشتوں اور تعلق کے لحاظ سے ہمیں ایک مشکل وقت کا سامنا کرنا پڑا لیکن اہلیہ سفینہ نے اس سب کو بہت زیادہ سنجیدگی سے لیا اور پریشان ہو گئیں۔”انہوں نے کہا کہ خواتین علیحدگی کے حوالے سے مختلف نظریات رکھتی ہیں۔

اپنی پوتی کے بارے میں بات کرتے ہوئے بہروز سبزواری نے کہا کہ، “نورے ہماری بیٹی ہے ، اور ہفتے کے کچھ دن وہ ہمارے ساتھ گزارتی ہے اور باقی دن وہ اپنی والدہ کے ساتھ گزارتی ہیں۔ ہم اسے اس کی ماں سے علیحدہ نہیں کرسکتے ہیں ، ہم یہ کام کرنے والے کون ہیں۔ سائرہ اور صدف کنول دونوں ہی ہماری بیٹیاں ہیں اور نورے ہماری جان ہے۔ “

واضح رہے اداکار بہروز سبزواری ایک تجربہ کار پاکستانی ٹی وی اور فلمی اداکار ہیں جنھوں نے آج تک متعدد ہٹ ڈراموں اور فلموں میں کام کیا ہے۔ ان کے بیٹے شہروز سبزواری نے اپنے والد کی میراث کی پیروی کی اور انٹرٹینمنٹ انڈسٹری میں اپنا نام بنا رہے ہیں۔

خیال رہے کہ گزشتہ برس 29 فروری کو شہروز نے سوشل میڈٖیا پوسٹ کے ذریعے سائرہ یوسف سے علیحدگی کی تصدیق کی تھی جب کہ سائرہ اور شہروز کی ایک بیٹی ہے، جس کا نام نورے ہے۔

واضح رہے کچھ عرصہ قبل اداکار شہروز سبزواری اور اداکارہ صدف کنول نے ایک نجی ٹی وی شو میں شرکت کی تھی، جس کی میزبانی اداکار آغا علی اور اداکارہ حنا الطاف کر رہیں تھیں۔ اس پروگرام میں شہروز سبزواری کی جانب سے بتایا گیا تھا کہ وہ اداکارہ صدف کنول کب اور کہاں ملے اور کیسے ان کی دوستی محبت میں تبدیل ہوئی۔

اگرچے جب اداکار شہروز سبزواری اور ماڈل صدف کنول رشتہ ازدواج میں منسلک ہوئے تھے، تو انہیں ابتداء میں سوشل میڈیا پر کڑی تنقید کا سامنا تھا، بعدازاں صبر کا پیمانہ لبریز ہونے پر صدف کنول کی جانب سے ایک پیغام جاری کیا گیا تھا، جس میں انہوں نے کہا تھا کہ “جو بھی سن رہے ہیں، اپنی حد میں رہیں اور خوش رہے اور کسی کی برائیاں نہیں کریں، انسان کے بچے بن کر رہیں، یہ جو منفی کمنٹ کر رہے ہیں، انہیں ختم کریں۔