صبا قمر نے جلد شادی کرنے کا عندیہ دیدیا


0

پاکستان کی خوبرو اداکارہ صبا قمر کا شمار اُن چند اداکاراؤں میں ہوتا ہے جو اپنی بھرپور ایکٹینگ سے کردار میں جان ڈالنے کا فن باخوبی جانتی ہیں۔ لیکن ڈراموں میں مضبوط کردار ادا کرنے والی یہ خوبصورت اداکارہ اپنی حقیقی زندگی میں عشق میں ناکامی کا سامنا کرچکی ہیں۔ اس بات کا اعتراف صبا قمر نے خود ایک انٹرویو میں کیا اور بتایا کہ انہوں نے ایک شخص کے لئے اپنی زندگی کے 8 سال ضائع کردئیے اور اس شخص نے انہیں بغیر بتائے شادی کرلی۔

اس کی شادی کی خبر بھی فیس بک کے ذریعے ملی ۔بعد ازاں گزشتہ برس صبا قمر کا نام آسٹریلیا میں مقیم بلاگر عظیم خان کے ساتھ جڑا اور دونوں نے شادی کرنے کا اعلان بھی کیا تاہم عظیم خان پر لڑکیوں کی جانب سے جنسی ہراسانی کے الزامات لگنے پر اداکارہ نے شادی کا فیصلہ موخر کردیا تھا۔

Image Source: Instagram

اب دوبارہ صبا قمر نے جلد رشتہ ازدواج میں بندھنے کا اشارہ دیتے ہوئے کہا ہے کہ ان کی زندگی میں ایک شخص ہے اور جلد ہی ان کے مداح اور میڈیا اس کے متعلق جان جائیں گے۔ اداکارہ نے نجی ٹی وی کو دئیے گئے ایک انٹرویو میں بتایا ہے کہ وہ جلد اس شخص سے شادی کرنے والی ہیں جس کے دئیے ہوئے پھولوں کی ویڈیوز وہ اکثر شیئر کرتی رہتی ہیں۔ مذکورہ انٹرویو میں میزبان نے اداکارہ سے سوال کیا کہ آپ کو اتنے پھول کون دیتا ہے؟  کیونکہ پاکستانی مرد تو ایک ہی پھول دے سکتے ہیں ، جیسا آپ کی ویڈیوز میں دیکھا جاسکتا ہے اتنے پھول تو کوئی پاکستانی مرد نہیں دے گا ان کا اتنا بجٹ نہیں ہے۔

Image Source: Instagram

جس پر اداکارہ کو اپنی محبت کی تفصیلات دینی پڑیں اور انہوں نے کہا کہ یہ شخص پاکستانی نہیں ہے اس لیے پاکستانی مردوں کو اس کی تحفہ دینے کی صلاحیتوں کا مقابلہ کرنے کی ضرورت محسوس نہیں کرنی چاہیے۔ جس پر اداکارہ سے سوال کیا گیا کہ آپ کب شادی کریں گی؟ تو اس سوال پر انہوں نے شرماتے ہوئے کہا کہ جیسے حالات چل رہے ہیں لگ رہا ہے کہ بہت جلد ہی کچھ ہونے والا ہے۔ ہاتھوں پر مہندی سجانے اور شادی کے حوالے سے پوچھے گئے سوال پر صبا قمر نے شرماتے ہوئے شرارتی انداز میں بتایا کہ جلد ہی وہ دن آئے گا جس کا لوگوں کو انتظار ہے۔ تاہم دوران انٹرویو اداکارہ نے اپنے اس پسندیدہ شخص کی شناخت بتانے سے گریز کیا۔

خیال رہے کہ صبا قمر گزشتہ کئی دنوں سے اپنے آفیشل انسٹاگرام اکاؤنٹ پر کچھ ایسی ویڈیوز پوسٹ کررہی ہیں جن میں ان کے ساتھ کوئی شخص موجود ہے مگر اس کا چہرہ نہیں دیکھایا جارہا، اس شخص نے اداکارہ کو بے شمار پھول بھی تحفے میں دیئے ہیں جس پر اداکارہ بےحد خوش نظر آرہی ہیں۔ نیز صبا قمر نے اپنی سالگرہ پر بھی ایک ویڈیو پوسٹ کرچکی ہیں جس میں اس شخص کی جانب سے ان کو خوبصورت تحائف دیئے گئے جس پر انہوں نے اس پوسٹ کے کیپشن میں ’’مائی شانو‘‘ لکھ کر شکریہ بھی ادا کیا۔

علاوہ ازیں، حالیہ دنوں میں صبا قمر کا ایک ویڈیو کلپ بھی سوشل میڈیا پر کافی وائرل ہوا جس میں میزبان کی جانب سے اداکارہ سے سوال پوچھا گیا کہ کیا آپ کی زندگی میں رومانس ہے، میزبان کا یہ پوچھنا تھا کہ صبا قمر کے گال لال اور چہرہ خوشی سے کھِل اٹھا۔ انہوں نے جواب دیتے ہوئے اعتراف کیا کہ اُن کی زندگی میں ایک نیا شخص آ چکا ہے مگر وہ بتائیں گی نہیں، یہ راز ہے اور پوشیدہ ہے، اُن کا کہنا تھا کہ زندگی میں رومانس اور ایک خاص شخص کا ہونا بہت ضروری ہوتا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format