یاسر حسین فلسطین کے معاملے پر کرسٹیانو رونالڈو سے بےحد متاثر


0

فلسطین میں جاری اسرائیلی جارحیت سے آج دنیا واقف ہے، مسلمانوں سمیت انسانیت کا دکھ درد رکھنے والی عالمی برادری بھی اس ظلم وزیادتی کے خلاف آواز بلند کرتی دیکھائی دے رہی ہے۔ اس سلسلے میں پاکستانی اداکار یاسر حسین نے پرتگالی فٹ بالر کرسٹیانو رونالڈو کی ایک پرانی خبر کا حوالہ دیتے ہوئے، پاکستانی کھلاڑیوں اور فنکاروں سے کچھ اہم سوالات کئے ہیں۔

تفصیلات کے مطابق اداکار یاسر حسین کی جانب سے سوشل میڈیا پر عالمی شہرت یافتہ فٹ بالر کرسٹیانو رونالڈو کی فلسطین کے حوالے سے ایک پرانی خبر شئیر کی گئی ہے، جس کے حوالے سے مشہور ہے کہ پرتگالی فٹ بالر کرسٹیانو رونالڈو نے ماضی میں فلسطین میں جاری ظلم و بربریت کے خلاف احتجاجا ایک بین الاقوامی برانڈ کے اشتہار میں کام کرنے کی آفر کو ٹھکرا دیا تھا۔

Image Source: Instagram

اس ہی حوالے سے اداکار یاسر حسین کی جانب سے سماجی رابطے کی ویب سائٹ انسٹاگرام پر ایک اسٹوری بھی شئیر کی گئی، جس میں بتایا گیا کہ اسٹار فٹ بالر کرسٹیانو رونالڈو نے فلسطینی عوام کے ساتھ اظہار یکجہتی کرتے ہوئے، مشروبات کے عالمی برانڈ کے ایک اشتہار میں کام کرنے کی پیشکش کو ٹھکرا دیا تھا، اگرچے اس اشتہار کی آفر ملین ڈالرز میں تھی۔

Image Source: Instagram

پانچ بار دنیا کے بہترین فٹ بالر کا ایوارڈ جتنے والے کرسٹیانو رونالڈو نے موقف اختیار کیا تھا کہ وہ ایسے برانڈ میں کام نہیں کرسکتے ہیں، کیونکہ یہ برانڈ اسرائیلی فوج کی فنڈنگ کرتا رہا ہے۔

چنانچہ اس پر اداکار یاسر حسین نے جہاں پرتگالی فٹ بالر کرسٹیانو رونالڈو کے اس زبردست اقدام کو سراہا وہیں اپنی انسٹاگرام اسٹوری پر پاکستانی فنکاروں اور کھلاڑیوں کو مخاطب کرتے ہوئے پوچھا کہ، کیا آپ ایسا کر سکتے ہیں؟ اداکار کی جانب سے اپنے اس سوال کو خود سے معصومانہ سوال قرار دیا ہے۔

Image Source: Al Jazeera

کرسٹیانو رونالڈو کا شمار دنیا کے بہترین ترین فٹ بالرز میں ہوتا ہے، انہوں نے ناصرف 5 بار دنیا کے بہترین فٹ بالر کا ایوارڈ اپنے نام کیا ہے، وہیں گزشتہ برس دبئی میں ہونے والی ایک تقریب میں کرسٹیانو رونالڈو کو پلیئر آف دی سنچری کا بھی ایوارڈ دیا گیا تھا۔ ان دنوں وہ اطالوی فٹ کلب جوینٹس کی نمائندگی کر رہے ہیں، جبکہ ماضی میں وہ اسپنش کلب ریال میڈرڈ اور برطانوی کلب مانچسٹر یونائیٹڈ کی بھی نمائندگی کرچکے ہیں۔ کرسٹیانو رونالڈو دنیائے فٹ بال میں سب سے زیادہ گول کرنے والوں کے ریکارڈ کی فہرست میں دوسرے نمبر پر ہیں۔

واضح رہے اداکار یاسر حسین کے حوالے سے مشہور ہے کہ انہیں آرٹ ہے کہ وہ کسی نہ کسی وجہ سے خبروں کی زینت بنے رہتے ہیں۔ کچھ عرصہ قبل ان کی جانب سے ایک حیران کن دعویٰ کیا گیا تھا کہ وہ ماضی میں ایک بھوت کے ساتھ رہے چکے ہیں۔ وہ دو بیڈ روم والے اپارٹمنٹ میں رہا کرتے تھے، جہاں ایک کمرے میں وہ اور دوسرے کمرے میں ایک مافوق الفطرت بوڑھا شخص رہا کرتا تھا لیکن اس نے کبھی انہیں تنگ نہیں کیا۔

کچھ ماہ قبل ایک نجی ٹی وہ شو میں دوران انٹرویو پروڈیوسر یاسر حسین سے ان کی شادی کے حوالے سے بات چیت جاری تھی کہ انہوں نے انکشاف کرتے ہوئے بتایا تھا کہ کچھ لوگوں نے ان کی شادی میں بغیر دعوت نامے کے شرکت کی تھی، جس میں ایک نام اداکارہ نوشین شاہ کا بھی تھا۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format