سال 2024 میں کس کس اداکار نے شادی کی؟


-1

سال 2024 میں تقریبا ہر ماہ کسی نہ کسی بڑی اہم شخصیت کی شادی ہوئی، تاہم زیادہ تر شادیاں سال کے آغاز اور سال کے اختتام پر ہوئیں۔

Pakistani Celebrities Married In 2024

ہر سال کی طرح رواں برس بھی پاکستان کی معروف شوبز شخصیات، میڈیا سے وابستہ افراد، یوٹیوبرز اور دیگر شعبہ جات سے وابستہ افراد نے شادیاں کیں۔

Pakistani Celebrities Married In 2024

پاکستان میں عام طور موسم سرما میں شادیاں کی جاتی ہیں اور نومبر سے فروری تک زیادہ تر شادیاں ہوتی ہیں اور معروف شخصیات بھی نئی زندگی شروع کرنے کے لیے ان ہی مہینوں کا انتخاب کرتی ہیں۔

ایمن سلیم

اداکارہ ایمن سلیم کا نکاح تو گزشتہ برس دسمبر میں ہوا تھا لیکن رواں سال کا آغاز ان کی شادی کے سلسلے میں منعقد ہونے والی تقریبات کے ساتھ ہوا۔ اداکارہ کا ’شالیمہ‘ یکم جنوری کو منعقد ہوا تھا۔

شعیب ملک  ثناء جاوید

رواں سال کے دوسرے ماہ (فروری) میں اداکارہ ثناء جاوید نے قومی کرکٹ ٹیم کے سابق کپتان شعیب ملک سے دوسری شادی کرلی۔

حنا رضوی

شوبز انڈسٹری کی لیجنڈری اداکارہ اور ہدایت کارہ سنگیتا کی چھوٹی بہن و اداکارہ حنا رضوی نے رواں سال 14 اپریل کو اپنے مایوں سے متعلق انسٹا پوسٹ شیئر کر کے سب کو حیران کردیا تھا۔ 

مقبول اداکارہ و پرڈویوسر حنا رضوی نے بھی 2024 میں زندگی کے نئے سفر کا آغاز کیا اور خاموشی سے سوشل میڈیا سٹار عمار احمد خان سے شادی کرلی۔

:مزید پڑھیئں

گوگل پر 2024 پاکستانیوں نے کن شخصیات کو زیادہ تلاش کیا گیا؟

اریشہ رضی خان

پاکستان شوبز انڈسٹری میں بطور چائلڈ اسٹار کیریئر کا آغاز کرنے والی معروف اداکارہ عریشہ رضی خان کا نکاح تو 2022 میں ہوگیا تھا تاہم ان کی رخصتی رواں سال کے آغاز میں ہوئی۔ جنوری کے وسط سے شروع ہونے والا مایوں مہندی کا سلسلہ فروری میں ان کی رخصتی تک چلتا رہا۔

رواں برس اداکارہ عریشہ رضی بھی رشتہ ازدواج میں منسلک ہوئیں، انہوں نے عبداللہ فرخ کو اپنا جیون ساتھی منتخب کیا۔

فیروز خان

سال 2024 میں اداکار فیروز خان نے بھی دوبارہ زندگی کے نئے سفر کا آغاز کیا اور ڈاکٹر زینب کو اپنا جیون ساتھی چنا، فیروز خان اپنے آفیشل انسٹاگرام اکاؤنٹ پر دلہن کے ساتھ تصویر شیئر کرتے ہوئے لکھا کہ میری زندگی میں خوش آمدید ۔

جویریہ عباسی

اداکارہ جویریہ عباسی نے بھی اس سال ایک بار پھر زندگی کے نئے سفر کا آغاز کیا، 52 سالہ اداکارہ جویریہ عباسی نے فوٹو اینڈ ویڈیو شیئرنگ ایپ انسٹاگرام پر اپنے نکاح کی تصاویر مداحوں کے ساتھ شیئر کیں۔

اداکارہ نے رواں سال جولائی میں اعلان کیا کہ انہوں نے 3 ماہ قبل ہی منگنی کے ساتھ ساتھ نکاح بھی کرلیا تھا، جسے جان کر مداح حیران رہ گئے تھے۔

زوہاب خان

بطور چائلڈ آرٹسٹ اپنے کیریئر کا آغاز کرنے والے پاکستانی اداکار زوہاب خان اور ٹک ٹاکر و ساتھی اداکارہ وانیہ ندیم رواں سال مئی کے آغاز میں شادی کے بندھن میں بندھ گئے۔

یشمیرا جان

پاکستانی معروف اداکار شبیر جان اور فریدہ شبیر کی بیٹی و اداکارہ یشمیرا جان رواں سال جون کے اختتام پر رشتہ ازدواج میں منسلک ہوئیں۔ ان کی ڈھولکی اور نکاح کی تصاویر و ویڈیوز سوشل میڈیا کی خوب زینت بنیں۔

انوشے اشرف

پاکستانی معروف وی جے، ماڈل، میزبان اور اداکارہ انوشے اشرف نے جولائی میں اپنی شادی کی تصاویر شیئر کر کے شادی نہ کرنے کا طعنہ دینے والوں کے منہ بند کردیے تھے۔ انہوں نے شہاب رضا مرزا نامی شخص کے ساتھ رواں سال شادی کی ہے۔

دانیہ شاہ

پاکستانی معروف سیاسی شخصیت اور میزبان مرحوم عامر لیاقت حسین سے شادی کر کے شہرت حاصل کرنے والی ان کی تیسری اہلیہ دانیہ شاہ نے رواں سال جولائی کے اختتام پر ڈرامائی انداز میں اپنی دوسری شادی کا اعلان کیا۔ انہوں نے ٹک ٹاکر اور اپنے وکیل حکیم شہزاد کے ساتھ شادی کی۔

عمیر جسوال

اداکارہ ثناء جاوید کے سابق شوہر گلوکار عمیر جیسوال نے رواں سال اکتوبر میں اپنے نکاح کی تصویر سوشل میڈیا پر شیئر کر کے سب کو حیران کر دیا۔ انہوں نے اپنی دوسری شادی سے متعلق مزید تفصیلات خفیہ رکھی ہیں۔

ارشاد بھٹی

معروف پاکستانی صحافی اور تجزیہ کار ارشاد بھٹی نے پہلی اہلیہ کے انتقال کے بعد سابقہ اداکارہ اور سوشل میڈیا انفلوئنسر سما راج دوسری شادی کر لی۔ انہوں نے رواں ماہ اپنی دوسری شادی کا اعلان کیا ہے۔

شہریار منور اور ماہین صدیقی

اداکار شہریار منور نے حال ہی میں اداکارہ ماہین صدیقی سے شادی کی، ان کی شادی تقریبات میں ڈھولکی، قوالی نائٹ، ہلدی اور  شبِ برات  شامل تھیں، اداکار کی شادی کی تقریبات میں ماہرہ خان، مومل شیخ، احد رضا میر، عدیل حسین، جمی خان اور علی حمزہ سمیت دیگر فنکاروں نے شرکت کی۔

اسما ء عباس کا بیٹا

اداکارہ اسماء عباس کے بیٹے کی شادی کی تقریبات بھی اس سال کے اختتامی ہفتے میں منعقد ہوئیں، جن میں اسماء عباس اور بشریٰ انصاری کے دلچسپ ڈانس کی ویڈیوز وائرل ہوئیں جس پر صارفین نے دلچسپ تبصرے بھی کیے۔

زارا نور عباس نے انسٹاگرام پر بھائی کے نکاح کی تصاویر اور ویڈیوز شیئر کرتے ہوئے انہیں نکاح پر مبارک باد بھی پیش کی جب کہ بشریٰ انصاری نے بھی بھانجے کی شادی کی ویڈیوز اور تصاویر شیئر کیں۔

ان تمام شادیوں نے مداحوں کی توجہ حاصل کی اور سوشل میڈیا پر خوب چرچے رہے۔


Like it? Share with your friends!

-1
Annie Shirazi

0 Comments

Your email address will not be published. Required fields are marked *