کیا امیشا پٹیل اور عمران عباس ایک دوسرے کو ‘ڈیٹ’ کررہے ہیں؟


0

بھارتی فلم ‘کہو نہ پیار ہے’ سے مشہور ہونے والی اداکارہ امیشا پٹیل اور پاکستانی اداکارعمران عباس کی گزشتہ دنوں کئی ویڈیوز سوشل میڈیا پر وائرل ہوئیں۔ ان ویڈیوز کے منظر عام پر آنے کے بعد یہ افواہیں بھی گردش کرنے لگیں کہ دونوں اداکاروں کے درمیان رومانوی تعلقات ہیں۔ تاہم امیشا پٹیل نے ان افواہوں کو احمقانہ اور بچکانہ قرار دیتے ہوئے کہا ہے کہ عمران عباس ان کے اچھے دوست ہیں۔

بھارتی اداکارہ نے ہندوستان ٹائمز سے بات کرتے ہوئے بتایا کہ میں نے پاکستانی اداکار عمران عباس کے ساتھ رومانوی تعلقات کے حوالے سے ہونے والی چہ مگوئیوں پر تمام خبریں پڑھیں اور صرف اس پر ہنسی ہوں، ساری باتیں بہت ہی احمقانہ اور بیوقوفی پر مبنی ہیں، اپنے دوست (عمران عباس) سے کچھ دیر بعد ملی ہوں، محض یہ ایک ملاقات تھی۔

Image Source: screengrab

امیشا پٹیل کے مطابق ان کے اور عمران عباس کے درمیان کئی سال سے تعلقات ہیں مگر ان کے رومانوی تعلقات ہیں، لوگ انہیں جوڑی کے طور پر دیکھ رہے ہیں جو کہ غلط ہے۔

انہوں نے کہا کہ ہم ایک دوسرے کو بہت پہلے سے جانتے ہیں، عمران کو تب سے جانتی ہوں جب ہم امریکا میں اکٹھے پڑھتے تھے، ہم ابھی تقریب میں ملے تھے جس کے بعد ہم نے بعد میں بھی ملاقات کی اور پھر ویڈیو بنائی، یہ میرا اور اس کا پسندیدہ گانا ہے، لہذا یہ ایک حادثاتی ویڈیو تھی۔

مزید پڑھیں: عمران عباس اپنی جعلی شادی کروانے والے یوٹیوبرز سے تنگ

ان دونوں اداکاروں کی ملاقات کچھ روز پہلے بحرین میں ہوئی تھی جس کے بعد امیشا پٹیل نے انسٹاگرام پر ویڈیو اپ لوڈ کی تھی اور لائیو ویڈیو کے ذریعے مداحوں سے بات بھی کی تھی۔
لائیو ویڈیو میں امیشا پٹیل نے بتایا تھا کہ بھارت بھر کی خواتین عمران عباس پر فدا ہیں، ہر عمر کی بھارتی خواتین ان کی مداح ہیں، جنہوں نے اداکارہ سے اداکار کا آٹوگراف لے کر آنے کی درخواستیں بھی کیں۔ دونوں نے لائیو ویڈیو میں امید کا اظہار بھی کیا کہ وہ مستقبل میں ضرور کسی نہ کسی منصوبے میں ایک ساتھ کام کرتے دکھائی دیں گے۔

لائیو ویڈیو کے بعد ان دونوں نے معروف بولی وڈ گانے ’دل میں درد سا جگا ہے‘ پر پرفارمنس بھی کی تھی، جس کی ویڈیو دونوں نے انسٹاگرام پر شیئر کی تھی۔اداکارہ نے بتایا کہ ’دل میں درد سا جگا ہے‘ عمران عباس کا پسندیدہ ترین گانا تھا، جس وجہ سے دونوں نے اس پر پرفارمنس کی اور ویڈیو انسٹاگرام پر شیئر کی۔ امیشا پٹیل کے مطابق دونوں کا پہلے سے ملاقات یا ویڈیو بنانے کا کوئی منصوبہ نہیں تھا،ان کی اچانک ملاقات ہوئی تو دونوں نے ویڈیوز بنائیں اور ایک ساتھ اچھا وقت گزارا۔

مزید برآں، دونوں اداکاروں کے مابین رومانوی تعلقات پر امیشا پٹیل کا وضاحتی بیان تو سامنے آگیا ہے تاہم عمران عباس اس معاملے پر فی الحال خاموش ہیں اور اُن کی جانب سے تاحال کوئی بیان سامنے نہیں آیا ہے۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
1
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format