اداکارہ سجل علی نے بین الاقوامی ایوارڈ اپنے نام کرلیا

مشہور و معروف پاکستانی اداکارہ نے سجل علی نے جہاں اپنی زبردست فنی صلاحیتوں کے ذریعے ملکی سطح پر تو اپنا لوہا منوایا ہے وہیں اب بین الاقوامی سطح پر بھی ایک بڑا سنگ میل عبور کرلیا ہے۔

تفصیلات کے مطابق ڈسٹنکنف انٹرنیشنل عرب ایوارڈ (ڈی آئی اے ایف اے) کے چوتھے ایڈیشن کی تقریب گزشتہ روز دبئی میں منعقد کی گئی، جس میں دنیا بھر سے نامور شوبز شخصیات نے شرکت کی، اس دوران معروف اداکارہ سجل علی نے پاکستان کی نمائندگی کی۔ اس دوران اداکارہ سجل علی کی فنی صلاحیتوں کا اعتراف کرتے ہوئے متاثر کن کارکردگی پر ایوارڈ سے بھی نوازا گیا۔

ڈسٹنکنف انٹرنیشنل عرب ایوارڈ (ڈی آئی اے ایف اے) کے حوالے سے بات کی جائے تو، تو یہ ایوارڈ کی تقریب ہر سال دبئی میں منعقد کی جاتی ہے، جس میں بین الاقوامی اور مشہور عرب شخصیات کو ان کی سالانہ کامیابیوں اور شراکتی عمل کو معاشرے میں بہتر بنانے کے اعزاز میں ایوارڈز سے نوازا جاتا ہے۔ اس سال ان شخصیات میں ایک نام اداکارہ سجل علی کا بھی ہے۔

اس دوران جہاں اداکارہ سجل علی نے اس ایوارڈ کو وصول کیا وہیں تقریب سے خطاب کرتے ہوئے سجل علی نے سب سے پہلے تقریب میں شریک لوگوں کو اسلام علیکم کرتے ہوئے کہا کہ میرے لئے یہ انتہائی فخر کی بات ہے ، کہ میں یہاں موجود ہوں، اتنے بڑے فنکاروں اور لوگوں کے ساتھ۔ ساتھ ساتھ اتنے بڑے موقع پر اداکارہ سجل علی اپنے مداحوں کو نہ بھولیں، انہوں نے اپنے تمام مداحوں کا بھی تہہ دل سے شکریہ ادا کیا۔

مشہور اداکار احد رضا میر کی اہلیہ، اداکارہ سجل علی نے ایوارڈ ملنے کے بعد سماجی رابطے کی ویب سائٹ انسٹاگرام پر ایوارڈ کے ہمراہ اپنی ایک تصویر شئیر کی جس میں انہوں نے لکھا کہ، یہ ایوارڈ ان کے بہت اسپیشل ہے، صرف ایک فنکار کی حیثیت سے نہیں بلکہ ایک بافخر پاکستانی کی حیثیت سے یہ بہت اسپیشل ایوارڈ ہے۔ جبکہ اس دوران انہوں نے (ڈی آئی اے ایف اے) کا شکریہ ادا کیا اور دبئی کا بھی شکریہ ادا کی کہ انہوں نے دنیا بھر سے فنکاروں کو مدعو کیا۔

اس ایوارڈ ملنے کے بعد جہاں ایک جانب عوام کی جانب سے بڑی تعداد میں اداکارہ سجل علی کو مبارکباد کے پیغامات بھیجے جارہے ہیں وہیں پاکستانی شوبز انڈسٹری سے منسلک ساتھی فنکاروں کی جانب سے بھی مبارکباد کے پیغامات دیئے جارہے ہیں، جن میں اداکارہ مومل شیخ، سعدیہ حسن اور دیگر فنکاروں کے نام شامل ہیں۔

دوسری جانب مشہور و معروف اداکارہ زارا نور عباس کی جانب سے بھی اپنی بہترین دوست کے لئے مبارکبادی پیغام بھیجا گیا، انسٹاگرام اسٹوری شئیر کرتے ہوئے اداکارہ زارا نور عباس نے لکھا کہ “سپر سپر پراؤڈ آف یو سجل علی”.

واضح رہے رواں برس معروف اداکارہ سجل علی، اداکار احد رضا میر کے ساتھ ابو ظہبی میں رشتہ ازدواج میں منسلک ہوگئیں تھی۔ اس جوڑے کو پاکستان شوبز انڈسٹری کا سب سے پسندیدہ ترین جوڑا تصور کیا جاتا ہے۔

یاد رہے اس ہی دوران مشہور و معروف اداکارہ ماہرہ خان کو بی سی سی کی جانب سے سال 2020 کی 100 بااثر خواتین کی فہرست میں شامل کیا گیا ہے، جوکہ بحیثیت ہم سب کے لئے ایک فخر کی بات ہے۔